منو خذت شهادة ال icdl تدخل وتفيدنا ^.^

[♥MaSteRiyA♥]

السلام عليكم حبايبي
تقبل الله طاعتكــــــــــم ان شالله​

حبيت أسأل حبوبات
منو خذت شهادة ال ICDL ?
سألت جم وحدة من أهلي جاوبوني وقالوا جيكي لأن
احتمال مغيرين شوي بنظامهم.. لأنهم من زمان ماخذينها..​

فا بليز بنات اللي خذت هالشهادة
تقول لي من وين ؟
جم اسبوع لازم أداوم ؟
وكل يوم ولا يوم وترك ؟
الصبح ولا العصر ؟ << تعودت على العصاري
جم تكلفتها ؟
وأخيرا.. اذا أي وحدة عندها معلومات.. أو موقع حلو يفيدنا عن
الامتحان.. لا تبخل علينا :eh_s(22): ​

بنات فيدونا بليز.. كل وحدة تكتب تجربتها..​

ووووووووووو مشكوريـــــــــــــــــــــــــن وما قصرتوا..
ولكم مني دعاء حلو بهالأيام الفضيلة..​

^.^​

 

[Q8Buying]

سؤال ..

1- شلون تصفين خبرتج بالكمبيوتر ؟
2- تبين تاخذين دورة؟ وإلا تبين تمتحنين فقط ؟
3- حق ليش تبين الشهادة؟



آنا كنت حاطه موضوع مسبقاً، لكم ما أخذ حقة ..

http://www.q8yat.com/t903914.html

إذا حسيتي شي ناقص، ممكن آنا أفيدج .. اسألي

 

[♥MaSteRiyA♥]

1. الله يسلمج خبرتي بالكمبيوتر زينة..
توني متخرجة من ماستر فوايد تمام بالمايكروسوفت والبور بوينت وهالسوالف​

2. والله مادري..
ما عرف طريقة الامتحان شلون صايرة.. وتوني ادري ان أقدر أقدمها من غير الدورة
بس آنا بطبيعتي اذا شي في دراسة وامتحان.. أحب أبدا من الصفر​

3. أبيها لأني ناطرة اعلان تدريس بالجامعة أو بالتطبيقي
فباخذ هالشهادة in case على قولتهم .. مابي شي ناقص​

اهما شنو يعطون بالدورة ؟
والامتحان شلون صاير؟ عن شنو ؟​

يااااااابعدهم والله.. شكله موضوعج و لو انه صج ما أخذ حقه.. مفيد
بفتر فيه شوي و أطالع شنو أكو..
الله يكتب لج كل ما تتمنينه الهي بهالليالي المباركة :eh_s(17):​

 

[fri2010]

في ناس تقول ان احسن شي الدورة اللي تنضمها جامعة الكويت بالخالديه نسيت شنو اسمها

عن نفسي خذيتها بمعهد الاثري فرع الفروانيه

تكلفتها تقريبا مع الكتب والامتحانات بـــ 75 دينار

وكل ما تسقطين بامتحان تدفعين 5 دنانير للاعاده

مدتها من 5-7 اسابيع

الامتحانات تلقينها على اليوتيوب نفسها بالضبط

و هم في كرت عشان تتدربين فيه على طريقه الامتحانات

وبعض المرات الامتحان يكون نفسه داخل هالكرت

والحمدالله شهر 7 اللي طاف استلمت شهادتي

 

[Q8Buying]

شكلج طموح! ما شاء الله ..

خلاص دام خبرتج بالكمبيوتر زينه .. ما له داعي تاخذين الدورة .. لأن الدورة تطول معاج! .. وما فيها زود ..

مع إني ما خذيتها (الدورة) .. بس أحسها بتكون نوعاً ما مملة .. ولازم تلتزمين بحضور مقر الدورة ..

والله أعلم .. يمكن الفائدة حسب منظور كل شخص.. مثلاً: تحتكين بناس.. أو تاخذين شهادة حضور الدورة ..
حسب المكان اللي بتاخذين الدورة عندهم ..

بالنسبة لي .. خذيت الشهادة مؤخراً من (جمعية المعلمين الكويتية)، لأني كنت أحتاجها بصورة عاجلة للوظيفة! ..


في أماكن عديدة تقدّم لج امتحانات الشهادة .. اللي هي :

المادة الأولى: مقدمة إلى تقنية المعلومات (Basic Concepts of IT).
المادة الثانية: نظام التشغيل وإدارة الملفات (Windows).
المادة الثالثة: برنامج الوورد لمعالجة النصوص (Microsoft Word).
المادة الرابعة: برنامج الاكسل للجداول الإلكترونية، وأوراق العمل (Microsoft Excel).
المادة الخامسة: شبكة الإنترنت (Internet Explorer & Outlook Exp.).
المادة السادسة: برنامج أكسس لقواعد البيانات (Microsoft Access).
المادة السابعة: بوربوينت لتصميم العروض التقديمية (Microsoft PowerPoint).

وغالباً هذي الأماكن تعطيج امتحانين أكثر شي أو امتحان أسبوعياً ..

