منو تعرف علاج للتهاب البول....؟؟

[الدرالمنثور]

السلام عليكم..

شلووونكم بنوووتات؟؟؟


الله يسلمكم..ودي أعرف شي من الطب البديل يصلح حق التهاب البول وأنتو بكرامه...الي تعرف لا تبخل علينا وربي يجزيها الجنه..

ناطرتكم..:0bee2e8d89:

 

[om_3esa]

ليش ماتروحين المستشفي يعطونج تحاميل ؟؟

 

[الدرالمنثور]

رحت حبيبتي كذا مرة وكل مرة يعطوني ادوا شكل....بس بصراحه خلاص مابي أدوية أحس الأعشاب أحسن!!

 

[om rashed]

رد: منو تعرف....؟؟

اختي الالتهاب يحتاج علاج من قبل طبيب خاص ولكن اذا كنتي تريدين مدر للبول يكرم السامع فانا ذكرت في موضوع عشبة المته الارجنتينية من فوايدها انها مقوي للقلب ومنظف للأمعاء والمصارين والجهاز البولي وكما تعمل كمدر للبول

اجر وعافية انشالله

 

[خبيرة اعشاب]

رد: منو تعرف....؟؟

السلام عليكم

لالتهاب المسالك البولية اخذي عصير ليمونة و يضاف الى كوب من الماء البارد المحلى بالسكر و يشرب من مرتين الى 3 مرات باليوم

عشبيا تستعمل العديد من الاعشاب كاكليل الجبل وورق العليق و جذور الثيل

و تحياتي

 

[أم الكتاكيت]

أنا أخاف من التحاميل و الدوية الصراحة قمت كل يوم اغسل بالمرة و عقبها بغسول سياتل و الحين أحسن خفت الاتهابات و الافرازات و خبيرة الأعشاب عندها خووووووووووووش خلطات مو دعاية لها بس الصراحة جربت من عندها كذا شغله و شغلها تماااااااااااااااااااااااااااااااااااااااااااااااااااااااااااااااام

 

[batho]

اختى التهاب البول لازم يتعالج عند الطبيب لا يصير فيج مثل مصار فينى قمت ابول وانتى بكرامة وانا واقفة وا احس بنفسى لان صار الالتهاب شديد رحت لمستشفى الهادى لازم تسوين تحليل بالاول وسوالى اشعة ملونة طلع عندى التهاب بمجارى البول وحصوة صغيرة وسوت التهاب شديد لا تتاخرين متفيدج الاعشاب محتاجة طبيب والحمد لله الهادى رخيص وخوش دكتور عندهم وما تشوفين شر

 

[•!¦[ زاهـ¦¦ الکحـل ¦¦ــي ]¦!•]

الله يشافيــج ان شــاء الله ..


بغيت أعرف عزيزتــي شنــو أعراض التهـــاب البـــــــــــول ............؟؟

العــوار اتحسينـــه بأي صـــوب ...........؟؟ < - - أخــاف فيني التهاب

 

[فقدتك يانور عيني]

كثري ماااااااي

 

[راويه]

اشربي ماي بكثره وروحي الحمام اول باول وطهور ان شاء الله

 

[مواســم]

شربي مغلي البقدونس

وعلى طول نشفي المنطقه

 

[سحــر الحــلا]

اولا حبيبتي

عالجيييييييييييه مو أي علاااااااااج لأ

يعني بعد ماتخلصين الحبوب ارجعي سوي تحليل لين مايصير البكتيريا صفر

انا قبل مثلج يرجع لأن يقل البكتيريا بس ماتختفي بالمرررررررره فترجع تتكاثر

بعد ماتتأكدين ان بالمرررررره راااااااااااحت

كثري شرب ماااااااااااااااااااااااااااااااااااااااااااااي

شربي كل نص ساعه قلاص واهتمي بالماي لأنه مدر للبول وينظف من البكتيريا

 

[PINK*LIPS 81]

حبيبتي انا عانيت من الالتهاب ... شراب شعير(بربيكان) اي نوع عادي وااايد زين و عصير العنب زين وطبعا الماي كثري ليين تنتفخين

 

[ورق عنب]

