منو تفيدني عدل عن الخدامة بالسفر

[Ms. luxury]

السلام عليكم ورحمة الله وبركاته ..
اشلونكم مسافرات كويتيات.. عفية بنات احنا شكلنا السنة بنسافر دبي ... معاي 4 أطفال وحامل راح يكون لي 6 شهور وشوي وقت لما نسافر ..عفية شنو الإجراءات اللي نسويها عشان ناخذ خدامتنا معانا..هي هندية ..وبالسكن شنو ناخذ؟غرفتين وأنومها مع اليهال ؟؟...أو ناخذ شقق مفروشة وتكون نظيفة وياليت اللي عندها شقق مفروشة شرط نظيفة وسعر زين تقول لي..
أنا رحت الامارات قبل سنتين(العين والشارجة وأكيد دبي):68_asmilies-com:
..بس كان عندي 3 يهال وموحامل ..:ada:
بس أبيكم تفيدوني بسالفة الخدامة وبنسافر بطيارة إن شاء الله..اشلون تتصرفون إذا بتاخذون خدمكم معاكم وشنو الاجراءات المطلوبة........
ومشكورين ماتقصرون خواتي وراح ادعيلكم إن شاء الله :eh_s(6):
هالموضوع حطيته بقسم الدول العربية وماحد عطاني ويه ..عفية فيدوني صار لي جم يوم :aha:

 

[د-سوسه]

ماحبيت اطلع بدون لاارد.
الاجراءات سوري ماعرفها ..بس انا من رايي مدام خدامتج معاج اخذي شقق مفروشه لانها راح تنظف وتحضر معاج اكل وبنسبه للنوم اي تنومينها مع العيال احسن ..

 

[ام وليد hamood]

عادي تسوي لها فيزا من السفاره او اذا يصير من المطار بس اغلى شوي ... واما بالنسبه للسكن اكيد احسن لج شقه مفروشه واايد احسن واامن واريح طبعا .

 

[عسووولتي]

هلا اختي

انا كنت ماخذه العام خدامتي معاي لندن وبعدها نزلت دبي وهي معاي

سوويت لها الفيزا من مطار دبي الدولي... تقريبا اذا ما خاب ظني دفعت بحدود الــ 170 درهم امارتي

واجراءات الفيزا اتخلص بسرعه وحتى قبل اجراءات دخولك انتي

بالنسبه للخدامه بالسفرر متعه وونااسه اتعرفيني حرارة دبي ناااار على الاقل الصباح بتخلينها مع اليهال وبتطلعين انتي تتسوقين براحتك

وبترجعين كل شئ جااهز لك حتى الغذا وكل شئ مرتب

واهم شئ عندي ترتيب الشنطه اعطيها الاغراض وهي اتصفهاا ونااااااااااااااااااااسه ما احب ارتب الاغراااض

ويوم كنت بلندن كانت تقعد اتسوووي الغدا وترتب وتغسل الملابس وكووي ولوازمه

يعني اخذيها وانتي مطمئنه

بالنسبه للسكن اقتصادياً لك الشقه احسن بواايد واريح على الاقل تلهى الخدامه عنك بمكان ثاني لان الشقه اوسع اشووي من الفندق

واتمنى اني قدرت افيدك يا قلبي

تشكررررررررررراااات

 

[فرحه عمر]

اختي انا بعد ناويه اسافر دبي اول مره اسافر وانا حامل و معاي بناتي ثنتين الله يحفظهم و اول مره اخذ خدامه عاد اللي عندي فليبنيه تعل القلب ما تتكلين عليها بشي بس حجزنا شقق فندقيه من غرفتين اريح لهم و اوسع من الفندق واوفر لج لان غالبا غداكم وعشاكم بره بس الريوق و اكيد بتقعدون متاخر و تطلعون يعني ريوق و غدا متاخر
والشقق مدام معاج يهال وايد تنفع اذا بتغسلين ملابسهم و تكوينها لانها بالفندق ماتنشف بسرعه
والله يسهل هالسفره علي و عليج

 

[ساره الاماراتيه]

شوفي حبيبتي انا من الامارات ...ومن يومين رحنا فندق اتلنتس انا والخدامه وعيالي ثلاثه ...وخذنا غرفه وحده ..كانو مسوين عرض الغرفه ب 960 درهم شامل الضرايب ...واصلن سعر الغرفه كان ب 2300 درهم ...
والعرض يشمل دخول الاكوافنشر والكيدز كلاب وبصراحه روووووووووووووووووووعه اليهال صدق صدق استانسو ...
وبعدين الغرف كبيررره وكل غرفه فيها سريران كبار ..يعني كل سرير ينفع لشخصين .....
واليهال واااايد بيستانسون في الاكوافنشر .....وفيه مطاعم اتجنن ...فيه مطعم اسمه زعفران ...بوفيه الشخص ب 195 درهم ..بس فعلا لذيذ وفيه كل الي يخطر في بالج ...
نحنا كنا نخلي اليهال يروحون مع الخدامه الاكوافنشر ..يتسبحون ويلعبون ..ونحن نحوس في الفندق ...وبصراحه خدمتهم تجنن ..
الفندق في جزيره النخله في دبي ..واي استفسار ..حاظرين