منو جربت جهاز او اي طريقة وضعفت عليها{تم تعديل العنوان}

[الفراشة المزيونة]

مرحبا خواتي وحبايب قلبي
اشلووونكم شخباااركم

بدخل بالموضوووع ع طول
انا عمري 19 ووزني فوووق الـــ 90 وطووولي 157

بعرف منو جربت جهاز او اي طريقة وضعفت عليها
اهم شيء غير الحبوب والرجيم والرياضة والعمليات <<<< لانه بصرااحة جربت كل شيء وما نفع بس العمليات بصراحة ما جربتها لانه اهلي رافضين نهائيا العمليات

نخيتكم يا بنات طلبتكم دلوووني على اي طريقة تضعفني تقريبا 40 كيلو بــــ 3 شهووور
واهم شيء يكوون الطريقة الي تضعف متوفره بالكويت
نسيت اقوووولكم انا سمنتي متركزه اكثر شيء بالبطن

طلبتكم خواتي الي ما عندها خبرها ترفع الموضوع <<<< والله يرفع شان الي ترفع الموضوع والله يوفقها ويحقق الي في بالها

 

[احساس ملكه]

رد : اجهزة ضعفتني

حبيبتى انصج بالمشى
والسبااحه روووعه تشد البطن

وجهاز اسمه اب روكيت لشد عضلات البطن

 

[الفراشة المزيونة]

رد : اجهزة ضعفتني

هلا اختي مشكوووره وما قصرتي ع الرد
بس هذا الجهاز عندي استخدمته وما له اي فايدة
واستخدمت بعد اوبرتراك والغزال الطائر والسيكل وكلهم وما نفعوني ومالهم اي فايدة تذكره

صرت كل مايزل جهاز جديد ع طول اشترية ومن كثر ما يقولون انه يضعف

 

[miss-one]

رد: اجهزة ضعفتني

طلبج وايد صعب 40 كيلو بثلاث شهور

حتي الي مسوين عمليات ما ينزلون هالكثر وخاصه بمثل وزنج

التزمي برجيم ومشي ساعه كل يوم وراح يبين معاج النزول

 

[اوبراا]

رد : اجهزة ضعفتني

ان شاءالله تضعفين ياعمري سوي رجيم وامشي

 

[الفراشة المزيونة]

رد : اجهزة ضعفتني

مشكووووورات خواتي ع الرد
والله يوفقكم وانشالله اضعف 40 كيلو من دون عمليات

ومشكوووره اختي اوبراا ع الدعوه والله يرزقج مثل هالدعوه واكثر
الله يوففقج يا قلبي

 

[إستبرق]

رد: اجهزة ضعفتني

روحي لدكتور والتزمي معاه والله يسهل عليج وعلينا يارب وينولج مرادج

 

[fato0o0]

رد : اجهزة ضعفتني

شوفي اختي انا انصحج انك تشتركين مع شركات التغذية اهم ينطمون اكلج ومع المشي كل يوم انشالله تضعفين

 

[فجر الجنوب]

رد: اجهزة ضعفتني

استغفر الله
رفع

 

[الفراشة المزيونة]

رد : اجهزة ضعفتني

مشكوووورات حبيباتي ع الرد

 

[الفراشة المزيونة]

رد : اجهزة ضعفتني

بنات تعرفون دكتوووره هندية عندها عيادة بالسالمية

سمعت عنها انها تضعف بس لحد الحين ما وصلت لها ياليت الي تعرفها تقووولي عنها

واكيد سمعتوا عن الاجهزة الي نازله الحين بالعيادات والمستشفيات الخاصة الي تشتغل بالليزر

ياليت الي جربت هذا الاجهزة تفيدني

ومشكووووووووووووووورات وما قصرتوا

 

[زهره الجلنار]

رد: اجهزة ضعفتني

جربي الدكتور احمد الخولي في وحده مع اخوي بالدوام اضعفت عنده 30 كيلو ب3شهور بس لازم ارادة

 

[أحلى عيون]

رد: اجهزة ضعفتني

والله اختي يعتمد الرجيم عليج انتي وشكلج ملووووله وماتستمرين علي الرجيم

اختي الغاليه الرجيم يعتمد عليج بالاول والاخير لا دكتور يضعف ولا اي شي

اذا استمريتي وتعبتي علي نفسج صدقيني بتنزلين وااايد


انا اسمي الرجيم جهاد لانه فعلااا تجاهدين بتعبج وشقاج

انا في خلال ٣اشهر ولله الحمد نزلت تقريبا ٣٠كيلوووو التزمت مع قروبات وايد مع بنات بالنت وفعلا حطيت في راسي اني ابي اضعف


حاولي دايم تقولين الاكل لاحقه عليه وافضل شي جهاز المشي حطيه بغرفتج او حطي سماعات علي اذانج فيه قران او اي شي تحبينه وال٣٠دقيقه تروح بلمح البصر


والله يوفقج

 

[to0taa]

رد : اجهزة ضعفتني

اهم شي تخفيف العيش و الحلويات و البيبسي و خلي عشاج خفييف و امشي لو نص ساعه و تقولين عندج الغزال الطائر و جم جهاز امشي على كل واحد ربع ساعه باليوم وانشاء الله تضعفيين موفقة و مبرووكييين

 

[LuLiTa]

رد: اجهزة ضعفتني

الركض على سرعه عاليه يعني من 7 و فوووق مدة نص ساعه كل يوووم +السباحه ساعه كاااامله + باقي الاجهزة كل واااحد 30 دقيقة

 

[bent_nadia]

رد: اجهزة ضعفتني

وانا مع الاخت لوليتا
واهم شي الارادة ثم الارادة لان من غيرها مايفيدج لا رجيم ولا رياضه ولا اي احد
وربي يوفقج وتوصلين للي تبينه بصحه وعافيه

 

[الفراشة المزيونة]

رد : اجهزة ضعفتني

مشكوووورات حبيباتي ع الرد

والله يوفقكم يارب

 

[nana loly]

رد: اجهزة ضعفتني

للرفع

 

[++The DuchesS++]

رد: اجهزة ضعفتني

امشي مع دكتور على نظام معين + المشي السريع
لازم تشدين على نفسج
موووفقه

 

[الفراشة المزيونة]

رد : اجهزة ضعفتني

مشكووورات حبايب قلبي ع الرد