منو جربت هيربل سبا؟؟؟

[FOSHIYA83]

هاااي بنات شلونكم حبيبات المنتدى حبيت أسألكم منو سوت مساج هيربل سبا الي بالرقعي ؟؟؟

ممكن تقولون لي شلونه وشنو ستافهم ويقولون ان في حق حوامل برنامج للزيوت والمساج؟؟

الي عندها فكره خل تقول

 

[FOSHIYA83]

سته ادخلوا يتطمشووون ويطلطلووون بس من غير اي راي شنو هالانطوائيه الغرائيه التعصبيه >>>>>>>>> خخخخخخخخ مادري شقلت

يالله الي يعرف خل يقول

 

[فـرفـر]

للرررررررررفع

 

[AFRoDiT]

انا بعد محتاجه تجارب البنات حق هيربل سبا

خاصه مساجات التخسيس عندهم


وسامحيني حبيبتي اذا ماقدرت افيدج

 

[فجر الغلا]

حتى انا ودي اروحله بس ابي وحده اتكون امجربته وتكولي شلونه
اب
اب
اب

 

[FOSHIYA83]

مشكوريين على مروركم

لا عادي افروديت تدرين ان نكج عاجبني وااااايد من زمان

 

[AFRoDiT]

ثانكس ياقلبي

هذا من ذوقج

 

[ام طلال]

انا جربت الحمام المغربي عندهم رووووووووووووووووووووووووووعه

 

[gucciya]

سامعه زيييييييين وحق الحمل وايد سنع

 

[اختكم بالله]

انا ابي اعرف بعد

اختي شلون حق الحمل ياليت تفيدينا ؟؟؟؟؟؟؟

 

[FOSHIYA83]

يعني انا حامل حبيبتي ،،، أقدر اسوي مساج ؟؟

لان لافندر الي بالمهلب عندهم برنامج للحامل من الشهر الاول لييييييي الشهر التاسع ؟؟؟

فبعرف عادي ولا لا ؟

 

[أحلى^حياه]

رفع

 

[mzajya]

نصيحه نصيحه لوجه الله لاتقطين فلوسج انا وحده خبره بالحمامات المغربيه والتفريك وصراحه من كثر ما مدحووه البنات هنيه قلت اسكت ونطرت يوم طلعتي من الاربعين عشان اروحله ورحت له وياليتني مارحت المكان ظلمه اللي تقت القلب والشقه دواعيس دواعيس والله مادري منين دخلتني ومنين طلعت غير هذا اللي تسوي المغربي تفتش باغرضي تقول بشوف شنو معاج
قلت شنو بيكون معاي يعني صابوني ولوشناتي تفشلت والله لايوريكم ريحتها اللي تفركني وانا صاكه خشمي
وهذا غير البالوعه وانتو بكرامه اللي طافحه وتسلكها بعلاق هدووم بغيت ابجي ظيييم ظيم
لا واللي يضحك زياده تقولي مايطلع منج شي انتي اكيد حاطه لوشن قلت لها واذا حاطه على الاقل شي بسيط قالت لا خلاص هالمره اسويلج عالماشي والمره الجايه لاتدفعين حق ملكي 25 لا دفعي 10 وشوفي شسوي فيج
قلت الله يوريني فيج هذا ملكي وجذي لو عادي شبتسوين
ولله مو قطع ارزاق بس صج يلوع الجبدانا كلش ماعجني

 

[عالمة_جيولوجيا]

نبي مساج موو حمام مغربي

 

[Om Ghalia]

اهو الراعي بالمنتدى

 

[هنـــد]

انا جربته بالنسبه للحمام الملكي رووعه وعجبني وسعره على 25 دينار

بالنسبه للبروفين الايد والارجل هم حلو وسعره 10 دنانير

وبالنسبه للمساج وهذا الاهم والله روووعه وراحه وسعره ب18 دينار واختي جربت عندهم اللي ب13 وهم تمدحه

 

[LOVE KUWAIT1]