وبعض الدورات تعطيج أسبوع دورة بمادة وحدة، ثم آخر الأسبوع تمتحنج باللي خذيتيه ..

حسب كل دورة وطريقتها، وبالموضوع اللي فوق حطيت لج أسلوب (جمعية المعلمين الكويتية) وكذلك أسلوب (جامعة الكويت) ..


بالنسبة لي ..

درست كتاب اشتريته من (مكتبة جرير) .. نسيت سعره .. لكن جنه كان بـ 3ونص دينار .. ماني ذاكرة ..
لكنه قيّم .. ومتين ! وأوراقة وايد .. مقسم حسب مواد شهادة الICDL ..

كنت أدرس كل أسبوع .. وأقدم امتحانين .. لأني مستعيلة عالشهادة! ..

وكنت أدرس من الإنترنت .. أبحث عن الامتحانات .. والمواد الدراسية ..
عشان أتأهل للامتحان وأقدمه وأنجح من أوّل مرة ..

يعني (تعليم ذاتي) إضافة إلى خبرتي ..

(جمعية المعلمين الكويتية) تعطيج أظن ساعة .. مقابل دينارين أظن.. عشان تجربين الامتحان مالهم .. وتعرفين طريقته ..


ومشكورة على دعائج! وأجمعين يكتب لنا الخير يا رب ..

 

[Q8Buying]

فراي ما قصرت على الرد :eh_s(7): .. وافي ..

صح كلامها .. موجود في يو تيوب الامتحانات والحل ..

مثال :
امتحان الاكسل: http://www.youtube.com/watch?v=jCtHbCqKAgM
http://www.youtube.com/watch?v=2P1acuwqtOs

ويوجد البرنامج في الانترنت .. يقدّم امتحان مختصر نموذج مصغر عن الامتحان الحقيقي ..
وأحياناً نفسها الأسئلة اتيي بالامتحان الحقيقي .. لكن إضافة عليها أسئلة زيادة ..

شوفي .. قيمي تجربتج وخبرتج .. شوفي لو تحتاجين دورة أو لأ ...


وما نستغنى عن ردود البنات ..

وإذا نزل إعلان شغل وظائف معيد .. عطيني خبر >_<

 

[♥MaSteRiyA♥]

مشكورين حبيباتي لا خلا ولا عدم​

Q8Buying عزيزتي
الله يعطيج العافية يا بعد قلبي.. ما قصرتي حياتي​

وأقدر آخذها مثل ما تفضلتي بالتعليم الذاتي.. ماشالله اسم الله عليج
بس بخاطري آخذ الدورة وأتعلم كل شي لوول ​

وعجبتني طريقة ان كل اسبوع يدرسوني مادة و بآخر الاسبوع الامتحان
وين هذا ؟ بجمعية المعلمين ؟ ولا بجامعة الكويت ؟​

و اي بشوف هاليوتيوب ما قصرتي حبيبتي
ومن عيوني أكيد راح أقولج..
راح أدزلج عالخاص اذا منزلين ^.^​

 

[Q8Buying]

بجامعة الكويت هذي طريقتهم، .. أسبوع دراسة أسبوع امتحان ..

ينزلون الدورة على فترات بالسنة ..

أمّا جمعية المعلمين ما عندي فكرة ..

عموماً .. اتصلي على ارقامهم .. تجدين إجابة ..

في بعد أماكن تقدم دورات .. بس ماقدرت أجمعها

والله يعافيج! أكثر ..

مشكورة ما قصرتي ..

 

[♥MaSteRiyA♥]

حبيبتي الله ينولج كل اللي فبالج ان شالله
ويآجرج.. ويدزلج من يساعدج مثل ما ساعدتيني


الله يعطيج العافية حياتي :eh_s(7):​

 

[beauty rose]

انا خذيتها بمبنى الخوارزمي بجامعه الكويت
٧ اسابيع نهايه كل اسبوع امتحان
ب ٨٠ مادري ٧٠ دينار
بس ما يصير تاخذينها الا اذا كنتي طالبه

اذا تخرجتي تصير اغلى بوايد مادري جم

الدوره سهله و الاسئلة مكرره و تلقينهم بالنت
كتبي اختبارات الicdl حفظي الاجوبه و روحي امتحني

 

[♥MaSteRiyA♥]

حسافة توني من شهر تخرجت
يالله ما عليه..
خيرها بغيرها ان شالله..

