منو تفيدني اذا تطلقت اعيالي يعشون عند منو ؟؟؟

[Om Khaloody]

السلام عليكم بنات كيف الحال ياليت اتفيدوني منو عندها فكره عن القضاء الكويتي بخصوص الطلاق انا عندي 3 اطفال وحامل واذا طلبت الطلاق الاعيال يكونون عندي والا الاب يقدر ياخذهم ؟؟؟
انا اعيالي كل حيااتي واذا في مجال الاب ياخذهم لو 1% راح اصبر المر مع الزوج علشان ياخذهم عمي محامي بس ماابي احد من العايله يدري شنو يدور بخاطري انا ودي بالطلاق بس لالحين مافتحت احد بالموضوع
وشكرا

 

[زوجة عزيز]

اعتقد تكون الحضانه لج الله يفرجها عليج

 

[صادقة بكلمتي]

حبيبتي وسعي صدرج وفكري عدل الحياة والطلاق صج الله حلله لكنه ابغض الحلال عنده حطي الاشياء الزينة والشينه بزوجج والاشياء اللي ممكن تتعدل وممكن تصبرين عليها فيه وهم فيج بنفس الوقت الطلاااااق كلمة سهلة وااااايد لكن اللي بعدها بيكون وايد اقسى عليج وعلى عيالج حرام اكيد انتي ما تتمنين لهم التشتت والنقص باجر كل شي بعد ماادشين باب المحكمة راح تحوشهم وايد امور فكري عدل راجعي نفسج قعدي مع ريلج حاولي فيه عطيه فكره عن تفكيرج بالانفصال يمكن يتعدل اووووو حاولي وخلي هالفكره اخر شي والله يهديج ويهديه ويسخره لج ولعيالكم وعسى الله يقومج بالسلامة امييييييييين

 

[شندوخه]

على حسب المذهب
لو كان السني فالحضانه للام ثم الجده (ام الام) ثم الخاله (اخت الام)
بس لونويتي تتزوجين لازم امج ترفع عليج قضيه حضانه عشان الحكم يروح لها

 

[barosha]

حبيبتي الله يسهل امورج بس راجعي نفسج عدل وانتي حامل اكيد نفسيتج تعبانه فكري باليهال ومستقبلهم
اول شغله الطلاق حسب العقد مالج جعفري وله سني
وثانيا الطلاق مايصير وانتي حامل عقب ما تولدين
اذا كان جعفري كلشي حق الريال بس اذا كان اليهال اقل من السنتين يعتبرون رضع فيها مسأله ثانيه
واذا سني كلشي حق المره واليهال لها حضانتهم وككلششي
وسوري بس فكري باليهال الي بينكم 4 وسمي بالرحمن لانه الحمل يلعب بنفسيه

 

[يتيمة جابر العز]

انا ما أنصحج بالطلاق لا اعرف شنو اسبابج لكن بجاوبج

والله انا درست القانون ماشفت بالكتب طلاق سني وطلاق شيعي

المهم
المحكمه ما طلق حامل والشرع كذلك ،،

ألحضانه تكون لج لكن اذا تزوجتي تاخذها الجده ام الام طبعا بس اذا كبرت بنتح وخيروها بعمر ١٨ هي وين تبي عند أمها ولا أبوها

بس بهالحاله يقدر الأبو يرفع قضيه اذا يطالب بحضانة العيال بإنج غير صالحه مثلا او الخ عاد انتي أهني وكليلج محامي

واذا نويتي تتزوجين لها حكااايه وقصه ثانيه .......

وترا دوخه قضية الطلاق ويبيلها مطالب وعبااااااااله

الله يهديج

 

[يتيمة جابر العز]

ياجمااااااعه

أبغض الحلال عند الله الطلاق>>> حديث ضعيف ومااااااايجوز

 

[شتات نفس]

الله يعينج ياقلبي مافيه الا تروحين اي مكتب محاماه وتستشيرينهم وتعرفين الي لج والي عليج

 

[mischocolat]

هالسؤال لازم تشوفين له محامي وتسئلينه هو بيفيدج اكثر وبنفس الوقت بيكون بشكل سري ماحد يعرف وتاخذين وقتج بالتفكير

 

[Om Khaloody]

حبيبتي وسعي صدرج وفكري عدل الحياة والطلاق صج الله حلله لكنه ابغض الحلال عنده حطي الاشياء الزينة والشينه بزوجج والاشياء اللي ممكن تتعدل وممكن تصبرين عليها فيه وهم فيج بنفس الوقت الطلاااااق كلمة سهلة وااااايد لكن اللي بعدها بيكون وايد اقسى عليج وعلى عيالج حرام اكيد انتي ما تتمنين لهم التشتت والنقص باجر كل شي بعد ماادشين باب المحكمة راح تحوشهم وايد امور فكري عدل راجعي نفسج قعدي مع ريلج حاولي فيه عطيه فكره عن تفكيرج بالانفصال يمكن يتعدل اووووو حاولي وخلي هالفكره اخر شي والله يهديج ويهديه ويسخره لج ولعيالكم وعسى الله يقومج بالسلامة امييييييييين

تسلميين حبيبتي على كلامج الطيب ومواساتج لي ,, والله ينني هالريل وعصبيته الزاايده وانا صرت والله مااتحمل اخااااف اتحوشني امراض منه الله يسخره لي ياارب ​

