منو تطلقت وتزوجت بعدها :(

[الود الخالد]

صباااااح الخير يا احلا بنااااات

بقولكم قصتي باختصار

انا تزوجت شهر تسعه اللي طاف وتطلقت شهر 5

وطبعا اللي قعدته عند طليقي اقل من هالمده بس الطلاق ماصار الا شهر 5

بنات ابي اسألكم اللي تزوجت بعد طلاقها مره ثانيه شلون كان وضعها

هل كان زوجها الحالي افضل من طليقها !؟

وجم الفتره بين طلاقها وزواجها الثاني وشنو سلبيات الزواج الثاني والا ماكو سلبيات ؟

انا احس انظلمت

يعني من غير غرور بنات انا جامعيه وجميله وصغيره واصل وفصل واحس صدمه اللي صارلي

غير الحجي اللي طلع عني

بنات انا كارهه الزواج الثاني مادري ليش​

 

[Tantoshah]

خيره حبيبتي .. وإن شاء الله ربي يرزقج ويعوضج بخير بالزوج الصالح في وايد تزوجو مرة ثانية والله عوضهم ويابوا عيال وعاشوا حياة سعيدة المهم انتي تستفيدين من تجربتج الأولى وتحاولي تتفادين الأغلاط اللي توصل هالمواصيل وتفهمين الزوج عدل وانتي بأول عمرك عيشي حياتك واحتسبي الأجر موفقة حبيبتي

 

[fdeet_shosho]

عادي حبيبتى ربي يعوضج باحسن منه ولاتقارنين بينهم
ادعي ربي يرزقج باللى يعوضج عن كل اللى شفتيه
والزواج قسمة ونصيب
فى حريم يتطلقون ووياهم عيال ويتزوجون فما بالج انتى بنت وصغيرة ان شاءالله بيجيج نصيبج لاتخافين
ربي يوفقج

 

[عاشقة هواك]

الله يعوضج حبيبتي

ويرزقج بالزوج الي يعوضج

 

[انا لحبيبي .]

الخيرة فيما اختاره الله ، وهالشي من رب العالمين واكيد خير الك

ولاتفكري بهالطريقه لحتى ما تتعبي ، حطي ببالك انه انتي بين ايدين ربنا وربنا رايدلك الخير بكل خطوه بس انتي أمني بهالشي حبيبتي

وان شاء الله الله يرزقك الزوج الصالح ، مو كل الرجال واحد

 

[om MaRyooM]

حبيبتي كل شي قسمة ونصيب

وماتدرين احيانا العزوبية والله اريح واكرم من العيشة مع واحد مايقدر العشرة


وبخصوص سؤالج انا ااعرف وحدة تزوجت مرتين وامورها ماشية عادي . . بس زوجها الله بالخير كلش مو زين والكل يقولها تطلقي اهي تبيه ومستانسة

والغلط انهم من البداية اهلها زوجوها الثاني من غير لايسالون عنه كلش .. مع ان سمعته زفت مثل ويهه الله يستر عليه


ووحدة ثانية من الاهل تزوج جم شهر وحملت يابت ياهل وبعدين تزوجت واحد ثاني والكل يمدحه وقاعد يربي ولدها جنه ولده ..


يختلف من شخص لي شخص

والواحد اهم شي يكون ايمانه بالله قوي
ومو كل الرياييل نفس الشي

 

[Kocheko]

هاى كل نصيييييب :eh_s(8):
فى ناس تتزوج وتطلق تتزوج وتطلق
وفى ناس تتطلق وماعاد تتزوج :eh_s(17):
وفى ناس تطلق وتتزوج واحد احسن منه :eh_s(15):
يعنى كل شى بيد رب العالمين يمكن ما كان من نصيبج ياما بنات حلوات واخلاق ما تزوجوا بالمره

مالج الا الدعاء:yaaaaaarb:
والله يرزقج باللى احسن منه ما تدرين وين نصيبج

 

[!الجادل الصعب!]

الطلاق مو نهاية الدنيا ..،
رايي انشغلي بدراستج وحياتج
وانسي الي صار ..،
اعتبريه بلاء وربي يختبر قدرتج
او اعتبريها تجربة سيئه تطلعين
منهآ اقوى وآحسن ..،
قولي الحمدلله ما حملتي منه بولد
يربطج فيه طول العمر وانتي ماتبينه

 

[أعشقه]

