منو راحت بالطيران السيريلانكي عفيه ضروري

[كويتية هيبه]

مساء الورد
والله دام الوحده عندها منتدى كويتيات ماراح تتوهق بالسؤال
احنا حجزنا بالطيران السريلانكي عشان جذي بعرف اشلون خدمتهم واهم اهم شي الطياره فيها تلفزيون ولا لا ؟؟؟:s141: اي نسيت احنا بنروح ماليزيا

 

[مناير]

والله اختي الغالية تروحون بالسلامة وسفرة سعيدة .. أنا رحت على السيلانيه جيدة كل شي فييها لا تحاتين فيها تلفزيون وخاصة أكلهم متروس فلفل وبهارات هههههههههههه

 

[كويتية هيبه]

لووووووووووووووووول
بعد قلبي ماتقصرين
بعد منو مجرب

 

[ghalaty]

انا جربته مرتين مره من دبي للكويت وكانت رووووعه نظافه واهتمام.......ومره من الكويت لي دبي عادي نص ونص بس تذل احس طيران الجزيره او الكويتيه وترا السيلانيه تابعه للاماراتيه هذا الي سمعته

 

[حورية آلكويت]

حبيبتي انا رحت على السيرلانكيه عجييييييييييبه اكثر طياره عجبتني خدماتهم حلووووووووه وأكلهم لذيييييذ وكل شوي جايبينلج وجبه
ونضيفه روحوا ولا تترددون والله يردكم بالسلامه

 

[زيزية سمره]

انا رحت معاهم قبل سنتين... الطيارة حدها عجيبة.... نظيفة... وخدمتهم 5 ستارز... يعني يدلعونج طول الرحلة... توكلي على اللة وروحي .

 

[سينتيا]

والله هالطيران اووووكي لاتستهينين فيهم احسن من الكويتيه

والطياره فيها تلفزيون وقيمز حق اليهال راح تستانسين وايد منها

واكلهم لذيذ يمي يمي يمي

 

[بنت بن فهد]

توكلى على الله حبيبتى انا مجربتها ممتاااااااااااازه من كل النواحى
وراح اتعجبج ان شاء الله

 

[كويتية هيبه]

على راسي والله يااحلى كويتيات
الله يطمن بالكم

 

[..دلوعه ريلي..]

انا رحت على السيرلنكيا واااايد حلوه وخدمتهم نظيفه وعجيبه ومايقصرون ابد..
بس اكلهم لج عليه شوي.

 

[Anwaar]

وايد حلوة بس ظيجة

و لما تشوفين قولي حق المظيفة أي بوان

يعني مرحبا بالسيلاني ههههههههههههههههههههههههههههه

 

[منووور]

انا سافرت عليها مرتين بصراحه حلوووووووووه

ومثل ما قالت وحده من البنات ترى ادارتها اماراتيه

ماعليج ذربه الطياره والخدمه زينه

الله يسهل دربكم

 

[شيخة الحلوة]

ياحليلهم
يونسوووون


خوووش طيران
انا رحت حق ماليزيا
بالطيران نفسه

حلوووو

وافلامهم حلوة



اجنبية يديدة



والاكل امممم حلو بس ما يصلح لي
لان معدتي حساااسه


ولله يهنيكم
ويوفقكم
ويروحون ويردون بالسلامة

 

[meme_alq8]

مووفقه برحله خيتوو
انا رحت فيها مرتين حق ماليزيا وخوووش طيران بس الريحه شوي لج عليها نصيحه اخذي معاج معطرات

 

[OM-3ABADY]

سلام

انا ما ودي اعارض خواتي بس الصراحه
من الكويت لما الامارات كانت جيده يعني كله كويتين وياج

بس اذا وقفت ترانزيت دبي نزلوا الكويتين وصعدوا وياج السلانييييييييين

انا قعد جدامي واحد مو متسبح صار له شهر
والطريج 7 ساعات لما ماليزيا تخيلي شكليييييييييي

نصيحه اخذي وياج كل عطور البييييت
ولا تحاولين تدخلين الحمام وراااااااااااااهم ( عزكم الله)

 

[هنـــد]

خوش طيران السيرلانكي ولا تخافين

اهم شي اتصلين صلاة استخاره وتوكلي على الله

وسفره موفقه مقدما

 

[om MaRyooM]

هلا حبوبة

انا بقولج وبكل صراحة

سافرت فيها ماليزا وتايلند والكل قالولي زينة . .لأن ماحصلت حجز الا فيها وتوكلنا على الله

وبصراحة التوووووبة من دي النووبة ..

اول شي

*ريحة خااايسة
*الكراسي مو مريحة كلش!! حتى في وحدة امريكية كانت يمنا قامت تتحلطم ونادت المانجر وتبي تغير مكانها .. وسااالفة
*الاكل الله بالخير .. اشوا اني كنت ماخذة ككاو وبسكوتات
* المظيفات يلوعون الجبد كل ماأقولهم ابي ماااي .. سنة على مايابوه والله .. لما ناديت المسئول وتحلطمت وخرعته قلتله محد ملقيني ويه لازم اخذ دواي الحين ابي ماااي.. جان يروح ركظ يابه
*الطيارة كلها سيلانيين وقرقة ووصاخة .. والحمام اكرمج الله ............ لاتعليق



عاد انا هذي تجربتي بقيت انصحج لأني والله تأذيت من هالطيران .. وموفقة بالرحلة

 

[توت عنكبوت]

انا رحت بالطيران السيلاني لماليزيا وكانت رحلة حيل حلوة

بس السيلانيات على قفا من يشيل

بس الطيران جدا مريح واحسن من الكويتية مواعيدهم مضبوووووووووطة

ان شاء الله تستانسين بماليزيا لأنها رحلة العمر صج

امووووووووت فيها

 

[ام عيالها الغاليين]

حبيبتي انا رايحة فيها دبي تهبل والله وهي أساسا ملك شيخ غماراتي بس يديرونها طاقم سريلانكي وحالها حال الكويتية والإماراتية

توكلي على الله وروحي فيها تهبل

 

[84 Miss Chocolate]

وايييييييييييييييييد زييين بس اكلهم مو حلو