منو حملت خارج الرحم تفيدني

[ليل الحياة]

السلام منو حملت خارج الرحم وهل صحيح انه ما يبين بتحليل الدم وما يبين الا بالفحص المهبلي منو يفيدني يقولي ...............​

 

[ليل الحياة]

:0bee2e8d89::0bee2e8d89::0bee2e8d89:

 

[عمر السنين]

والله ما عرف

 

[noha33]

شوفي حبيبتي قصتي بالتفصيل
أنا من سنة ونص حملت وكان أول حمل لي
سويت تحليل الحمل وطلع ايجابي
ولما رحت عند الدكتورة وسويت سونار ما بين كيس الجنين ولا كان فيه نبض
الدكتورة قالتلي ان الحمل هذا وايد ضعيف وراح ينزل أو انه يكون حمل خارج الرحم
طلبت مني الدكتورة تحليل هرمون hcg واني أعيد نفس التحليل مرة ثانية بعد 48 ساعة بالضبط لو نسبة الهرمون ما صارت الضعف معناه ان الحمل ما راح يكمل
المشكلة عندي ان نسبة الهرمون كانت وايد ضعيفة لأن أقل نسبة هرمون يشوفها السونار هي 2000 وأنا نسبتي كانت أقل بوايد
المهم لما سويت التحليل الهرمون زاد بس مو دبل فتأكد ان الحمل ما راح يكمل
مشكلتي ان الحمل ما كان مبين هو وين في بالرحم ولا لأ
وظليت حامل شهرين ونص واداوم على التحليل والهرمون يزيد بس مو دبل وهم ما يوصل الحد الأدنى اللي يخلي السونار يشوف كيس الحمل موجود بالرحم ولا لأ
لما في يوم جاني نزيف بسيط نفس الدورة ولما كلمت الطبيبة قالتلي هذا اجهاض خلاص الحمل نزل
بس لما رديت سويت تحليل الهرمون طلعت النسبة عالية فالدكتورة قالتلي لازم نسوي منظار باجر لأن جذي الوضع خطير
وقالت بالمنظار راح يبين لو كان الحمل خارج الرحم راح تشيله ولو كان داخل الرحم بس مو مبين راح تسوي تنظيفات
فعلا ثاني يوم رحت سويت دخول بمستشفى السلام وسوتلي الدكتورة المنظار طبعا بنج كامل والدكتورة فعلا لقت الحمل خارج الرحم على طرف الأنبوب اليمين من برة
الحمدالله الله ستر أنه كان على طرف الأنبوب لأنه لما يكون داخل الأنبوب يقصون الأنبوب كله
العملية جدا بسيطة وهي عبارة عن 3 فتحات كل فتحة 1 سم
فتحتين بالبطن من تحت وايد وفتحة بالسرة ما تبين بالمرة والدكتورة كان شغلها حلو بس مشكلتها وايد زحمة عليها
دكتورتي كانت ليلى أبوالليل من انترناشيونال كلينيك وكلفتني العملية 400 دك للمستشفى و 400 دك للدكتورة عشان من برة
بعدها بشهر جتني الدورة عادي بس ما حملت إلا بعدها ب 10 أشهر لأني الدكتورة منعتني من الحمل لي بعد العملية ب3 شهور وبعدين قمت أعالج بكلوميد لأن تبويضي كان ضعيف شوي والحمدالله الحين انا حامل بالثامن وكل شي اوكي
بالنسبة للحمل خارج الرحم طبيا عادة يصير ألم فظيع ودوخة ومرات اغماء بس انا صراحة ما صار فيني اي شي حتى لما جاني نزيف كان مثل الدورة العادية مافيها شي زايد
طمنيني عنج ليش تشإلين عن الحمل خارج الرحم؟؟؟؟

 

[الجوررى]

انا تكرر معاى 3مرات

والحمدالله على كل حال
اخر مرة شالوالانبوب لانه كان بينفجر
وبصراحه
سبحان اللى احيانى منه
لانى صج صج
وصلت الموت

والحمدالله على كل حال



بس ليه تسالين

اى انا اول مرة مابين كان الرحم فاضى وقالى الدكتور مافي حمل
يا انج اجهضتى او خارج الرحم
طبعا بس وصلت البيت
طحت على اهلى وشيده للمستشفى
وعطونى ابرة بعد ماسولى تحليل الهرمون مرتين ورى بعض
تاكدو انه في حمل خارج الرحم
وعطونى الابرة


