منو تساعدني ابي ابيع بيتي واشتري ثاني

[النية الصافية]

السلام عليكم بنات
يريت القي عندكم حل لمشكلتي ابي ابيع بيتي واشتري ثاني لانه مشاع وانا ما ابيه وبعدين قديم بس جم ابيعه والبيوت اسعرها مرتفعة وغالية نار احترت ابيع والا لأ

 

[xxx]

مشاركة: منو تساعدني ابي ابيع بيتي واشتري ثاني

أول شي ينقل الموضوع للقسم المختص

وين بيتج ؟

حطي بالسوق وشوفي جم اييب ،، واذا السعر مناسب بيعيه

بس سألي عن البيوت بالمناطق الي تبينها

 

[al-3azeza]

مشاركة: منو تساعدني ابي ابيع بيتي واشتري ثاني

حبيبتي يختلف على حسب المنطقه والمساحه انا ابوي عنده مكتب قوليلي مواصفاته واساله جم يسوى علشان محد يقص عليج

 

[xxx]

مشاركة: منو تساعدني ابي ابيع بيتي واشتري ثاني

أم حمني ياليت تسألين الوالد اذا في بيوت في بيان الحكومه

والاسعار ؟

 

[ايفيان]

مشاركة: منو تساعدني ابي ابيع بيتي واشتري ثاني

اختي النيه الصافيه

الله يوفقك وتلقين البيت المناسب بس ضمني البيت اليديد أول وكم سعره وبعدين توكلي على الله

وبالتوفيق

 

[bnt q8 in usa]

مشاركة: منو تساعدني ابي ابيع بيتي واشتري ثاني

الله يوفقج بس يعتمد بيتج باي منطقه ؟

 

[النية الصافية]

مشاركة: منو تساعدني ابي ابيع بيتي واشتري ثاني

بيتي بمنطقة الجابرية وعاجبني بس خايفة من المستقبل لانه مشاع اخاف اسنع وارمم وابني وبعدين ينباع وتروح علي فلوس الترميم والبيت

 

[bnt q8 in usa]

مشاركة: منو تساعدني ابي ابيع بيتي واشتري ثاني

عاد الجابريه حرام تفرطين فيه

 

[النية الصافية]

مشاركة: منو تساعدني ابي ابيع بيتي واشتري ثاني

اشرايج ما ابيعة وارممه واسكن فيه بس المشكلة مو بالمنطقة ولا البيت المشكلة بالورقه مشاع بين اخوان وان ببييع واحد لازم الثاني
انا ما احب يرتبط مصير البيت مع احد لان لو فرضنا واحد من الاثنيين ببييع لازم الثاني يببيع والحين محد يبي يبيع بس خايفة اروح واحط علي ظهرنا قرض ترمييم واثاث واسكن وبعد فترة ينباع وجذيه لا من فلوسنا ولا البيت لان الترميم يكلف اكثر