منو تعلمني اللكاعه ؛؛؛العوابه،،،طولة اللسان

[أم ريــــما 22]

منو تعلمني اللكاعه ؛؛؛العوابه،،،طولة اللسان أي من صجي ابي أتعلم أصير عوووبه منو تعلمني لأني طيوبه بزياده وحساسه ماأحد يستحي مني ولا أحد يفهمني ماأحب أكسف احد ولا اجادل احد في شي مايخصني شلون أخلي الناس تحترمني غصب عليهم أي غصب لأن الطيبه والحترام ماتنفع في زمن اليوم بليز بنات اللي دش موضوعي ترد باأحترام واللي موعاجبها تكرمنا بالرفع:krkrkr:

 

[فلنتينو]

تصدقين العوبه بهالزمن هي اللي تعيش

 

[وردة الكاميليا]

خلي شخصيتج قوية ولا تطيحين الميانة مع كل من هب ودب

 

[MiSS B.K]

ذكري الله يا بنت الحلال ....

 

[دندون الحلوة]

صيررري قوويه <<جبت شي جديد هع

 

[MiSS B.K]

ذكري الله يا بنت الحلال .... رفع

 

[ام الوردة]

اي والله ياااااااااليتني عووووووووووووووووووبة ياليت

جان مو كل ليله دمعتي ع خدي

 

[فرحة طفل]

الله يعينج

اهم شي الوحده ماتفقد السيطره على مشاعرها؟؟
والاهم انج ماتسكتين على الغلط
وخلج سياسيه وحكيمه واضبطي نفسج
ومو حلوه تكون البنت لسانها طويل بس خلج قويه بالحق بسسسسس
اتمنى انج تلقين الحل اللي يريحج....

 

[Fashion]

عااااااااادي خليج هاديه بس يصير شي طلعي طاقتج كلها انا جذي اللي يشوفني اول مره ينصدم اني عوووووبه ولسااااااني طووويل بس بحدود...

 

[woman81]

انا تعلمت طوله اللسان من دخلت وزاره الداخليه كنت هااديه حساااسه الحين الوضع وايد تغير قمت الاسن
قمت ما استحي ولا اسكت عن الغلط مهما يكون

 

[غارقة بأحزانها]

الزمن بيعلمج​

 

[MiSS B.K]

رففففففففع

 

[TIC TOK]

انا كنت نفسج ليما عطتني الدنيا جم طررااااااااااااااااااااااااااااااااااااااق احححححححححح

وتعلمت وتسنعت

الحين الكل يقولي انتي مو بس قويه الا قويه جدا

ساعات من كثر الاحباط اللي يجيج تصير عندج ردة فعل عكسيه كبيره وتتغير شخصيتج

اهم شي واول خطوه تعلمي تقولين لااااااااااااااااااااااااااااااااااااااااااااااااااا وباعلى صوتج بعد

بس بالحق يعني اذا ماودج تروحين لمكان قولي لااااااااااااااااااااااااااا مابي وكيفي
واذا ماتبين تسوين شغله قولي لا انا حره واللي ابيه بس راح اسويه

امشي من هالمنطلق الناس لها راح توقف ضدج بالبدايه عقب الناس بتتحاشاج

ترا من صجي اتحجى

الله يوفقج يارب

 

[ابدا يالغالي مانساك]

تبين تصيرري عووووووبها

خلج واثقه من نفسج
واي اخد يغلط عليج ردي عليه

 

[ام الدرر]

روى أبو داود عن أبي أمامة -رضي الله عنه- أن رسول الله -صلى الله عليه وسلم- قال .
"أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه "
حبوبة تطلبين رضا الناس وتنسين رضا الخالق
سلاطة اللسان والعوابة بتدخلج بمشاكل
خلج على طبعج وتربية اهلج
مدامج راضية ربج صدقيني حقج مايضيع​

 

[bal8es]

ردي الكلمه ب10 و لا تستحين انسي شي اسمه فشله شخباااري منو يقول فشله الحين
الي يعجبج سوي بس خو مو بزياده يعني بالعقل والي مو مقتنعه في وما يماشي قناعاتج قولي لأ ومو عاجبني وما ابيه احد يقولج اكرهج ردي عليه وعووو عاد انا الي ميته فيج او فيك حتى لو كنتي تحبينه احد يقولج احبج ردي عليه اموت فيج او فيك حياتي انتي او انت مو لويه يصير احمر و تستحين الكلمة رديها ب10 لا تخلين شي يقرقع بلقبج انشالله اكون فدتج بطولت للسان هذا قليل من كثير

 

[Laidy n3ooma]

والله صدقتي العوبه تعيييش

معليه طراقات الدنيا هي اللي بتعلمج تصيرين قويه

 

[المطيريه 1982]

والله الدنيا تعلمج الكل يتغير مع الايام اهم شي لاتسكتين عن حقج صيري وثقه من نفسج

 

[ام شووووق]

خلج على طبيعتج عللاقل تأجرين على اللي تتحملينه

احسن ماتشيلين ذنوب من العوابه

 

[حلوه ولمآحه]

والله يااحبوبه
العوابه طبع وخلقه مهما قدرتي تتصنعينآماراح تضبطي الدور دايمآآ
والعواآبه فيه عوابه على شكاله وعوابه ع قله حياء،،
ع قولتهم،،
وانا احب عبوآبه البنت الجيده
الي ماتغلط ع احد بس اذا احد غلط عليها تاخذ حقها كامل مكمل،،