منو تعرف صالون منيره الفرج ... وشغلها ويا العرايس

[حباري المملوحه]

سلام عليكم عرايسنا وبناتنا وامهاتنا
عساكم باحسن حال ان شاءلله
ابي اسلكم منو تعرف منيره الفرج بالشعب البحري... وهل شغلها حلو ومنو سوا عندها وبكم اسعارهم

عفيى فيدوني عنهااااااا

اشكركم

..

 

[هنـــد]

حبيبتي انا شفتها على اثنين وماعجبوني

احس حيل حيل ناعم وسعرها 500 دينار والحين يقولون زادت اسعارها

اللي عجبني صج بريجيت خوري

 

[حباري المملوحه]

امممممممممممم

مشكوره حبيبتييييييييييييييييي

والله انا ماشفتها ولا شي

بس انصحوني فيها

الله كريم

 

[مشاعل2000]

سعر المكياج بس ب800 دينار بس والله مايسوى جدا جدا باااهت اي مبتدئه تقدر تسوي احلى منه

 

[#ريما#]

والله انا حيل احب مكياجها لان احب الناعم

بس صج اسعارها مبالغه فيها حيييل ..

لا وبعد كذا مره مطنشه بعرايس يصيرون لي موهقتهم بعرسهم يعني الله يسامحها ..

بعرس بنت عمي قبل العرس بجم يوم دقت قالت لها انا بسافر شوفي لج احد غيري ..

وبعرس بنت خالتي بيوم العرس العروس بالفندق قاعده تنطرها والا تدق عليها تقول لها ماقدر اجي بروح لوحده من الشيخات طبعا خالتي

ترجتها وقالت لها تعالي بعطيج الي بتعطيج الشيخه وعطتها 1000 و رضت تجي طبعا النفسيه x

انا حق عرسي حاجزه دلال العرادى حيييل مستواها رااقي وتقريبا نفس مكياج منيره الفرج حلوو بس دلال تعاملها احلى و اسعارها رووعه ..

ومنيره الفرج قايلتلي عنها .. وهم تهامه العبيد قالت لي عنها .. وانا والله لو اقدر اطلع بيوم عرسي من الفندق حجزت تهامه العبيد لانها عسل و

فظييعه بس شرط زوجي ماطلع من الفندق


والله يوفقنا وياكم على خير ويستر علينا

 

[أشبـاهـ المطـر]

انا حطيت عندها بعرسي والكل كان مستخف علي انا واختي طلعتنا بلوك واااايد حلووو
انا خذت مني 250 سعر ميك آب والتسريحه ب220 والحين الكل صار اسعارهم جذي
بصراحه انا حاجزه عندها قبل عرسي شهرين واهيا حيل دقيقه بمواعيدها ونفسيتها عسل
بالعكس ماشفت منها الا كل خير وانطباعات الزباين عنها دايما ايجابيه

 

[لـولـيـتـا]

مادري بس مكياجها اقل من عادي .. وغالي عالفاضي
انا شفت عروس حاطه عندها .. مكياجنا احنا المعازيم اشجع منها

 

[Toulin RTN]

ماكو على ليلى هارموني (أبرار)

 

[a7la_7b]

مايعجبني مكياجها مو مال عروس شفت كذا عروس من رفيجاتي ماعجبني مكياجهم

 

[CHEESE CAKE1]

شغل منيرة الفرج بصراحه يبين لأنه اينن وستايله ناعم على راقي حيل حيل
صح اهيه ماتحط وايد ... شغلها نفس المكياج اللبناني
مادري أحس هذا الستايل الحين
وسعرها حق المكياج العادي زين أو مقبول بس حق العرايس أشوفه أوفر ووايد غالي

 

[رفييف]

لي اليوم متحسفه اني حطيت عندها بعرسي .. مكياجها حق المرافقات اللي معاي كان احلى من مكياجي :///

 

[ترف]

حطتلي بعرسي والكل سألني واستخف عالمكياج ناعم و راقي واهم شي مرتب وايد وثابت مايروح والا يبقع او يتقشر الفن فيه ان كريم اساسها مو طبيعي ولمستها حلوه مثل رسمة الحلج صج بسيط بس يبرز الويه ونفسيتها تينن وبتول سوت شعري كانت التسريحه خياااال ما ابالغ والله مو حسافه فيها

 

[بدوره 22]

ما شفت لها عروس ميكبها مو حلو

 

[حلا الكوون]

اب اب اب

 

[مرمر]

والله مكياجها زوغغغغغغغغغغغغغغغغغغغغغغغة يهبل ومعروف مستواها
مكياجها جدا راقي
وكلنا نحط عندها
وحاجزتها بعرس بنتي انشاءالله المكياج عندها تطلع لج الفندق 500 دينار
وبالصالون 250
التسريحة عندها بالفندق 250 بس انا حجزت راضية حق بنتي وحقنا راضية تطلع ب300 للعروس
صالونها بالشعب علي الطريق السريع جنب فلكس وبنفس عمارة عبير الياسين حجزي وانت مغمضة
ودلال العرادي هم حلو شغلها تطلع للعروس ب250

انشاءالله اكون فدتج

 

[SHOOQ8]

للرفع بنات شرايكم فيها تنصحون فيها للعروس او لا حيرتوني انا حاجزه عندها وترددت من بعد بعض الردود اللي يقول ناااعمه حييل اخاف تبهتني والشعر منو احسن وحده عندها لاني سمعت انو التساريح عندها مو ذاك الزود

 

[blue diamond]

shooq8 اهوا على الذوق اللي يحب الميك اب الناعم الراقي يروح لها
انا جربتها بعرس بنت خالتي خلتني ناعمه واشحلاتي والكل يقول انها ضابطه الفاونديشن لي ونفسيتها اتينن
توعها تغطي يالعيوب وتحلي الملامح بطريقه اجنبيه
وبالنسبه حق الوقت كانت دقيقه معاي
باختصار ميكبها زووووووووووووووووووووغه

 

[درة أهل الطولات]

انا ما يعجبني

 

[SHOOQ8]

بنات احنا 2010 معقوله ما تغير مكياجها لي اللحين من 2003 على حسب ما قريت من ردود البنات بالنت لي اللحين ما سمعت احد يذمها كل الصالونات لا اشتهروا انخفسو وصارو يلوعون الجبد الا منيره اللي اشوفه محد يذمها بس يقولون ناعم وتبرز الملامح واللي صج يحير مالها اي صور شلون معقوله لي اللحين مافي صور لها بالصالون ؟
انزين انا ملامحي حدي ناعمه تنفع لي او لا وما ابي حمره حمرا اللي سمعته انها تبرز بالحمره والغالب عنابي او احمر صج الحجي

 

[قَلبڪْ صًخرْ]

ماجربتها ..