في حرمه قالت لي احسن شي لالتهاب البول هو

تقصصين البقدونس وتفوحين شوي وتخلينه ينقع وتشربينه ... والله يشافيج ان شاءالله

 

[Anestazya]

شربي بيره مدر وينظف التهابات عدل يصفيج والله نصيحه حتى الحصوه يفتتها

 

[ام عيالي]

حبيبتي اولا بالنسبه للجهاز البولي المراه فيه اختلاف تسريحي عن الجهاز البولي للرجل يعني وجود المهبل بشكل قريب من المثانه والحالب لكثير من التغيرات اثناء الحمل والولاده وما يلي ه من اصابات قد تؤدي الى احيانا اظطرابات عمل المثانه والنواسير الناتجه عن الولادات المعسره والتداخلات المتعسره في الجراحات الغير سليمه وبعد طول طول الاحليل عند المرءهوانخفاضه في دهليز الفرج بالامام يعرض المرءه لنسب اكبر من الانتان البوليه ويساعد في ذالك سقوط الجدار الامامي للمهبل ويتاذى عنق المثانه حيث يصبح افراغ المثانه غير كامل يعني بالتاليتزيد نسبة النتان نتيجه للركودة البوليه نتيجة افراغ المثانه الغير كامل

 

[ام عيالي]

والتهاب البول يطلع عندنا بالحساس بالظغط اسفل البطن واعراض الرغبه بالتبول والحرررررررررررررررقه عند العمليه البوليه بالاظافه لتغيير لون البول وتغيير الرائحه بعد


واحيانا يتحول الالتهاب الحاد لما تسكتين عليه الى التهاب مزززززززززززززززززززمن يؤدي الى تنخر وهاذا شي يخلي اجزاء من المثانه تموت عسى ربي يحفظنا ويرحمنا برحمته


والنصيحه الاولى الي انصحها دايما في مثل هالحالات اهي :


تدفأة اسفل البطن يصير اتسوين كمادات حاره على هالجزء



كثرت سرب السوائل



اكل البقدونس بكثره عشان ينفي المسالك ويطهر المثانه والمسالك بعد تقدرين شده الصبح على الريق وشده العصر وتستمرين على الشغله لمدة خمس ايام


واوصيج بشرش الذره وهو شعر الذره كوب كل 3 ساعات واتحضرينه من فبضه من شرش الذره على قلاصين ماي مغليين وتغطينهم 30 دقيقه وتصفينهم وتشربينهم وان شاء الله يارب اكون فدتج يا عمري والله يشفيج ان شاء الله والاستطراد يالموضوع والتفصيل قلت علشان افيد اكبر قدر من الاخوات ويعرفون اشلون تصير هاذي العمليه لان وايد يسالوني عالخاص بخصوص هالموضوع وعرفت انه شي شائع

 

[um-naser]

اختي (أم عيالي ) أنا بنتي عمرها 6سنوات ونص صار فيها التهاب ألحين خامس مرة
وألحين مرتفعه حرارتها و وآخر مره حاشها التهاب ادخلت المستشفى لمدة 5 أيام وكانت حرارتها فوق الأربعين
صار لها يومين راد عليها لأنها تحصر البوله وايد ولما تدش الحمام وانتوا بكرامه ترش ماي وتطلع بدون ماتغسل عدل وتنشف
أخاف ان الثانه متضرره لأن لما سويت لها تحليل قال الدكتور ان يها بكتيريا وااايد وهذي تخليها تحس بنار وعباره عن تقيح من داخل بس اهي تقول انها ماتحس بشي بس اللي شفته ان البول متكرر وريحته متغيرة وتنحصر بسرعه وفوقها يتها سخونه
ألحين وصف لها الدكتور أوغمانتين مضادحيوي بس أبي أعطيها أعشاب تساعدها
آخر مره خذت مضاد حيوي مدة عشر أيام وبعها ارتفعت حرارتها فوق الأربعين اللي بعدها نامت بالمستشفى وأخاف هالمرة نفس الشي

 

[نينا ريتشي]

والله احسن شي غسول التي تري عند الصيديليه ورخيص سعره يمكن 3دنانير من اول مره يقطع الالتهاب

 

[الدرالمنثور]

مشكووورين بنات بعد قلبي ما تقصرون على هالنصايح المفيدة