ومشكورة حبوبة ^.^​

 

[رضاهم جنه]

انا خذيتها من زمااااان بمعهد بحولي كل اسبوع يعطونج شي وبنهايه الاسبوع الامتحان مثلا ويندوز باسبوع بس اذا كنتي شاطره بالكمبيوتر ما يحتاج تحضرين الاسبوع كله بس تعالي وقت الامتحان وبالاخير عقب مانجحت وعطوني الشهاده وديتها حق مقر دورات المعلمين الي بالجابريه وبعدين التربيه نزلت لي سعر الدوره مع راتبي وكان فتره العصر

 

[MisS *-* BMW]

حبيبتي انااا خذيتهاا بمركز الخوارزمي بجامعه الكويت - الشويخ

ومده الدوره 7 اسااابيع وكل اسبوع امتحاان

وكل اسبووع تدرسين مقرر ,, وتمتحنينه بالاسبوع اللي ورااه ,,

وكان سعر الدوره 80 دينار مسوين خصم حق الطلبه ,, :eh_s(15): تورينهم أوراق تثبت انج للحين طالبه

وسعر المتخرجه .. تقريبا 120 جذي ,,

والدوره مو صعبه ,, والامتحااانات زينه وعليهااا وقت .. واذا الله لا يقوول سقطتي بالامتحان تقدرين تعيدينه تدفعين رسوم اعاده الاختبار 5 دنيااانير بالمركز نفسه ,,!

ونسبه النجاااااااااح 75 %

وهذا رقمهم 22521937 - 24842075

وبالتوفيييييييييق حبيبتي

 

[♥MaSteRiyA♥]

♥ رضاهم جنه♥
يعلج تكونين من أهل الجنة ان شالله انتي وكل وحدة ردت علي ^.^​

♥ MisS *-* BMW♥
مشكوووووووورة حبيبتي الله يسهل أمورج و يكتبلج الخير ان شالله ويحقق اللي تتمنينه
راح أدق عليهم.. ما قصرتي عمري​

 

[fri2010]

كويت باينغ انا مو بذاك الزود ويا برنامج الاوفيس وهالسوالف

بس كنت ماخذه مقرر عند دكتور بدر البدر وخذيت a

بس لما سجلت بالاي سي دي ال سقطت كذا مره لووول

 

[Q8Buying]

كويت باينغ انا مو بذاك الزود ويا برنامج الاوفيس وهالسوالف

بس كنت ماخذه مقرر عند دكتور بدر البدر وخذيت a

بس لما سجلت بالاي سي دي ال سقطت كذا مره لووول

أدري فراي .. مو عيب منج !

لكن الامتحان يحكمه وقت .. والتصليح آلي! يعني يحاسبج على أغلاط .. ما نعتبرها أغلاط ..

يعني مثلاً امتحان الوورد .. دقيق في حركة المسافة أو الإنتر ..

وفرق بين (إنتر) و (شفت وإنتر) .. وفرق بين مسافة أو مسافتين ..

وفرق بين (كنترول وإنتر) و (صفحة جديدة عن طريق الإنتر إنتي تسوينها) ..

ودقيق جداً بالأحرف .. وإلخ ! ..

ونفس الشيء لباجي البرامج ..

الأخطاء واردة أكثر في الوورد .. لأن يحاسب عالكتابة وهالشكل ..

لكن الاكسل والأكسس وإلخ.. مجموعة أوامر أكثر من كتابة ..

وإلا أسئلة تقنية المعلومات (امتحان نظري سيكون) فضيعة ! معلومات غريبة عجيبة ! والاختيارات تلخبط ..

آنا دارسة مجال كمبيوتر ما قدرت أجاوبها .. وبكل فخر

فعادي تحسين انج متأكدة من حلولج ومفكرة اتييبين 100% .. فيطلع لج 80% ! أو 60% !

لأن الغلط الواحد جنه عليه 5% يعني تغلطين 4 أغلاط .. اتييبين 80% !

حسب عدد الأسئلة وتوزيعهم الدرجات على الأسئلة ..

وهذي أغلاط انتي ما تلاحظينها ..فقط التصليح الآلي الالكتروني يعتبرها ..

فعشان جذيه ضروري تتدربين عالإمتحان وتلاحظين وتتعودين على طريقة تصليح الإمتحان ..


:eh_s(7): لكل اللي شاركوا وساعدوا بالموضوع ..

 

[fri2010]

عاد تعرفين سقطت اكثر شي بالاكسل لان يعتمد على عمليات حسابيه

وسقطت بالانترنت والباور بوينت اسهل امتحانين في العالم انا سقطت فيهم هههههههه

والباجي عديتهم من اول مره

اكثر درجه يبتها 96 بالاكسس و95 بالاي تي هههههههههههه تشير طبعا لووول

بس ياللا الحمدالله عديناها على خير واستلمنا الشهاده بس ما قدمتها مع اوراقي بالوزاره

كانو يبون صوره منها وما كان عندي وقت

 

[فارضه احترامي]

السلام عليكم - حبيبتي انا اخذت الشهاده وانا قاعده بالبيت :eh_s(9):
شريتها يعني :eh_s(15):
واذا تبين مساعده انا حاضره

 

[بنات حواء2]

موضوع مفيد
يعطيكم العافيه علمعلومات

 

[بناتي سكر نباتي]

انا خذيتها من زمان درست بالمعهد الوطنية اللي في الفروانيه فوق بالمجمع اللي فيه خان الخليلي وكان الامتحان بمعهد الوطنيه اللي بالسالميه
تقريبا ست شهور بس انا كنت ماخذه جنه يومين بالاسبوع عصاري وانتي تقدرين تخلصينها مبجر انا كنت اتمطط حسب ظروفي واوقات كنت اخلص المادة واتاخر بالاختبار