 

[Om Khaloody]

زوجة عزيز
صادقة بكلمتي
شندوخه
barosha
يتيمة جابر العز
شتات النفس
mischocolat

مشكووووووورين خواتي على ردكم واهتمامكم جزااكم الله خير والله يحفظكم ازوااجكم ويسخرهم لكم​

 

[M!SS.LOBY]

الله يسهل أمورج تحملي لخاطر عيالج على ما يكبرون وتطوف سوالف الحضانة وقرري بس حاليا صعب تطلبين الطلاق عيالج تو صغار

 

[احلا المزايين]

انتي بس مشكلتج عصبيتهاها عيل نص المنتدا خيانات وصابرين ولايفكرون بالطلاق
يزين العصبية عند الخيانة والا السكر والا غيره من الامور
والعصبي مايحرق الا نفسه
واذا انتي ذكية تمتصين غضبه بكل سهوله
فكري عدل وحطي ابالج ماراح تلقين رجل افضل من زوجج
والطلاق ضياع لاعيالح حرمان لج وتشتت نفسي وعاطفي
احساس مااتحسه الا اللي اتجربه
ودايم اكثر المطلقات تعاني من مشاكل نفسية نظرا للضغوط

 

[دايم على البال]

الله يهديكم لبعض ويسخر اموركم
انا ابيج تقارنين زوجج بالازواج ثانين اللي يسكر واللي كل يوم بديره واللي راعي بنات لدرجه ييبهم للبيت عنده والحريم صابرين
مو عشانه هو عشان مستقبل عيالهم
باجر عيالج راح يانبونج بطريقه غير مقصوده وباجر العيال مسؤلياتهم بتكبر اللي يبي سياره واللي بيكمل دراسته
انتي فكري لبعد عشر السنين جدام شنو وضعج
ولا تقولين اهلي معاي ويحبوني لا صارت الصجيه كل من بيتحكم بعيالج وبيزفونهم راح اطوفين مره مرتين بس بعدين لا تكلمتي قالوا لج مطلقه وتكلمين بعد
للاسف هذا مجتمعنا رغم التطور بس هذي عقليات الناس
انا اقول هدي وتعوذي من ابليس
وامسكي بيتج وعيالج وخلي ريلج يولي عيشي حياتج ورفهي عن نفسج وكل ماقال لج شي قولي حاضر وان شاءالله وطوفي وطوفي عشان تعيشين

 

[modern]

اكيد للام الحكم بالكويت
بس الاهم انك تفكري شلون تربيهم بروحك بدون اب!!!!

 

[أم يزيد &سديم&]

عن تجربة التربية بها الزمن مرررة صعبة
ومو كل شيء تقدر عليه الأم لازم التربية فيها حزم وعطف حزم من الأب وعطف وحنان من الأم
عشان يكون متباينتين في الحياة
وشكرا

 

[7oor kuwait]

انا مطلقة وحامل,طلاق الحامل يجوز وعدتها تنتهي بالوضع والايه موجودة بالقرآن,الحضانه حقج واذا سقطت تصير حق امج واذا سقطت تصير حق اختج,وبجميع الحالات الزوج يقدر يرفع قضيه اهمال او غيره لكن مع شهود وحسب نظره القاضي عشان تنتقل له الحضانة,و الله يكتبلج الي فيه الخير

 

[عذبة الأوصاف]

تعب تربية الاطفال بدون ابو فكري فيها وتأني وعلى فكرة الحمال يخربط الهرمونات ويلعب بالنفسية يعني لاتحسبين حساب شي الحين لان الطلاق وانتي حامل ماراح يصير وصدقيني طبع زوجج العصبية انا زوجي مافي ألعن منة بالعصبية حتى من كثرها بديت اشك بعقليتة لانج ماتتصورين عصبيتة شكثر وللعلم من كثر عصبيتة انا تطلقت منة مرتين وعايشة ع الاخيرة صرت اذا عصب علي انحاش اي مكان لو الحمام عزكم الله لين يطخ او يطلع ... اصبري واركدي العصبية مومشكلة غيرج الليل والنهار ضرب واللي يدخل عليها سكرااان بس الصبر مفتاح الفرج

 

[الناس اسرار]

يابنت الحلال الطلاق خليه اخر الحلول العيال محتاجين امهم وابوهم الحياة صعبة ترى الريال العصبي مايبيله عناد يالطيب والكلام الحلو كل شي يتحسن ان شالله والله تكسبينه

وكرري هذا الدعاء صبح ومسا
حسبي الله لا اله الا هو عليه توكلت وهو رب العرش العظيم 7 مرات يفرج الهم والحزن والله يسخره للج

​

 

[الـجـميلة]

انا نفسج بضبط اول ماكون حامل بس انام وصحى وتفكيري شغال بالطلاق بس ابي اتطلق نصيحة من اخت لو فعلا مصره اصبري لما تولدين وتطلعي من النفاس بعد بعدين شوفي نفسيتج كيف تصير والله لاتغير لان هرمونات بالحمل تضرب وتكونين ماتتحملين بس انتي لو متضاييقة مره منة روحي اهلج قعدي كم يوم وبلاش خناقات والطلاق انسية مو من صالحج ولا صالح عيالج