منو بودي عياله الثلاثه والاربعاء؟؟؟؟؟؟؟

[نور الفنر]

بنات ... شكله اليوم الي اهو الاحد قليل الي داومو ...

ف اشلون على الوضع يوم الثلاثاء والاربعاء ... يداومون ولا اغييبهم ... صراحه السالفه عااايمه ...

انا قلت اشوف الوضع منكم ...وانا اعيالي ابتدائي ....ويقولون ان عندهم امتحانات بس بدون جداول ..

وما ادري بشنو؟؟؟!!! يعني صراحه لاتعليييييق...

.... انطر ردووووودكم .. على اساسها اشوف

 

[أم حمودي]

أنا بودي اعيالي الثلاثاء والأربعاء
أكيد في دراسة

 

[الدلال]

انا وديت ولدي اليووم وعطووه امتحان اجتماعيات وطرشووا ورقة الامتحان معاه واهي مصلحه يعني دليل ان اليووم افيه امتحان لووول

والثلاثا امتحان علووم

والاربعا املاء اختباري

ومعطيناا جداول قبلها

 

[F.A]

لا ما أبى أمصخها وأعلمهم عالكسل
ان شاء الله يداومون

 

[كـلا كـلا]

اليوم وايد غابو

بس الثلاثاء والاربعا اتوقع عادي يداومون

 

[زهراء]

لا أكيد بيروحون ليش يقعدون

 

[طوايف زوجها]

يداومون انشاءاللة

 

[MISS88]

آنا اليوم غيبته
بس الثلاثاء والأربعاء بوديه إنشالله

 

[أغلى حبيبه]

|اي اكيد بداومون

بسهم غياب

 

[(كويتيه عسل)]

اليوم الابلات درسو وانا عطيتهم مواعيد الامتحانات القصيره

انشالله يوم الاحد الياي عندهم امتحان قصير

اليوم في صفوفي عدد اللي غايبين 8 -9

 

[السنعة2]

لا للغياب
ان شاء الله دوام

 

[فيونكا فوشيهـ]

الثلاثا و الاربعا اللي عندهم امتحانات بيداومون و بعضهم بيطلعون على حسب الاهل اذا قدرو يطلعون عيالهم و اللي مايقدر شيسوي يكمل
و اللي ماعنده امتحان راح يغيب
لأن الثانويه كان عندهم امتحان اليوم و الثلاثا والاربعا ماكو شي فيغيبون
و المتوسط راح يصير امتحانات الفتره الثالثه الثلاثا و الاربعا و الاحد
و الابتدائي مادري عنهم بس ماعطوهم امتحانات الاسبوع اللي طاف مادري جان عطوهم اليوم يعني حق الثلاثا و الاربعا ..

 

[lolo77]

اليوم غيبتهم


بس الثلاثا والاربعا راح اوديهم

 

[on line]

مادري وحده من اهلنا مدرسه وقالتلي غيبوهم وقالت هالامتحان تجريبيه بس وقالت مافي مدرسه تعطي امتحانات اذا نص الفصل مومداوم

وللحين متردده اغيبه ولا ؟؟

 

[جولي لولي]

لا يابابا

انسي اغيب ولدي شكووو يقعد بالبيت

يروح المدرسه احسن

 

[um hamed]

ان شالله بيداومون
انا اليووم غيبتهم بس احس مدارسهم كاانت صخه
نبي مدرسه تعطينا الاكيد

 

[alotroja]

لا حبيبتي بيداومون

 

[أمانيQ8]

واي سبحان الله اليوم نجره انا وبناتي اقولهم ماكو غياب يقولون..شنو الكل بيغيب نروح نقعد مع الينانوه

 

[cramila]

اي بخلي بنتي اداوم عشان ماتبط جبدي بعدين على ادناة عطلة بتغيب قبلها وعقبها

 

[نور الفنر]

خلاص دام شذي بودي اعيالي .... شسوي لاني ما احب الايام الي ما فيها دراسه اما يتعلمون على الشطانه ولا الحركات الماصخه...

بجرب اوديهم الثلاثه .... ةاشوف الوضع الاربعا...

مشكورين على الردود