ثانى مرة
سبحان الله
حللت حامل
واجهضت الدكتور شاف البيبي نزل
وسوولى تظيفات

بعدها باسبوعين
طحت على اهلى
وهم بالمستشفى سولى تحليل طلعت حامل؟
شلون وانا مجهضه؟
وتنظيفات
قالى الدكتور لا انتى حاله نادرى تصيب الحريم يكون سبحان الله حمل توامى داخل وخارج الرحم
وهمن عطونى الابرة



ثالث مرة

لا بين ولاشي
جننونى
وخانو خايفين انهم يسون لى منظار على الفاضى
وانا طبعا يومين مادرى عن نفسي
ولمن بغى ينفجر الله ستر
وسولى منظار
شالو الانبوب والحمل
الف الف الف
الحمد والشكر لك يارب



عسى ماتجربه ولاااااا وحده
لانه صج ماساااااااااااااااااااااااااااة

 

[الرها]

انا جربت والحمدلله على كل حال
ان شاء الله ما احمل خارج الرحم مره ثانيه لاني شفت المووووووت

كانت تجيني الدوره كل اسبوعين تعبتتتتت واقل لأمي تقولي عادي
بس بطني يعوووووووووووووورني وما اقدر اجلس واااصيح والله ما اقدر اخلي زوجي يقرب مني
وكان عندنا خطوبه اخوي جاتني دوخه يوم الحنا وطحت عليهم وقالولي يمكن من ضعف النظر لاني ما ارضى البس النظاره
وفي يوم الخطوبه نفس الشئ تعبت وطلعت الساعه 9 ونص اول وحده طلعت
وتوفت مرة عمي وتعبببببببببببببببببت اكثر ما اقدر اروح العزا لاني مب قادره اجلس الم فصييييييييييييييييييييييييييييييييييييييييييييييييييييع
ورحت عند الكتوره سوت لي فحص مهبلي وطلع حمل خارج الرحم
طبعا سوت لي منظار وما نفع وبعدين سوت لي قيصريه يعن يتخيلي اربع شققووووووق في بطني
والله تعبتتتتتتتتتتتتتتتت بس الحمد لله على كل حال

 

[lo0ola]

لا يبين بتحليل الدم الهرموني ..يسوونه مرتين ورى بعض بينهم فترات متباعدة يوم أو يومين ويشوفون يتضاعف طبيعي أو لأ؟
وبالسونار الداخلي..يشيكون على الأنابيب بس دكاترة السونار أهما أشطر من الدكاترة العاديين ملوت أمراض النسا..يعرفون بسرعة

 

[ليل الحياة]

مشكورين ........... وما قصرتوا على الرد ........... وانا ما ادري شسالفتي بصراحه وكل واحد يقولي شي لاني ما ما اكمل الحبوب الا ونزل على دم وطول ويني عوار بخاصرتي ولما سويت تحليل دم عشان الدكتوره قالت يمكن حامل طلع ما كوا شي قالت لازم اسوي فحص مهبلي عشان تشوف شسالفه ويمكن انتي حامل خارج الرحم وشلون ما يبين بتحليل الدم اذا انا حامل خارج الرحم وهذا انا السؤال اللي متعقده منه وابي اعرف يصير ما يبين الا بالفحص المهبلي ​

 

[@سيدة نفسي@]

اختي كانت حامل خارج الرحم وكان عندها ألم بخاصرتها ............

وهم مابين شي بالسونار أول مرة بس بعدين سوولها سونار داخلي طلع عندها حمل توأمي نفس الجوري ........

اللي داخل جيس بدون جنين وسوولها تنظيفات والثاني عالانبوب وشالوه لها بالمنظار ..........

 

[tannooona]

انا حملت خارج الرحم قبل سنه وحسيت بعوار عبالي زايده وبعدين حولوني لامراض النساء والولاده وبصراحه بالتحليل الهرموني طلع عندي نسبه الحل عاليه ومابن اته حمل خارج الرحم الابالسونار الداخلي .

 

[om al ghaleen]

حبيبتي الحمل خارج الرحم يبن بالصونار الداخلي لاني بحملي الخارج الرحم سويت صونار عادي بمستشفى السلام ومابين وكان معااي نزيف حااد وتكرمين لونه غامج " وآلام مو طبيعيه كنت اتشهد من شده العوار وعلى جنب واحد وحتى المسكنات ما كانت تنفع معااي مع العلم انه الدوره كانت تنزل على كل شهر بس مو منتظمه فماعرفت اني حاامل الا لما سويت صونار داخلي والله يعطيها العافيه د فوزيه القطان سوت لي العمليه (( منظار )) واضظرت تشيل الانبوب مع اليهال لانه منفجر عندي " والحمدالله الله كتب لي عمر جديد بفضل الله وبفضل دكتورتي الغاليه فوزيه



