منو جربت د.ماجدة كميخ العازمي ؟؟

[محاميةالديرة]

السلام عليكم

بنات حبيت اسألكم منو منكم جربت الدكتورة ماجدة كميخ ؟؟
شلون ولادتها و شلون خياطها ؟ و عقب شكثر يطيح ؟؟

بليز ابي مساعدتكم

 

[Miss_Rakeal]

منو هذي اول مره اسمع فيها
مو اي دكتورة تروحين تولدين عندها

 

[فطووومة]

اول مرة اسمع عنها

 

[حنتوشه]

للأسف مو سامعه عنها ؟؟


اهي وين عيادتها ؟؟

 

[محاميةالديرة]

اهيا استشارية بالصباح ..
و العصر عندها عيادة بالشعب البحري ..
اهيااااممتازة و كانت متخصصة باطفال الانابيب اللي بالصباح و الحين وقفت ..
و انا اروح لها العيادة و اراجع عندها طول فترة حملي ..
بس بسأل البنات اذا وحدة اولدت عندها ..
اهيا ولدتني و ولادتها ممتاااااااااااااااااااااااااااااااااااااازة و حدهاااااااااااااااااا شااااااااااااااااطرة و تعاملها روعة و راقية ،، تقرا و تسمي عليج ..
بس بعرف شلون خياطها ..

 

[جويريه]

انتي مو ولدتي عندها ؟

 

[haytotaa]

انا ما اعرفها

انتي جربتيها

 

[سمـــ الزيـــن ـــوة]

حبيبتي يعني يوم ولدتي عندها اول مره كانت قيصريه؟ ياليتج توضحين ؟ انا ماسمعت عنها

 

[بنت حمايل]

امبلا امبلا صاجة كانت بالصباح
واهيا ترى وااااااااااااااااايد زينة
اعرفها معرفة شخصية ترى وكانو يطلبونها بالاسم بالصباح

بس لأنها مو مالت فلوس وخرابيط وروحي وتعالي عشان جذي ما عليها دوس نفس الباجي

لأنها تتقي الله
وايد زينة وخياطها ممتاز والتجميلي حلو بعد

 

[شيخة الحلوة]

مااعرفها بصراحة بس انتي تقولين جربتيها شلون ما خيطتج؟؟؟

والاالوحدة اذا ولدت مو شرط تحتاج الخياط كل مرة؟

 

[كشوخه]

حبيبتي انا مجربتها ولاده بس سوتلي عملية بالمبيض بالصباح ، الدكتورة ممتازه وما شاء الله عليها سنعه وحليوه ووااااايد شاطره واهيه معروفه ، وخيطة الجرح تجميلي ومو مبين وايد بس نصيحه راجعي عندها وانتي مغمضه

 

[اريج القلب]

اول مرة اسمع فيها

 

[فراشة الوادي]

اول مرة اسمع فيها

 

[انا والجرح]

اول مره اسمع فيها

 

[-Bello-]

انا هم راجعت عندها الصبااح حيل خلووقه ومحترمه وشاطره ماشاء الله عليها بس بعدها مادري ليش اختفت فتره من الصباح وماعندي فكره اذا ردت لهم ولا لأ وياريت تفيدينا وين عيادتها الحين

 

[محاميةالديرة]

اهيا ولدتني طبيعي و خاطتني بس بعرف شلون خياطها اذا احد مجربه ..
من ناحية الخبرة و الشطارة و الحبابة اتينن ..
و رجعت من لندن قبل 6 شهور تقريبا لانها كانت رايحة تكمل دراسات (( بتصير بروفسورة )) ..
اهيا حاليا الصبح بالولادة و العصر بعيادتها بالشعب البحري يم مطعم شلاويط ..
مشكورين حبايبي اللي ردوا ..

 

[اهواك بلا امل]

اول مرة اسمع عنها