منو تعرف اسرار الصينين صحه ومعمرين

[ام عبدالله2006]

لا امراض واكل صحي شنوو اسرارهم؟؟؟؟؟؟؟؟؟

ابي تكتبون كل شي عنهم

اكلهم ؟؟
اعشابهم ووين القاها افضل مكان بالكويت؟؟ وين تنباع

احسن اماكن للعلاج بالطب الصيني؟
واحسن مكان للمساج؟


ابي مواقع صينيه عن اكلهم وحياتهم وكل شي عنهم ؟؟؟


ومشكوررررين
بنتظاااار ردكم ضروووري

 

[ام عبدالله2006]

منو جرب الابر الصينيه
للبشره والجسم صج لها مفعول ولا كلااام بس
ووين جربتها بالكويت ويابت نتيجه؟؟

 

[ام عبدالله2006]

هذا بعض الاسرار الي لقيتهااا بالنت وعندي بعد بس احب تشاركوني بالاسرار الي تعرفونهااا
اعطيكم اسرااار عجيبه يالله فيدوني وافيدكم




تبي تعرفن وش هالسر ...الماء الدافيء المائل للحراره الصينيات اربع وعشرين ساعه يشربن مويه دافيه حتى انهم يقدمونها لضيوفهم مثل ماحنا نقدم القهوه هم يقدمون كوب فيه مويه حاره...يعني الصينيين عامه مايشربون الماء الا دافيء مايحبون البارد ولما سألت مدرستي اللي تدرسني لغه صينيه وهي طبعا صينيه قلت لها وش سر شربكم للمويه الحاره قالتي فوائد كثيره واهمها انه يذوب الشحوم ..وقالت لي بعد معلومه جدا مفيدة للبشرة والجسم ..وهو ان الصينيات قبل ماينامن يشربن كوب ماء دافيء مذاب فيه ملعقة عسل طبيعي تقول هذا مرررره مفيد للبشرة ..عاد هي ماشاء الله عليها جسم رشيق ومشدود وجهها مليان وبشرتها تهبل كأنها بشرة طفل تقول لازم يوميا قبل لانام اشرب مويه دافيه وعسل ...
فعلا بنات لاحظت ان الصينين اربع وعشرين ساعة ياكلون

مايحبون شيء اسمه جوع لكن الاكل مايسمنهم لانهم مهتمين بالرياضه والمشي

شرب المويه الدافيه والشاي الاخضر











.بالنسبه لاكلهم هم فعلا مايكلون الا المفيد واللي مساعدهم ان الفواكة والخضروات متواجدة عندهم بكل مكان ..يعني في كل زاوية تلقين عربية فواكة حتى عند الاشارات وفي البقالات حتى البقالات الصغيره ..يعني انا واولادي ندخل البقالة ونشتري شوكولاته ولا بطاطس واشياء ماهي مفيدة ..لكن هم تلاقينهم يشترون تفاح او اناناس او فراولة وياكلونها وهم يمشون بالشارع عاد الفواكه عندهم تجنن حتى شكلها والوانها غير اللي عندنا ...لكن سبحان الله بجانب هالاشياء المفيدة يأكلون اعزكم الله الصراصير ويفضلونها مشويه ومرصوصه على اعواد خشب ..وياكلون بعد الديدان ونشوفها بالسوبر ماركت باكياس مضغوطه مسحوب منها الهواءعشان ماتخرب مثل اكياس التمر عندنا ..وطبعا أعزالله السامعين اللحم المفضل عندهم هو لحم الخنزير ..وياكلون اشياء واشياء ماتتخيلونها مابي الوع كبودكم اكثر ..لكن فعلا الصينين شعب غريب وتحسون انهم عالم اخر ...بس تدرون ان الماء الدافيء والشاي الاخضر يحرق هالسموم اللي ياكلونه..والاخت اللي تسال عن صفاء بشرتهم ..اولا طبيعتهم كذا بالاظافة الى انهم يعتنون فيها بشكل خيال ولا يحبون السهرلان السهر يدمرالبشرة ولازم قبل النوم الصينيات يستخدمن قناع للوجه يوميا يعني اي قناع يناسب البشره لمدة ربع ساعه بعدين يغسلنه ويحطن كريم مرطب ..وعندهم مساج الوجه ضروري مرتين بالاسبوع ..عاد مايحتاج يموتون على المساج ..وان شاء الله بستغل تواجدي بالصين وأسأل عن كل شيء وانقله لكم على شان الكل يستفيد خاصة بالاشياء اللي تخص الجمال والرشاقة .

 

[يحبنى الله *]

يا أم عبد الله أخاف انا اعرفك ههههه
وأخاف فى صلة تواصل تونى من امس كتبت عن الصينية أسأل عنها

أب لموضوعك الحلو نفسك

 

[يحبنى الله *]

up up up

 

[قطوة@@]

نبي نعرف بعد

 

[يحبنى الله *]

للرفع محد شاف الصين

 

[غـلآوي ّ ~]

للمساج أعرف وحده صـينيه اللي تـسوي مساج علاجـي وترديـد

66137303

 

[brat]

عاد معاي بالجامعة خاصة اللي نفس تخصصي ثلاث أرباعهم صينيين

وصج كلهم معاهم مطارة وفيها ماي دافي ويشربون بكل وقت

ولازم معاهم تفاحة وياكلونها بالكلاس ويزعجونا لوول

وصج يموتون بالأكل، كل سوالفهم عن الأكل

إذا شفت وحدة من الصينيات راح أسألهم

اي وزميلتي تقول لما تشرب أعشاب ما تقطها، لأ، تصب عليها ماي حار جم مرة