منو جربت أبرت التوائم؟؟؟يدخل

[ورده النرجــس]

السلام عليكم ورحمه الله وبركاته جميعاا



شخباركم يابنات

اول شي دعواتكم لي ان الله يهون ويسهل علي الولاده ويرزقني بالذكر الصالح المعافى ويجعله من الابناء الصالحين



بنات بغيت اسألكم من تعرف أحد سوى ابرت التوائم ومن عنده؟؟
في وحده تبي تسويها بس ماتبي تغامر!!!

لان الناس ماتعلم وشلون تحدد جنس المولود

انا سمعت عن وحده جابت ماشاء الله 3 اولاد توائم عقب بنات تبارك الرحمن :gathering:

بس مستحيه أسالها اي دكتور

انا سمعت عن ماجده اليتامى

ودكتور بالسلام اسمه عمروو


ياليت من عنده خلفيه او تعرف احد سواها تبلغنا عند منو وشنو صاار وفي أسئله نبي نستفسر عنها

الله يجزاكم خير ويجعله في ميزان حسناتكم

 

[ورده النرجــس]

شدعوه 11 دخلو ولا وحده ردت لو بالغلط

 

[ام عفاف الكويت]

انا اعرف وحده يابت 4 توائم

راح تغز الابره تنشيط البويضه عند ماجده اليتامي وصاروا 4 بويضات تبارك الرحمن

 

[dnyay_mll]

بنت خالتي
على بناتها غزت الابره ويابت بنات ثنتين
وقبل فتره غزت الابره والحين حامل باربع توائم ماشاءالله تبارك الرحمن

 

[++The DuchesS++]

حبوبه ما اعتقد انه فيه ابره اسمها ابره توائم
الابر اللي ياخذونها ابر منشطه تنزل اكثر من بويضه
ومع ابره التفجير تزيد الفرصه بالحمل بتوم

 

[حالمهـ]

هذي الابر عباره عن ابر تنشيط عاديه


سالت دكتوري عنها باخر مراجعه وسالته عن تحديد جنس الجنين

لانه تو وحده اعرفها سوتها عنده ويابت توم صبيان ماشالله


قال هذي ابر تنشيط عاديه

ممكن توام

ممكن واحد بس

ممكن اكثر من اثنين


انتي وحظج


وتحديد الجنين نسبة نجاحها من 60 الى 70%

يعني ممكن تحملين بتوم بنات خخخخخخخخخخخخخخخخخخخخخخخخخخخخخ

 

[ورده النرجــس]

بنت خالتي
على بناتها غزت الابره ويابت بنات ثنتين
وقبل فتره غزت الابره والحين حامل باربع توائم ماشاءالله تبارك الرحمن

حبيبتي الله يعافيج وين غزت الابر عند اي دكتور ساليها

 

[ورده النرجــس]

انا اعرف وحده يابت 4 توائم

راح تغز الابره تنشيط البويضه عند ماجده اليتامي وصاروا 4 بويضات تبارك الرحمن

مشكوووووره حبيتي
بس ماتدرين بجم غزت وشلون صار الحمال معاها وتقدر تحديد الجنين

 

[سرقت النوم]

وايد سمعت عنها بس بنات ما تخافون من عواقب هالشي ...

يعني تحديد الجنس هالشي الرسول عليه الصلاة و السلام تكلم عنها .. .. إن أما يعلو ماء الرجل ماء المرأه و تجيب ولد .. و لا يعلو ماء المرأه الرجل و تجيب بنت بإذن الله ..

و قالو غن ماء المرأه هو البويضه .. يعني إذا حصل جماع قبل نزول البويضه معناته راح يعلو ماء المرأه ( البويضه ) ماء الرجل ( المني ) و يصير بنت ..

أما إذا صار الجماع بعد 12 يوم من الدوره .. يعني تحسبين من نزول الدم عليج لي تكملين 12 يوم معناته البويضه نزلت إذا صار جماع يصير ماء الرجل فوق ماء المرأه يعني ولد ..

طبعا مع الإلتزام بنظام غذائي .. هالشي شفته بمقابله على قناة الوطن ..

بس الخوف من إبر التفجير و التؤام .. بنات .. لاتغامرون غير المخاطر اللي راح تتعرض لها الأم و الجنين .. ممكن يتعرض الجنين لتشوهات خلقيه .. و لا لنقص في نمو الاطراف .. و لا مثل ما شفت ذاك اليوم بالتلفزيون وحده يابت ت}مين بنات .. وحده ولدت و إيد من إيدينها مبتوره سبحان الله من صوب الكف .. و تؤأمها سبحان الله ولدت و مخها بره جمجمتها .. و ما راح تعيش غير شهر على الأجهزه .. فقررو غن ياخذون إيد اللي ولدت معوقه و يزرعونها بدال كف البنت الطبيعيه ..

وايد تأثرت .. ووايد بجيت ... لأني توني حامل و أبي طفل بنت أو ولد صحيح معافى ,, ما يعاني من شي ...

بنات ديرو بالكم ...

التفجير و التبويض هذا للي يعانون من ضعف في التبويض.. يحتاجون لشي منشط أما إذا مبايضج مافيهم شي لا تتدخلين في حكمة الله و تدبيره ..

نصيحه لوجه الله ..

قبل لا تتخذون أي خطوه فيها نسبه من الخطر عليج و لا على الجنين اللي بتحملين فيه .. راجعو نفسكم ..

أما تحديد الجنس .. هذا الشي ذكره الرسول عليه الصلاة و السلام وهو الذي لا ينطق عن الهوى
... إنما هو وحي يوحا..

