منو جرب حضانة مستشفى مبارك

[Tulip69]

سلام منو جرب حضانة مستشفى مبارك زينيين حق عمر 5 شهور و طالع للرجاء الافاده

 

[أم ميميتو]

اب اب

 

[•Brown•Sugar•]

قصدج حضانه صندوق اعانه المرضى التابعه للمستشفى ؟

اذا اهي انا دخلت بنتي كنت مجبوره لان دوامي بنفس المكان وماعندي خدامه
كل يوم اخذها وياي الدوام واردها معاي
بس كلش مارتحت وبنتي صارت انطوائيه وتخاف من تشوف الحضانه تبجي
وتاشر بايدها تقول (نو .. نو) وتلمني حيل
دخلتها كان عمرها سنه وبهالحضانه يقولولج احنا مانعطي اليهال اكل
انتي ييبي اكله معاه .. المهم اني كل يوم افتح جنطتها الاقي نفس الاكل موجود
يعني مايتعبون عمرهم ويحاولون مع الياهل
عصبببببببت ورحت كلمت المشرفه اللي على الكلاس والاداره مالت الحضانه
تقولي (اعمل ايه بنتج مش عاوزه تاكل) ياااااااااااا سلااام؟
انا من اول مادخلتها الحضانه وانا انبه عليهم بنتي اكلها متعب
لازم احد يلاحقها ويلعبها يالله بالغصب تاكل لقمه
بس حرام شنو هذا من الساعه 5 ونص اقعدها حق الحضانه
واخذها 1 ونص ... على لحم بطنها ..
اللهم على الحليب والبسكوته اللي تاكلهم قبل لا اطلع من البيت
وين يلحقون و 30 ياهل بكلاس واحد وعليهم بس مشرفتين؟
المهم اني مانصحج فيها ويع

 

[iLLuMinaTion]

upppppppppp

 

[%F&R%]

انا بناتي فيها وللحين وعندج ابله حنان مغربيه صراحه كلمه روعه شويه بحقها اهي الاطفال عندها من شهر لين السنه وايد تهتم باليهال حتى تستلمينه نظيف مو مثل باجي الحضانات
وبنتي الثانيه عمرها سنتين ونص عند ابله ندى هم بعد حبوبه ونفسيتها وايد حلوه
وعلى فكره تقدرين تحطينها يوم واحد او يومين استضافه اتشوفين شلون الوضع بس مادري جم الرسوم على اليوم الواحد

 

[Tulip69]

F&rمشكوره اختي افدتيني بالاسماء مشكوره وايد 