منو حاجز مع قروب سفريات الوسيط

[زقرتية]

السلام عليكم
بنات منو حاجز مع قروب سفريات الوسيط ونمو مجربهم من قبل وشرايكم فيهم بالرحلات في احد سامع عن القائد يوسف المؤمن

 

[غلا امي]

هلا اختي زقرتيه

والله مابي اضيق خلقج ومادري انتي حاجزه معاهم والا لا

بس في موضوع مثبت ياليت تقرينه عن اسوء وافضل السفريات

كلها تقريبا تسب الوسيط انا للامانه مارحت معاهم بس قريت هالموضوع وكشيت منهم

والعام اختي راحت معاهم واستانست بس كانو مقصرين بشكثر شغلات

 

[نورة بنت الكويت]

أنا جربتهم وسافرت معاهم صيف 2010
وكانت رحلتنا سويسرا والنمسا وألمانيا
وكان قائدنا أحمد باقر
وأنا بتكلم عن تجربتي بصراحه كانت روعه
تعاملهم كان حلو والفنادق روعه
والرحلات بعد كانت حلوه وودانا كل مكان
وماشاءالله قائدنا كان خدوم حيل وطيب
طبعا هذي تجربتي وما أدري عن الباقي
وربي يوفقج يارب

 

[زهره الريف]

ان عن نفسي رحت معاهم وكنت سامعه عنهم سمعه مو كلش بس كنت خلاص حاجزه بس بصراحه كانت الرحله حلوه واعتقد القايد هو السبب كان باله وسيع بس الحين طلع منهم اسمه ربيع العنزي

 

[كويتيه cool]

رحت مع الوسيط العام جنيف وباريس ولندن

قطنا بفنادق بعيده عن السنتر ما عدا بباريس حطانا بكونكورد لافييت

وغير جذي ما ودونا غير رحلتين

ولا من جنيف لي باريس مودينا بباص مافيه تكييف وكان الجو حار لمدة 7 ساعات!!

 

[زقرتية]

منو سامع عن القايد يوسف المؤمن
هذا الي بجروح وياه