 

[ورده النرجــس]

مشكورين كل اللي ردوو

بس ياليت كل وحده تقول شلون صاار ومن متى تغز الابر ولازم تسوي شي معين عشان الابر وهل هي موثوقه يعني مافيها تشوهات


وكل الشكر والتقدير


ياليت يكون في تعاون وتبادل خبرات اكثر

 

[ZajiL]

حبوبه ما اعتقد انه فيه ابره اسمها ابره توائم
الابر اللي ياخذونها ابر منشطه تنزل اكثر من بويضه
ومع ابره التفجير تزيد الفرصه بالحمل بتوم

كلام غفران صحيح 100% انا تعالجت واطق ابر منشطه
وتعالجت لمدة 4 شهور ومرات يوصل عدد البويضات عندي 3 بويضات لكن ماحملت :0bee2e8d89:
ويمو طقت جبدي من العلاج والمراجعات بطلت وعقبها حملت من غير علاج ولا شي :dddds:
يعني حتى لو تاخذييييييييييين ابر منشط مايصير الا الي الله كاتبه سبحانه
وانا حامل في بيبي واحد وعني اثنين وتعالجت لاني طولت على الحبوب وسوتلي كسل بالمبايض
الحمدلله

 

[كويتيه مذهله 87]

كل شي بيد الله تعالي

سواء خذيتي ولا ما خذيتي

 

[ورده النرجــس]

الله يعطيكم العافيه كلكم

بس بغيت اسال من متى تاخذون الابره المنشطه عشان يتم قبلها بشهر او شهرين وتظل بجسم المراه الى متى مفعولها

وجم ابره تاخذين قبل الحمل

 

[الكادي75]

كل شي بيد الله تعالي

 

[ورده النرجــس]

وينكم يابنات؟؟


نبي نتجاوب ونستفسر

 

[أم عبوودي11]

انا سالت عن الحمل بتوام قالوا مافي وصديقتي راحت وعطوها حبوب علشان تحمل بتوام موابر ؟؟؟ حبوب نفس مفعول الكلوميد بس اقوي وانشالله تحمل

 

[ورده النرجــس]

ام عبودي 11

انشاء الله تحمل وشاكره لج مرورج

 

[ورده النرجــس]

بناااااااااااااات وينكم

شدعوه نبي تفاعلكم

 

[ام مضاوي]

بنات هالابره

الشهر الي فات بغت تذبح بنت تصير لي من بعيييييييييييد

اهي البنت صغيره موكبيره
عمرها25 وعندها عيال 2

وتبي توائم طبعا الي يسوون جذي مستحيل بيعلمون

لاكن انفجرت وحده من المبايض عندها وسوولها عمليه

والمسكينه يشتغل عندها مبيض واحد والكل درا بسالفتها
يعني توج صغيره وعندج عيال الله يخليهم ليش العبث؟

يابنات هذي الابر مقويه للي عندها ضعف في المبايض يعني تخيلي تكونين سليمه
وحجم البويضه سليم هالابره تكبرها لين تنفجر
وعلى فكره الكلوميد والابر هذي تكبر رحم المره
يعني يصير اكبر من عمرها
وهالكلام مومن عندي والله كلام دكاتره

وحتى اذا الله كتب وحملتي تظمنين انه الاطفال الي بيجونج سليمين؟

وانا خالتي واعززززز الناس على قلبي
خذت هالابره وحملت بتوم صبيان
الحين عمرهم 8سنوات الله يخليهم

والله اولدتهم باول السادس وشافت الويييييييييل
كل يوم ننطرهم يموتون
واحد ضعف بالقلب ومادري شنو بالصدر والله حجمه اصغر من كف الايد لرجة انه شفاف ماتكون كل شي فيه
وشقو جسمه عمليه من الصدر لي تحت البطن
وعمليه ثانيه نص ظهره
وموبس جذي هذا حالته زينه

الثاني تعسرت ولادته وولدوها فيه عمليه
من كثر الضغط على راسه
صار فيه ماي
والراس قعد ينتفخ وينتف وينتفخ
يعني كل يوم اكبر من الثاني
لين قالو نسحب الماي الي براسه ونحط بايب داخل الراس ويوصلونه للمعده علشان يفرغ الراس من لماي
وهالعمليه لها مخاطر ممكن اقل شي اعاقه بالمخ وشلل
والحمدلله سفروه بره على طول وتلاحقوه باخر لحظه ومن فضل ربي العمليه انجحت والطفل صار طبيعي
بس لي يومكم هذا واهو عمره 8سنوات راسه اكبر من الطبيعي وداخل راسه في بايب مايبين الا باللمس

الحمدلله انهم كبرو وتعافو وادخلو مدارس اجنبيه وماشين فيها يعني اذكياء
بس بعد شنو ماطلعت روحها جم سنه تعاني بالمستشفيات ومن ديره لي ديره
والله يجي طفل سليم معافي مايلعب بنفسيتي
احمد ربي على جذي

 

[غير كل الناس]

اولا عسي ربي يرزقج بالولد الصالح اللي يفرحج يارب العالمين

ثانيا انا عندي 6 بنات والله مافكرت لان عندي قناعه ان هذا رزق من ربي العالمين سواء رحت لدكتوره او اتبعت طريقه
وربي رزقني بولد بدون لا اخطط للحمل ويشهد علي الله يعني اروح لدكتوره اتشرط ابي ولدين او بنتين !!!!!!!!!


ليش مااكثر من الاستغفار وادعي رب العالمين ؟؟؟؟؟؟؟؟؟؟؟

مافي اكرم منه سبحانه


عسي ربي يرزق كل محروم
اللهم امين