مادري والله ماعرفه بس تبين نصيحتى وعن ثقه وتجربه تبين بشره اطفال وصافيه ونظره ؟! كثري من شرب الماي كثر ماتقدرين لان طارد لسموم الجسم اللى تسبب البثور ومفيد لوايد اشياء داخل وخارج الجسم اقل شي شربي 2 لتر ماي باليوم يعنى بطلين كبار واكلى فواكه مثل التفاح الأحمر و اكلى جزر غير مسلوق يعنى فرش و اكلى خيار واكلى طماط واكلى لوز غير مملح طبيعي بدون ملح واكلى خوخ ومشمش وكثر ماتقدرين اكلى بقدونس للدم وايد زين اذا تعدل الدم تعدل باجي الجسم وشربي حليب بارد كي دي دي ولاتنسين البيض المسلوق والجبن والسمك المشوي مو المقلي وبعد عندج البروكلي ماتدرين شنو اسرار البروكلى وابتعدي عن الشيبس المقلي بالزيت هذا سم وابتعدي عن المشروبات الغازيه مثل البيبسي وابتعدى عن الشوكولاته او خففي من اكل الكاكاو هذا اول مسبب للبثور والحبوب الدهنيه اللى تسبب حفريات بالوجه ولاتغسلين ويهج بماى حار يفضل الماء البارد للبشره وابتعدى عن الميك آب أو خففيه كثر ماتقدرين ولاتحطين فاونديشن وكريمات اساس لان هالشي بروحه يوصخ البشره ويدفن فيها تحت الجلد المستحضرات اللى من الصعوبه انها تخرج وتتلف البشره وكريم الاساس يخنق البشره مايخليها تتنفس الخلل الأول والأخير فى البشره هو من الأكل اللى تاكلينه ومن الأشياء اللى تستخدمينها للبشره ف جربي كل شي طبيعي من الأكل والفواكه وكل يوم اكلى فواكه مو بالشهر مره كل يوم وثقى وامنى بالله بتشوفين بشرتج روعه صافيه وورديه وطريه بدون اى مرطب ونظره وصدقيني راح تستغنين عن المكياج ساعتها
