منو تعرف بورتو مارينا بمصر او منو زارتها ؟؟؟؟؟؟؟؟؟؟؟؟؟؟

[بنات حواء2]

قوه حبايبي اشلونكم
انا وحده دايمن مصر و ودي هلمره اغير شفت على قوقل مننتتجع سياحي اسم بورتو مارينا و شكله حده واوا ودي انزل لكم الصور بس مستعيله راح تينون عليه يخليج تحسين انج في البندقيه و ايطاليا و حتى المباني تيين الوان مثل الحلاو اصلن و لا كأ،ج بمصر بس حبيت ايمع الي راحوا و عندهم تجربه بهلمكان و ينصحونه بنصايحهم ياريت تفيدوني مشتهيه اغير
و يعطيكم الف عافيه

 

[فساتين فخمه]

اول مره اسمع فيه

 

[بنات حواء2]

فساتين فخمه
و الله انه صورها موجوده على جوجل عفيه شوفوها وايد روعه تهبل
انا كل ما اقول حق احد يقولي اول مره اسمع فيها
بس هذي بتصك على شرم الشيخ وايد روعه

 

[بنات حواء2]

بنات وينكم
ترىالمكان هذا وايد حلو و يننن

 

[آيه ابراهيم]

قعدت بالفندق

كان حلو

والشاطئ ماله نظيف وهادي

الغرف نظيفه ومرتبه ويديده

بوفيه الريوق راقي ويشوق

فيه سينما وسوق ومطاعم حته صيدليه فيه

يعني احنه من دشينا ماطلعنا منه ولا احتجنا

حته يوم ريلي تعب يانا دكتورهم

وصج ماجنج بمصر

الفندق هذا النقيض لمصر

والقعده على البحر اتهبل بالليل

كنا كل يوم ناخذ طراد ونفتر بالبحر

فيه نشاطات وونيس

بس على فكره المره الاولى رحته بنص شهر سته استانست واااااااااااااايد

المره الثانيه كان بشهر ثمانيه

كان غلقه

لان الناس ألي مو ساكنه فيه كانت اتيي تسهر فيه برسم دخول 10 جنيه

عيالهم يراكضون وهلاقه وماتلقين مكان تقعدين فيه وصراخ

شكرا ولي عوده​

 

[عالمة_جيولوجيا]

شوقتنا نعرف اكثر اخاف تتكلمون عن بورت غالب؟؟

 

[بنات حواء2]

آية ابراهيم مشكوره بعد عمري ماقصرتي ريحتيني و اذا في اي استفسار ترى بأذيج على الخاص
هههههههههههههههههه
عالمه لا حبيبتي بورت غالب غير و هذا غير دشي سوي سيرج على قوقل و شوفي اصلن الجو و لا كأنه مصر جنج بايطاليا

 

[بنات حواء2]

حبيبتي اية ابراهيم
انتي من وين رحتيلها من القاهره و لا من الاسكندريه و شكثر خذى وقت ؟؟؟؟؟؟؟؟؟
و سور اذيتج

 

[مســـــافره]

اعرف وحده رايحتله وتمدخه وااااااااايد تقول جنج بدوله اوربيه راقي ونظيف وحلوووو

 

[بنات حواء2]

هلا و الله مسافره
صاجه انا شفت الثور وايد روعه
و المكان يديد يعني بعده مو وايد ناس دالينه
انا بخاطري اروحلها قبل لا يكتشفونها و تصير زحمه

 

[السفيرة عزيزه]

انا رحت له زياره يوم واحد تقريبا ساعه او ساعه ونص من اسكندريه بس الحين مو وقت سباحه برد وآنا براي كافي عليه ليله ولا ليلتين بالكثير ترى وايد صغير مو مثل الصور انا تفاجأت بحجمه تدورينه كله بساعه وأحلى شي تتغدين في حلقة السمك ولو إني ما آكل سي فود بس المكان والقعده فيه حلوه والناس أذواق آنا حسيت ان تو الناس عليه وبعيد عن الدينه ما راح تقدرين تنزلين في اي وقت من جذي تباتين فيه ليله ولا روحي له من الصبح بعد الريوق وتمشوا فيه وتغدوا ورجعوا الاسكندريه ولج حرية الإختيار

 

[بنات حواء2]

السفيره عزيزه
مشكوره بعد عمر على النصيحه
انا ناويه اقعد فيه ليلتين بس و برد القاهره
انشاله على شهر سته بروحله يكون الجو زين

 

[السفيرة عزيزه]

اي بشهر سته ممكن سباحه وسهر الجو زين بس اهو اقرب حق اسكندريه يعني بيصير من القاهرة تقريبا 4 ساعات فنصيحتي ان تنزلين اسكندريه ليلتين وتروحين ليله بورت غالب او مثل ما قلت لج من الصبح وتردين اسكندريه تباتون وتروحون في القطار القاهره جذي أريح لكم

 

[بنات حواء2]

بعد عمري السفيره و الله انج ماقصرتي مشكوره يابعد عمري اخدمدج بالافراحح يارب
بس عندي استفسار عن الاسعار
اسعار الغرف ماعندج فكره عنهم ؟؟

 

[السفيرة عزيزه]

لا والله للأسف ما أقدر أفيدج بالأسعار احنا خذينا تذاكر دخول تغدينا وتمشينا فيه بس ما سكنا

شوفي هذا التقرير من منتدى العرب المسافرون يفيدج http://travel.maktoob.com/vb/travel143720/

 

[بنات حواء2]

السفيره عزيزه و الله ما ادري اشلون اشكرج
مشكوره يابعد عمري ماقصرتي و انشاله لكم مني وعد بعد ما ارجع احلى تقرير و بصور
و يعطيج الف عافيه

 

[السفيرة عزيزه]

إن شاء الله تروحين وترجعين للديره بألف سلامه واتمنى لكم وقت ممتع وناطرين تقريرج يا أم زنوب