منو تعرف بالبيض المفيووح

[ضايعه بهدنيا]

هااي شخباركم

بنات انا مسويه رجيم بيض مفيووح

صارلي جم سبوع على هل الحال بس احس بطني خلاص ماقام يعتبر البيض اكل كله نفس الشي اليووع ذابحني

منو تعرف طريقه غير الي نسويها بالبيض المفيوح انا اقشرها واحط عليها ملح واكل وياها زيتون

ابي طريقه غير شنواقدر اضيف عليها

في بنات قالولي حطي عليها فلفل اسود وناس قالو سلطه

ابي شي غير عفيه الي تعرف تقولي

 

[خضيرة]

حطى عليها زيت وزعتر

 

[جارة القمر]

سلطة



أو زيت زيتون وفلفل أسود يطلع عجيييييييييييييييييييب

 

[انا البطه البلديه]

هلا اختي والله فيه كذا طريقه عندج البيض المفيوح مه السلطه واااااااايد حلو ولذيذ وفيه عندج قوارب البيض المسلوق انج بعد فوح البيض تقصين البيضه بالنص (بالطول ) وتطلعين الصفار مالها وتخلطينه مع مايونيز وخردل او مع جبن قلاص تحطينه مع بطاط مسلوق وتردينه مره ثانيه داخل البيضه بقمع التزيين
وفيه ناس يقلون البيضه بالزيت بعد الفوح بس انا للامانه مو مجربتها
وتقدرين بعد فوح البيضه تغلفينها باللحم المفروم وتقلينها
ممكن تحطينها داخل توست مه خيار وبالشوايه
وبس هذي الافكار اللي عندي (من خلال ما ادرسه لاني معلمة اقتصاد منزلي)

 

[MISS^^CHANEL]

بالسلطه مع فلفل اخضر وخيار وخس وطماط

قطعيه صغير مع جبن ابيض وطماط ( تشبع )

جربي البيض مع صلصات السلطه ( فرنش - بلو تشيز- سيزر...الخ)

انا اقولج طريقه حلووووه بس مو حق طعم حق شكل عقب ماتفوحينها طلعيها طقيها بالقفشه بس مو تقشرينها لا خل تطرر بس
وردي حطيها بالجاي او جاي كركديه او قلاصين ماي فيهم نققققققققققطه صبغ وخليها تغلي دقيقه وطلعيها بتلاقين لما تقشرينها صارت جنها رخام


وفي بعد المقلا حطي فيها ماي ونص قفشه خل وخل يتشتش الماي
كسري البيضه جنها بالزيت راح تشوفينها شلون تصير حطي فلفل وملح واذا تبين بصل اخضر

 

[شندوخه]

انا ادهن الخبزه بجبن قلاص او فيلادلفيا او كيري
وفي باديه قصي البيض وقصي عليه طماط وشويه زيتون ورشه زعتر وكتشب الماجي الفلفل وحشيها بالخبزه لذيذه مع الجاي

 

[ضايعه بهدنيا]

عجيبه وصفاتكم يوعتوووني

مشكورني بنات ما قصرتو

 

[جارة القمر]

العفو

وبالعافييييييييييييييييييية