منو جربت دكتورة امبرين

[ايمان80]

قوة بنوتات شلونكم
حبيت ابشركم اني حامل ولله الحمد والشكر

ودكتورتي شيماء اللي عند دكتورة فوزية القطان

بس ضيقت خلقي انها بتسافر تقدم امتحانات الماستر ويمكن تطول شهرين

فقالت انا انصحج بدكتورة امبرين باكستانية
اما دكتورة فوزية وايد زحمة عليها ويمكن تكشت باي وقت

قلتلها امانة سوناراتها وعلاجاتها مضبوطة والا تخوره؟؟؟
اهيا مدحتها لي وانا مومرتاحة

فحبيت اسال اللي يعالجون عندها ...اهيا زينة اتوكل على الله واكمل عندها
والا افتح ملف برويال حياة عند نداء بوخضور او حفصة بوعركي؟؟؟

عفيا ياحلوات قولولي بامانة عنها اللي يعرفها

مشكورين والله يتمم حملي على خير وكل حامل ويرزق كل محرومة:n2006107:

 

[ايمان80]

شدعوة
للحين ولا رد
شنو محد يعرفها؟؟؟؟

 

[أم حمد89]

الف مبروووووووووووووك على الحمل
و الله يثبته و يرزقج الذريه الصالحه
الصراحه انا ما اعرفها بس نصيحه وخري عن رويال حياة اعرف وايد بنات ولدو فيه و صارت لهم اغلاط قويه منها التبول اللا ارادي و انتي بكرامه و اعرف دكتوره خاصه ما نصحتني برويال حياة كولاده تقول سستراتهم ما يفهمون شي
اتمنى اكون افدتج باللي عندي و عسى ربي يهون عليج​

 

[ايمان80]

يزاج الله خير عالرد

يالله ابي ردود ثانية وين تنصحوني اراجع
السلام والا المواساة ومنو احسن الدكاترة عندهم

 

[@ Om Ali @]

رد : منو جربت دكتورة امبرين

الدكتورة امبرين وايد زينة واستشاريه

بس عيبها انها ما تعرف عربي عدل


والف مبروك الحمل الله يتمم عليج

 

[DaLaL_Q8]

الله يثبت حملج ان شاء الله
ويرزقج الذرية الصالحة
والله انا اراجع عند عيادة فوزية وجربت كل دكاترتها
شيما المصرية والهندية و فوزية نفسها و امبرين
صراحة ما ارتحت الا من امبرين
تريح سبحان الله وتطمنج ما تهول مثل الباجي
صراحة نصيحتي لج راجعي عندها وكملي وتوكلي على الله

 

[كويتيه مذهله 87]

د امبرين روعه كافي هي استشاريه وشاطره ماشالله عليها بس ماتعرف عربي تطقطق


وفيه تجمع بقسم تأخرالانجاب تجمع كامل لعياده د فوزيه فيه عضوه نكها دي حسن والده عندها ومدحت خياطها وولادتها

 

[سموره 87]

امبرين ماعرفها
انصحج نداء بوخضور

 

[عصفوره ورديه]

دكتوره فوزيه تمدحها وكانت تقول اذا ما حصلتيني روحي لامبرين بس انا ما جربتها للامانه انا عند فوزيه ومرتاحه حييل بعدين ترا لا زحمه ولا شي

دقي تلفون واخذي رقم واوال ما توصل يدقون عليج وتروحين

الحمدالله ما شفت هالزحمه اللي يقولون عنها الدور يمشي وانصحج فيهاا