منو جربت فاونديشن بوبي براون

[فوفه 82]

السلام عليكم بنات
منو جربت بوبي براون
الفاونديشن اللي علي شكل بودر كومباكت بس الموسترايزنق
انا بشرتي جافه
بليز ساعدوني

 

[حلآ الدنيآ]

اب
اب
ما جربته حبوبه
ان شاء الله يفيدونج الصبايا

 

[فوفه 82]

جزاج الله خير
بانتظار الصبايااااااااا

 

[.Zara.]

قريت انه بوبي براون للي بشراتهم جافه وايد زينروحي لهم خل تحط لج وشوفي

 

[نوفته]

انا جربته ما اعجبني
حتى رفيجتي.. لما درت اني اخذته قالت لي ليش تاخذينه لو سألتني كان قلت لج
مادري ممكن يناسبج بس انا استخدمته مرتين والحين بالدرج مقطوط

 

[أعشقه بجنون]

هلا فديتج
انا كلش ماعجبني جربته عندهم وايد وايد خفيف يعني مسوينه بس لبشرات الأجانب ومانصحج فيه الا اذا يبشرتج بشرة ياهل ماكو ولا عيب فيها كلش كلش.

 

[مراوي22]

آنه بشرتي دهنيه وجربت إلي للبشره الدهنيه وكان مأساه كلش ماحبيته يتكتل عالويه وصعب دمجه تحسين طين عالويه مادري إذا إلي حق البشره الجافه بيكون نفس الشي أو لا بس جربت منهم الكريم السائل وايد أحسن من المدور

إنتي جربيه بالمحل آنه خلاص حرمت أشتري كريم أساس عمياني أو أجربه على إيدي لأنه مابعرف إذا زين أو لا إلا لمن أجربه وأتمشى فيه بعد

 

[حلوةودلوعة زوجي]

محد مدحه صراحة وايد ذموووووووووووووه
جنه ام علي مادحته

 

[مستغربه]

انا مجربته وما استغنى عنه ..

صراحه عجييييب وااايد حلووو

بس على فكره المكياج ماتحكمين من بشره لي بشره ..

كل واحد وبشرته واللي يناسبها

احسن شي جربيه عندهم وبعدين حكمي

 

[Desert-Girl]

Uppppp

 

[om reem 86]

حده زوغه والكل يسالني على كريم اساسي واهو بوبي براون وانصح فيه الكل

 

[BaBy^faCe]

شوفي انتي روحي محلهم وانتي مو حاطة ميك اب كلللش
حطي عندهم الي يناسب بشرتج
وافتري بالمجمع وبعد ربع ساعة ردي وحكمي

 

[فوفه 82]

يزاكم الله خير
انا اقصد المدور مو السائل
واللي تمدحه اذكري نوع بشرتج وشنو الدرجه الليي استخدمتيها

 

[SWEET ROSE]

اب اب

 

[.Zara.]

بنات اهوا يصلح للبشره الجافه والمختلطه
حيل حلو بس تغطيته خفيفه وطبيعي
عشان جذي احبه

 

[قـهـوه فـرنسيهـ]

انا جربت الساائل

صراااحه توووب وطبيعي حيييل

اما اللي تقولين عنه للاسف ماجربته

 

[STILL G L A M ~]

انا بالمحل نفسه جربت اكثر من فاونديشن بصراحا يلوع الجبد حدده مو شي مادري ليش مادحينه

 

[قـهـوه فـرنسيهـ]

هذاا اللي اقصده

 

[Sparkle]

أنا مجربه فاونديشن

Moisture Rich يناسب البشره العاديه والجااافه هذا شكله




جربيه أتوقع أحسلج من الكومباكت

 

[سنيار البحر]

انا جربت السائل
والكومباكت

صراحة عجييييييب
وجهي منور وبشرتي تلمع جني مو حاطه شي
حده خفيف للدوام والطلعات

بس ما يصلح لمناسبات كلش ما يبين


اللي تشتغل هناك قالت لي بوبي براون يحرصون دايم يكون الفاونديشن نفس لون البشرة او افتح بدرجة
عشان يطلع طبيعي

كل شي حلو عندهم االا فرشهم
فرشة الفاونديشن شريتها تلوع الجبد خساره سعرها فيها

للي يبونه لمناسبات وفيهم عيوب ببشرتهم كلش ما يصلح ما يسويلهم شي