نصيحه نصيحه لوجه الله لاتقطين فلوسج انا وحده خبره بالحمامات المغربيه والتفريك وصراحه من كثر ما مدحووه البنات هنيه قلت اسكت ونطرت يوم طلعتي من الاربعين عشان اروحله ورحت له وياليتني مارحت المكان ظلمه اللي تقت القلب والشقه دواعيس دواعيس والله مادري منين دخلتني ومنين طلعت غير هذا اللي تسوي المغربي تفتش باغرضي تقول بشوف شنو معاج
قلت شنو بيكون معاي يعني صابوني ولوشناتي تفشلت والله لايوريكم ريحتها اللي تفركني وانا صاكه خشمي
وهذا غير البالوعه وانتو بكرامه اللي طافحه وتسلكها بعلاق هدووم بغيت ابجي ظيييم ظيم
لا واللي يضحك زياده تقولي مايطلع منج شي انتي اكيد حاطه لوشن قلت لها واذا حاطه على الاقل شي بسيط قالت لا خلاص هالمره اسويلج عالماشي والمره الجايه لاتدفعين حق ملكي 25 لا دفعي 10 وشوفي شسوي فيج
قلت الله يوريني فيج هذا ملكي وجذي لو عادي شبتسوين
ولله مو قطع ارزاق بس صج يلوع الجبدانا كلش ماعجني

حراام عليج اختي ترى مايجووز وكلامج كله مو بمحله..

انا عن تجربة شخصيه اقول ان الصالون روعه روعه روعه وديكوره رااااااقي جدا وعاملاته حيييل حيل خدومييين من تدشين تستقبلج ريحة الزيوت العطريه وشغلهم من قلب مافي احد يتأفف او ينافخ لأنهم يحترموون زباينهم وهذي شهادة حق لازم تنقال وحتى اسعارهم هم حيل منااسبه حتى ادواات الاظافر يعقمونها لج بديتول جدامج قبل لا تشتغل لج فيهم العامله والمكاان لا دواعيس ولا شي من توصلين عند الأصنصير دخلي وضغطي رقم واحد وعلى طول تلاقين باب الصالون جداام باب الاصنصير دزيه ودخلي بعدين قوي لي في صالون هالوقت مايكوون بعمااره!! اغلب الصالوناات هذا نظامهم الحين وبعدين لا ظلمه ولا شي اضاءة الصالون متعمدين يحطونها خاتفه علشان يكون جو مريح مع الموسيقى مالت اصوات الطبيعه اللي مشغلينها بعدين اصلا انتي لما تبدلين ملابسج سواء علشان تسوين شيره او اي شئ ثاني تعطيج العامله مفتاح وتدخلين اغراضج بالكبت وتسكرين انتي عليهم وتخلين المفتااح معاج لما تخلصين شكو العامله تفتش بأغراضج!! ليش انتي وينج :eh_s(10):كانت معطيتج حبه منومه مثلا:eh_s(10): وترى صاحبة الصالون كويتيه وانا كذا مره شفتها الشهاده لله تعاملها زين ومحترم مع الكل حتى العاملات ماتصرخ عليهم حتى ديكورات وغرف الصالون تجيب العافيه وين ماتروحين ريحة شموع وزيوت عطريه والخدمه طبعا بدون لا تطلبين منهم يجيبون لج ماي وقهوه او نسكافيه ولا شاي ولو الصالون مو زين جان ما استمر للحين جان سكر من ثاني يووم وجان ماقلتي انتي بنفسج انه بناات شكثر امدحووه يعني انتي بس اللي ذميتيه برووحج

والواحد - شكثر<<<عدد كبير جدا يساوي ولا شي:eh_s(10):

وامانه عليج يا صاحبة الموضوع لو رحتى الصالون ننتظر رايج فيه وراح تعرفين انه فعلا روووووعه

هذي شهادة حق فقط لا غير لأنه الظلم يرد على صاحبه بيوم من الأياام:balo:

 

[أحلى^حياه]

بنات نبي مساج التخسيس

بس تصدقون غالي
6 جلسات ب 125!!!!!!!!!

 

[حبي لله]

الشهاده لله الصالون حيييييييييييل راقي والفرعين اللي برقعي يهبلون انا سويت برنامج العرس عندهم كل شي اوكي والمساااااااااااج روعه ونظيف وخدمتهم حلوه والمكان لا يخرع ولا شي حاله حال اي صالون