عادي ياقلبي ترى كل شي نصيب من الله
يعني انتي لو تدرين بيصير لك كذا يمكن ماتوافقين ع الزواج من الاساس
ربي مقدر ومكتوب ويمكن هالشي هو الخير لك
انا حماتي تزوجت مرتين وتطلقت والحين ماتبي تتزوج بالمره
شوفي الغلط فيك وين فيه .. وحاولي تصحلين الي فيك والباقي ع ربك ..
ومو شرط الي يصير مع غيرك يصير معك
في وحده والله اعرفها جلست عند زوجها يمكن 7 سنوات وكله طق فيها وراها نجوم الظهر
وطلع فيها كل شي مهوب زين وقال انها ماتجيب عيال وكلام والله ماتتوقعينه
واخر شي تطلقت منه وتزوجت واحد ثاني بعد سنه تقريبا والله شالها وعزها ومحترمها ويحبها وقايم فيهاا
وحملت وجابت ولد والحين تو والد جابت بنت وزوجها ماتقول تبي تسافر الا السفره جاهزه
يمكن نصيبك الاولي مايكون زين معك والثاني يكون افضل
بس مو معناها انك ماتوفقتي تقومين توقفين حياتك كلها بسبب تجربه وحده

 

[engnera]

ربي يعوضج باحسن منه

 

[LoLaTi]

غالبا يكون الزواج الثاني افضل من الاول

 

[bsk0ta]

الله يعوضج يارب باللي يستاهلج

 

[Tom ♥ Jerry]

.،


يا قلببببببي !
الله يعوضج و خيره سبحآن الله كل شي خيره من الله !
باجر آن شاء الله الله يعوضج بذآك الريال الي يحطج على راسه !
لا تحآتين وآيد و لا تفكرين بالموضوع وآيد .،
عيشي يومج و بس .،
و النصيب من عند الله ايي .، لا تشغلين نفسج و توسوسين .،
فكري بـ يومج و بس (=
وآدعي الله سميع الدعاء !

الله يعوضج حبيبتي .،

 

[manoooona]

الله يعوضك باللي احسن انا اعرف وحده خطبها واحد من اهلهم وارفضت وتزوجت واحد ثاني وحملت راح زوجها طلقها وتزوج من اهله والبنت اللي جابتها مايسال عنها ولا يصرف عليها وجلست تقريبا 3 سنوات تقدم لها الاول اللي خطبها ووافقت وتزوجته وهاذا هي مبسوطه وبنتها كانها بنته :eh_s(17):
وقصص كثير الواحد ماعليه الا يوكل امره لربه ويحسن الظن

 

[.،:"$الـعـوبــــة$":،.]

أنا ،،

وبالعكس احس هالتجربه زادتني قوة ،،

والحمدالله ربي عطاني على نياتي ،،

وعادي ،،

لاتقهرين نفسك ولاتعيشين مذلوله ومكسورة !

الطلاق مو عيب ولاحرام ،

نصيب وقدر وخيره باذن الله ،:eh_s(7):​

 

[جولينار]

عادي حبيبتي الطلاق مو نهاية العالم


اهم لا تتسرعين في قرارك بالزواج الثاني


واعرفي ان كل اللي صار لك مكتوب


وهالشي بيزيد ايمانكـ

لو زواجك فيه خيرة لك في دينك ودنياك كان تم هالزواج

لكن من رحمة ربي فيك فصلكم عن بعض


عيشي حياتك وخذي وقتك

واستفيدي من اخطائك السابقة


وربي ييسر لك الخير يارب

 

[om-s3oodi]

حبيبتي كل شي بيد رب العالمين ..

عليج بالاستغفار و الدعاء .. وربي بيعوضج إن شاء الله ..

 

[الزين 85]

كل شي نصيب بالدنياا والطلاق لا قصور منج ولامنه

واذا على كلام الناااااااااااااااااااس قطيه ورا ظهرج ولاتذمين فيه ولايذم فيج قولي قدر الله وماشاء فعل واارادة الله فوق كل شي اهتمي بنفسج وبدارستج او وظيفتجججججججججججججججججججججججججججججج وبس

 

[طموحه بزياده]

@@@



من اسماءه الكريم



يعطي زوج ثاني وثالث


لا تحاتين اعرف شكثر مطلقات وهم صغار على 21 و22 واتزوجو وهم واهما صغار



لا تفكرين بالمستقبل عيشي يومج وادعي ربج



@@@

 

[last-moon]

وعليكم السلام ورحمة الله وبركاتة

اي اعرف وحدة
تزوجت شهر 5 اللي طاف وتمت عندة 7شهور بس الله وكيلج كلها في بيت ابوها يعني عند ريلها يوم وباقي الايام في بيت ابوها
وتطلقت وطليقها بهدلها ويننها حسبي يالله علية
الله ينتقم منة (( قولوا امييييييييييين ))

وعقب العدة بشهر تزوجت واحد اينن واصل وفصل وفلوس وغني وبيت وسيارة ومعاش وسفرات وكل شي مسوي لها والحين حامل والله يثبت اللي في بطنها ويقومها بسلامة ويهون الطلق عليها

ويموووووووووووووووووووووووووت عليها مع العلم ما كانت تبي تطلق لي اخر لحظة وكانت تقرة سرة البقرة كل يووم لي مدة 40 ليلة والله وفقها على حسن نيتها​