وان شاء الله مايطلع لج حمل خارج الرحم روحي اقرب مستشفى وسوي صورنار داخلي لانه اذا البيبي كبر يخرب الانبوب

 

[ليل الحياة]

مشكورين .......... بس هل يظل الحمل والا لازم يطيح اليهال

 

[noha33]

الحمل خارج الرحم لزم ينشال لأنه مو بمكانه الطبيعي وكل ما كبر كل ما يسوي مشاكل
لو كان بالأنبوب يخرب الأنبوب ولازم الأنبوب ينشال
المشكلة الأكبر لو الحمل طلع من بره الأنبوب وراح في تجويف البطن يسوي مساكل وايد وتسمم (بعيد الشر عنج)
انا في كل فحوصاتي عن الحمل الخارجي كان السونار مهبلي لأن سونار البطن ما يبين
سلامات

 

[قدســـاوية]

حملت خارج الرحم والحين شلون

السلام عليكم


انا اول مرة احمل حملت خارج الرحم للاسف وماكنت ادري اني حامل خارج الرحم

وعقب سويت عمليه وسويت تنضيفات والحين انا لي 3 شهر من بعد العمليه وانا انطر

الحمل تخيلوا الشهر اللي طاف كان الجماع بشكل يومي ايام التبويض وهالشهر اتوقع

ان صار جماع ايام التبويض ياربي ابي احمل شسوي

دورتي تلخبطت عقب العمليه انا قبل كل 26 يوم او 27 يوم اتييني الدورة

عقب العمليه يتني من بعد يوم العمليه بالضبط 24 يوم والشهر اللي وراه 21 يوم

والحين صار لي 22 يوم من اخر دورة وللحين ما يتني يارب اكون حامل

انزين انا قبل اسبوع تخيلوا يتني لوعه 3 ايام ورا بعض معقوله اتيي اعراض الحمل

قبل لا يطوف وقت الدورة؟؟ انزين الحمل اللي طاف صدري ماكان يعورني بس الحلمه

كانت تعورني اما هالشهر لأ صدري كله يعورني حييييل ومرات احس تقلصات فبطني من تحت

وكل شوي اروح اتأكد انزلت الدورة والا لأ وانا رايحه اقول ياااارب اكون حامل وتخيلوا من كثر

الوسواس ادخل قطن الاذن عشان اشوفه يطلع نظيف والا معاه دم تخيلواااا ي اي درجه وصلت

المهم اليوم رحت طبعا من ورا زوجي الله يسامحني وسويت تحليل هرموني للحمل وللأسف ماطلع

الا 0.1 بسسسس بس هم المره اللي طافت لما حمل وسويت تحليل هرموني عقب تأخر الدورة ب4

ايام يمكن طلع 13.36 ياربي مييييييييييييته واحمل وزوجي حده ضايق خلقه صج ان كل شي بيد الله سبحانه

لكن الواحد هم وده ووالله كل يووووم ندعي الله ,,, امي تقول انتي لا تفكرين بالحمل وراح تحملين بس انا

ما اقدر 24 ساعه افكر بالبيبي ولما يصير الجماع كل تفكيري بالحمل وحتى زوجي

بناااااااااااااااااااااات شسوي تكفون ادعوا لي

 

[درة أهل الطولات]

رد: حملت خارج الرحم والحين شلون

يارب تكونين حااااااااااااااااااااامل

 

[درة أهل الطولات]

رد: حملت خارج الرحم والحين شلون

يارب تكونين حااااااااااااااااااااامل

 

[درة أهل الطولات]

رد: حملت خارج الرحم والحين شلون

يارب تكونين حااااااااااااااااااااامل

 

[قدســـاوية]

رد: حملت خارج الرحم والحين شلون

الله يسمع منج ياااااااااااااارب


الله يرزقني بحمودي ياااااااااااااااارب



وزوجي يصير بو محمد صج مو بس الناس ينادونه بو محمد قولوا امين


تسلمين درة فدييييييتج

 

[rawan22]

رد: حملت خارج الرحم والحين شلون

يارب تكونين حامل

اختي الحمل الخارجي وينكان بالضبط ؟؟

انا صار لي بالانبوب الايمن

 

[قدســـاوية]

رد: حملت خارج الرحم والحين شلون

يارب يا روان


حتى انا بالانبوب الايمن

تبهذلت اخر بهذله

بس الحمدلله على كل حال

الحين يارب اكووون حاااااااااامل