منو تعرف أسامي الدكتورات بمستشفى دار الشفاء

[نسيم الأمل]

السلام عليكم ورحمة الله وبركاته

الله يعطيكم الصحة والعافية

أبي أسامي الدكتورات بمستشفى دار الشفاء . إلي تعرفهم تكتبهم لي .

أنا براجع عند الدكتورة زينات لكن أبي أشوف وحدة غيرها أخاف ما أكمل معاها

بمنو تنصحون أي دكتورة ؟ ما أبي دكتور بس دكتورة .

الله يعطيكم الصحة والعافية ويفرح قلوبكم بكل إلي تتمنوه يا رب

 

[الأميرة جوري]

لرفع

 

[جمالي مو صج]

اب اب اب

 

[ملاك ^ الحب]

انا ماعرف الا دكتور حسام استشاري وايد زين انا راجعت وولدت بنتي عنده والحين اراجع عنده

ودكتوره معصومه الرضي ديري بالج تروحين لها يمكن في بنات يرتاحون لها بس انا اكلمج عن نفسي لعبت فيني لعب والله مع ان اخلاقها وايد حلوه ولعبت في خواتي ثنتين وحده وقت الولاده قالتلها ماقدر اولدج بروح انام تعبانه ومادري منو ولد اختي وخياطها اي شي
واختي الثانيه سولت لها عمليه بالرحم اربع مرات يدخلونها العنايه المركزه ومن العنايه على طول العمليات وعادت لها الخياط ثلاث مرات مادري شنو سوت فيها خلتها تنزف وموعارفه شلون توقف النزيف وكل شوي يعيدون الخياط والحين راحت عند معصومه مخصيد سوت لها منظار انصدمت تقول رحمج لاعبين فيه لعب وشادينه حيييييل لي ولا ولاعبين في عنق الرحم واهيا مسويه العمليه من اربع سنوات والله لي الحين رحمها يعورها وماتقدر تمشي من العوار بسدكتوره معصومه مخصيد قالتلها يمكن تسوي لها عمليه مو اكيد

وسامحيني قلتلج قصه طويله

 

[نسيم الأمل]

الله يعطيكم الصحة والعافية

مشكورة عزيزتي الله يعطيج الصحة والعافية

أنا بفكر بالدكتورة معصومة مخصيد وايد إرتحت لها . لكن ما أدري الحين هي ممكن تولد بدار الشفاء إذا طلبتها لو لا ؟

 

[*kim*]

يمدحون دكتوره مي

انا اراجع عند دكتور حسام

 

[أبلة فاتن]

اذكر من سنتين لمن رحت قالي دكتور عندهم مال باطنية بس يوم ما يدرون شنو فيني قالي عن اسم حسام

واذكر حولني على هنديه اسمها اشالاتا شخصو حالتي بس انحشت رحت الهادي ومن الهادي رحت السلام

وسلااااااااااااام مسك الختام هههه

روحي مستشفى رويال حياة احسن بس مادري من فيه دار الشفا مادري شلون زحمه عالفاضي

 

[saronapoop]

دكتوره معصومه الرضى سعوديه و د . مي أردنيه و د. زينات مصريه و د. زينب لبنانيه بس أنا ما سمعت أحد مدحهم بس مي يمدحون وشخصيا ما ارتحت للولاده فيه مزعج !!!!

 

[مزيونه وشقره]

يمدحون دكتوره مي في دار الشفا

 

[Fmzg]

للامانه هالمستشفى تجاري مادري شلون الناس اراجعون عندهم اخر موقف صارلي معاهم قبل اسبوع صار فيني التهاب وعيادة دكتورتي ليلى اشكناني فالليل تسكر رحت دار الشفا قتلهم ابي استشاريه قالولي في زينب لبنانيه استشاريه نطروني قريب الربع ساعه وماكو احد غيري بالمستشفى من باب البرستيج حق الدكتورة المهم انا كنت قايله للرسبشن بس فحص قالتلي ماتبين سونار قتلها لا حنت علي اسوي سونار قتلها مابي وموعاجبها دخلت عند الدكتورة ماتدري وين الله قاطها بس تبي تبيع بضاعه الصيدليه اول شي قالتلي بكتبلج كريم للبطن قتلها مابي عندي تشان تقول فيتامينات قتلها عندي تشان اتقول لازم اتسوين سونار ماتخافين عالياهل قتلها انا فيني التهاب يالله سوي سونار وعقب السونار اكشفت علي قالت التهاب عادي قتلها اكيد قالت ايي قتلها انا الالتهاب الوحيد اللي حاشني في ٢٠٠٨ كان فايروس اكيد هذا موفايروس قالت اكيد واروح الصيدلية واشتري ادويه ب٢٠ دينار والرسبشن خذوا مني ١٠ دنانير ازيادة للسونار ومسحه للمختبر والعلاج ل٣ ايام وبالاخير العلاج زود الالتهاب ويوم رحت لدكتورتي ليلى اشكناني عقب اربع ايام قالتلي الحامل مانعطيها هالادوية وهذا فايروس مو التهاب ماقول غير حسبي الله ونعم الوكيل على هالاشكال اللي يلعبون بصحه البشر

 

[ملاك ^ الحب]

دكاتره الطوارئ ولا واحد ولا وحده فيهم زينين

انا كنت بالرابع وصار فيني طلق دقيت على دكتور حسام وقالي روحي عند هالدكتوره ماذكر اسمها ورحت لها وقالت فيج طلق وعطتني ابره تثبيت وقالت اسبوع ماتتحركين من الفراش بس كنت على اتصال مع الدكتور

وبعد ما ارتحت لها وايد

رحت قبل الاسبوع حق حسام اهو الوحيد احسه فاهم واذا مافيج شي خلاص لو شنو ما يعطيج ادويه الا اذا محتاجتهم فعلا

 

[ضي الدنيا]

دكتوره رضى & زينات & لاكشمي & راجني & زكريا ابو المعاطي & زينب

 

[ام ساره 4]

السهاله من رب العالمين أنا والده فيه دار الشفا والدكتور من المستشفى يهبل رعايه واهتمام ونظافه بالعكس أشوفه أحسن مستشفى

 

[((غلاي))]

في ناس تمدحه و في ناس تذمه

 

[miss_Ba6oOo6a]

الشفا عجيب رعايه معدات متمكنون من اقوا المستشفيات
بس الرياييل اشطر منهم حسام
والحريم تجاربي معاهم فاشله منهم لأجمي لوعه ولدت بالسابع وموعارفه من شنو مالت نائمه علا روحها والي ولدتي معصومه اخس واخس
لا معامله ولا ولاده ولا خياااط شي يفشل لووعه
المعاملين والسسترات قمه وايد شطار وحبوبين مايخلونج
ولاتي الثانيه دكتوري برة خالد حموده بروفيسور أينن موجود بفؤاد كلنك مقابل مجمع النقرة

 

[نوناتي حياتي]

الدكتوره مي زينه

 

[مس عسولة]

كان عندهم د غادة مصرية طول وقت الولادة تقرا علي وتسمي وتهلل بَـßÊـس حسافة طلعت مُ'ٌٓـــَڼْ سنتين

 

[زهور المحبة]

انا دكتورتي من برا
ومروا علي بالطوارئ كذا وحده من بينهم زينات

كرررررهتهااااا زينات بالذات لانها اتخرعج واتحسسج
انج حاله ميئوس منها


انصحج بالمستشفى بس ما انصحج بدكاترتهم الحريم
شوفي لج دكتوره من برا