منو تعرف روضة الاطياب بقرطبه

[al7reyaa]

السلام عليكم

ابي اسال عن روضة الاطياب بقرطبة قطعه 4
اشلون مستواها
زينه ولا لأ
وكل شي تعرفونه عنها

 

[nero]

ستاف المعلمات حلوو
والروضه زينه والكل يمدحها سواء من اداره والا من مدرسات

 

[al7reyaa]

اعيالج فيها؟؟
وله انتي مدرسه


الصراحه اخر شي افكر فيه الحكومه
بس االمدارس صكوا

فكرت اذا دخلت اعيالي القاعده الحلبيه ودوره انكليزي يمكن يصيرون زينين

 

[nero]

لا عيالي مو فيها

انا مدرسه روضه بمنطقه قريبه منهم

واسمع عنهم و عن نشاطاتهم

 

[miss fabulosity]

الحريه انا حماتى مدخله بنتها بروضه الاطياب كانت تعبانه اتقول والبنت للحين متبهذله واهيا الحين بالمعالى ميح بكل شى اتقول بس تنطط واغانى وحتى المدرسه الى ادرس بنت حماتى اتقول انا بنتى مادخلتها روضه حكومه حطيتها بالخاص واقدر احطها عندى بس لا للحكومه

وشوفى اختها الثانيه من حضانه ليتل مى بالجابريه الين خاصه روضه شوفيها واايد احسن من اختها

 

[miss fabulosity]

وترى المدرسات انتى وحظج فى منهم والنعم فيهم الصراحه صج يتعبون
وفى منهم:0bee2e8d89:

 

[الريشة]

ولدي اخوي بهالروضة
و زوجة اخوي تقول مو زينة ، بس كله أغاني ، يعني ما يستفيدون و لا يتعلمون شيء مفيد

 

[بمبرة]

:klhfl:عن تجربة ولدي فيها الحين
الصراحة ما تعلم ولدي شي غير الاغاني والاناشيد
الصراحة وايد تحسفت دخلته حكومي لان وايد ناس امدحوا الاطياب
اهيه كانت زينة على ايام الناظرة عايدة العبدالجليل
بس هالسنة غيرو ا الناظرة
نصيحة لا تدخلين ولدج فيها

 

[al7reyaa]

السلام عليكم
وااااااااااااااااااااااااي يزاكم الله خير على النصيحه يعني مردي على المعالي خلاص الحمدلله باجر وله اليوم اوديه اطعمه واسوي اوراقه اسجله مع اخوه بالمعالي



انا لان الاطياب بسكتنا ينراح لها مشي


المهم ان يتعلمون اعيالي مابي رقص وخرابيط

 

[بمبرة]

:klhfl:حياتيal7reyaa
ديري بالج ان وزارة التربية سحبت رخصة المعالي
وهذا اكده لي عم صديقتي في الدوام اهو مدير في التعليم الخاص ويقول لا تسجلون عيالكم في المعالي
وآنا كنت مجهزه اوراق ولدي علشان اسجله في المعالي بس الحمدلله خيرة وما دفعت العربون جان راح علي
مع ان دقيت على المدرسة ويقولون ما عندهم خبر مع ان الموضوع صار له اكثر من اسبوع نازل في الجريدة

 

[al7reyaa]

بمبره
يزاج الله خير
والله اني محتاره
دقيت على القطوف وفجر الصباح والجيل الجديد واسرار القبندي ونسيت الورقه عندي




يمكن خيره ان احولهم حكومه

اللي الله كاتبه بيصير الاستخاره تفرني وتفتحلي ابواب من الله يارب اللي فيه الخير والصلاح حق اعيالي الله يرزقني اياه