منو تعرف وحده اتطلقت مرتين2 وتزوجت عقبها واحد زين

[*غرور انثى*]

:eh_s(17):


















مثل ماقريتو بالعنوان منو تعرف وحده ماتوفقت مرتين والثالثه تزوجت واستقرت ؟

ابي قصص عشان ما أيأس لاني قمت اقول حق اهلي مابي اتزوج موليه

 

[يغار الحلا]

هلا اختي ..

انا اعرف وحده مطلقة مرتين وبعدها صغيره

ولله الحمد عايشه حايتها وتشتغل ولا عليها من حد ..

ولا تخافين الله بيوفقج ان شاء الله ..

وادعي الله واستغفري وبالتوفيق

 

[*غرور انثى*]

مشكوره حبيبتي الله يسمع منج







اب

 

[masoo 511]

حبيبتي لاتضايقين انا اعرف وحدة تطلقت مرتين من دون عيال وتعيش حياتها بشكل طبيعي مع اهلها والله يعوضها خير شتسوي بعد كل شي قسمة ونصيب لاتتضايقين عيشي حياتج وسافري واستانسي وربج الرزاق

 

[( مي )]

الشحرورة الصبوحة
تزوجت 7 مرات d:

وبعدين حبيبتي اذا الله كاتب لج الزواج انشالله الله يكتب لج الزوج الصالح
وانا شخصيا اعرف وحدة تطلقت من الأول بشهر العسل والثاني عقب سنتين زواج وتزوجت الثالث

 

[*غرور انثى*]

امين بنات

مي الشحروره مره وحده

انا الاول بالملجه خلع
والثاني مريض الله يشفيه

بس تهقون اتزوج واحد زين ياربي تعقدت احس ماحد يبي مطلقه مرتين

 

[aṕriliå]

رد : منو تعرف وحده اتطلقت مرتين2 وتزوجت عقبها واحد زين

عااااادي كاهيا نادية بزوارة خميس >>براااا


اممممممممممم خلني اتذكر شوووي


اعرف مرة بس مرتين ماببالي شي

 

[sara2323]

رد : منو تعرف وحده اتطلقت مرتين2 وتزوجت عقبها واحد زين

انا اعرف وحده تصيرلي
تطلقت من الاول و عندها 2 منه
ومن الثاني و همن عندها منه 2
والثالث الحين وايد تحبه و على طول سفرات وتوه يابت منه ولد

 

[( مي )]

حبيبتي مو قاعده ،، حتى لو هذي الفكرة المنتشرة
بس في مطلقات يتزوجون مرة ومرتين و3
وفي بنات عمرهم مشى وللحين ما تزوجوا ولا مرة

والله يكتب لج الخير

 

[قمة الرضا]

الله يعوضج ويعطيج على نيتج ويصلح حالج

 

[so_what]

الله يرزقج بالنصيب الزين اليي يعوضج

 

[So0oKaRa]

المشكله مجتمعنا ما يرحم
ما الومج لو خفتي وقمتي تحاتين
حزات الوحده تتطلق اكثر من مره لاسباب اهي ماتكون مذنبه فيها
والله بيعطيج على قد نيتج
واعرف وحده تطلقت مرتين وتزوجت الثالث والحمدلله مرتاحه

 

[وعد2006]

بنت عمتي تطلقت اول مره بدون عيال و من الثاني جابت بنت و تزوجت الثالث و ماشاء الله مستقره معاه و احسن من الاولين و جابت منه عيال و عسى الله يوفقها و يتمم عليها

 

[noo7a]

النصيب لي يا مايعرف بنت و لا مطلقه
الله يرزقج

 

[*loveli-noni*]

الله يوفقج..

وانا عارفه اكثر من وحده تزوجت الثالث وستقرت معاه وكان عليها عيال بعد والي خذته ماتزوج ولامره

جنهم البخت عاادي...لايأس مع الحياة ولاحياة مع اليأس

 

[fdeet_shosho]

عادى حبيبتى كله توفيق من ربج - اذا الله كاتبلج تتزوجين راح تتزوجين انتى ارضي بنصيبج وادعى ربج يرزقج بولد الحلال اللى يعوضج اى عادى انا اعرف وحدة تزوجت مرتين وتطلقت بس ما كان عندها عيال والحين تزوجت الثالث والحمد لله ربي رزقها بعيال وعايشه سعيدة عادى كله توفيق من رب العالمين

 

[المـــــها]

إي أنا أعرف
الاثنين الأولانيين مو كفوها صراحه انظلمت معاهم
و الحمدلله ربنا وفقها الحين و خذت اللي يستاهلها
دعواتكم بالتوفيق
ما شاء الله تبارك الله

 

[دلوعه القمر]

أنا أعرف وحده تطلقت مرتين وخذت وآحد معيشهآ أحلى عيشه

والله يرزقــج ... الله كريم حبيبتي ...

 

[*غرور انثى*]

جزاكم الله خير بنات والله رفعتوا معنوياتي

الله يفتحها بويوهكم ويوفقكم

 

[BABY MASTER]

اهلين غرور

انا بعد اعرف بنتين تزوجوا مرتين و بزواجهم الثالث استقروا وعيلوا


الفال لنا