منو تعرف تحسب لي التبويض الله يرزقها باللي تتمنى؟؟

[اسرق اللحظات]

السلام عليكم
شلونكم حبيباتي؟؟

اولا انا ماعرف احسب لتبويض بالضبط اللي اعرفه انه يقولون يوم 14 بس ماعرف :eh_s(2):

اللحين الدوره الشهر اللي طاف جاتني تاريخ21/5
وهالشهر جاتني تاريخ 23/6
اللحين ابي اعرف هل دورتي منتظمه والا شنو لانها تاخرت يومين وهل اذا تاخرت يمكن يصير حمل بهالاشهر لاني اعالج وابي الحمال

اللحين اللي تعرف تحسب لي ايام تبويض تقولي الله يرزقها ويوفقها انشاءالله

ودعواتكم احمل هالشهر والله يرزق كل محرومه

 

[فرفشه منعنشه]

حبيبتي دورتج منتظمة كل 28 يوم
يعني تبويضج باليوم 14 او 15 حسب حجمها عند هالايام اما تنفجر ب14 او 15 نادر ماتتنفجرباليوم 16 من الدورة ويتسمى تبويض متأخر فتبدين بالجماع من اليوم وباجر واللي بعده والافضل اللي بعده يعني من اليوم لاربعه ايام هذي ايام الممتازه عندج للحمل ويارب يرزقج باللي تتمنين
​

 

[!..القبله..!]

شلون تحسبينها ابي اعرف فترة التبويض عندي

 

[اسرق اللحظات]

يعني شنو مافهمت قصدج اي يوم ابدا

قصدج يوم16 او من اليوم هذا ابدا ياليت توضحين اكثر

 

[اسرق اللحظات]

؟؟؟؟؟؟؟؟؟؟؟؟؟؟؟؟؟

 

[ليمونة وزيتونه]

١٦ يوم من دوره

 

[*-*Lo0o0Raaa*-*]

في برنامج بالايفون

نكتبين متا اخر مره يتلج والدوره ومتا راح اتييلج
وايام الخصوبه

حلو علمتني عنه رفيجتي بس للامانه منزلته بس ماجربته لظروف خاصه فيني


اسمه للنساء فقط بالعربي يمكن ينفعكم بنات

 

[نسيم الأمل]

هذا البرنامج لدى بيبي سنتر من خلاله بإمكانك إحتساب يوم الإباضة .

احتساب أيام الإباضة

 

[laymona]

ماشاء الله اشوفها زينه و منتظمه و التبويض عندج بعد 16 يوم من اول يوم دوره

 

[اسرق اللحظات]

مشكورين فديتكم

 

[Katkoota85]

بعطيج طريقه مضمونه بإذن ربي ولا اسهل من كددده 
شوفي حبي تحسبين طول مدة دورتج وتنقصينها من ١٤ ..!
يعني تشوفين دورتج اتييلج كل جم يوم وتنقصينها من ١٤ ..
مثال توضيحي آخر 
مثلاً دورتج يتلج بتاريخ ١/١ وتستمر معاج لي ٢/١ اهني يكون طول مدة دورتج ٣٠ يوم
وعشان نحسب ننقص طول الدوره من ١٤
٣٠ - ١٤ = ١٦
اهني يكون تبويضج باليوم ١٦ من الدوره..
يعني اول يوم دوره تحسبينه انه اليوم الاول وتعدين الايام لين توصلين لي ١٦ يوم من اول يوم دوره .. اهني يكون يوم التبويض ..
وعشان تزيد الفرص بإذن الله تحاولون قبل بيوم وبيوم التبويض وبعده بيوم
والله يرزقج يارب*

 

[Katkoota85]

اتمنى انج فهمتيني وماضيعتج بالشرح 

 

[اسرق اللحظات]

لا مفهوووم ومشكووره حبيبتي

 

[((غلاي))]

دورتج منتظمه عادي لمن تتاخر يوم او يومين
المهم انتي حسبي من اول يوم بالدوره15 يوم يكون هذا و بعده4 ايام
الله يرزقج يارب

 

[Katkoota85]

الله يرزقج بالحمل السليم ان شاءالله

 

[بحرينيه كوول21]

الله يرزقج ويرزقنا ياارب