منو اولدة بالسيف ضروري

[Poison_Girl]

سلام ينات اليوم رحت اشوف السيف وامس رحت الواساة... الصراحه انصدمت من الفرق السيف وايد احلا واشرح ونظيق استغفرالله المواساة قديم منستهلك معنا مكتوب المواساة الجديد
وانا ما ابي غرفة اكبيره ان بسوي اسقبال بالبيت
فقررت اني اولد بالسيف بس منو ولدة واشلون السسترات وكلشي......

 

[ام عفاف الكويت]

ماتعرفين جم اسعار الغرف قيصريه بالسيف
ودي اخذ فكره عنه وعيزانه
وشرايج فيه يشرح الصدر للولاده يعني راقي ومريح مو لويه

 

[Poison_Girl]

اي عندي الاسعار ماشاء الله المكان يهبل وروعه اذا رحتي على طول راح يعجبج المكان.. انا حبيت المكان

انتي مع دكتورتج ولا بره؟

الاسعار مع دكاترت السيف( قيصرية):

standard class A: 1,200
class b: 1,040
vip: class A: 1,840
class b: 1,640
vvip class A: 2,640
class b: 2,2440
royal class A: 5,440
class b: 4,240

دكاترة من بره (قيصرية):
Standard class A: 965
class b: 785
vip class A: 1,585
class b: 1,385
vvip class A: 2,385
class b: 2,185
royal class A: 5,185
class b: 3,985

 

[Poison_Girl]

شدعو بنات محد اولدت بالسيف؟

 

[ScarletteO'Hara]

ما ولدت عندهم بس هاليومين ان شاء الله و لادتي و راح تكون عندهم ان شاء الله
و السنة الي فاتت اختي ولدت عندهم و ناوية اهي بعد السنة تكون عندهم
الدكاترة هناك ممتازين
انا اراجع عند الدكتورة روبينا تهبل و بالها طويل كافي كله مبتسمة و هادية
و جربتها بالفحص الاسبوع الي طاف ما عورتني ذاك الزود
الله يسهل ولادتي معاها
و اختي تراجع عند الدكتورة نادين وايد تمدحها من ناحية المراجعات و الخياط
صبرت على اختي و اهي تطلق 14 ساعة و لا ولدتها قيصري
و السسترات زينين
و مثل ما شفتي غرفهم شرحة و المكان مو لوية مثل المستشفيالت الثانية
و لو ان زباينه و مراجعينه قاعدين يزيدون من فترة لفترة بس هم مو زحمة
انصحج فيه و هذا عن تجربة

 

[Poison_Girl]

مشكوره حبيبتي الله يسهل علينا وانشاء تولدين بالسلامة... طمنتيني

 

[jawaa]

انا ولدت هناك شهر واحد عند دكتور جعفر وايد مريح ونفسه حلوه وصبور والمكان والخدمه تينن مباشرينج اول باول وابرة الظهر اتينن وايد ارتحت توكلي على الله والله يسهل عليكم

 

[Poison_Girl]

انا ولدت هناك شهر واحد عند دكتور جعفر وايد مريح ونفسه حلوه وصبور والمكان والخدمه تينن مباشرينج اول باول وابرة الظهر اتينن وايد ارتحت توكلي على الله والله يسهل عليكم

صج الحمدلله..... مشكوره حبيبتي الله يسهل انشاءالله

 

["النووور"]

ان شاءالله انا بعد أولد فيه وانا الحين بشهري
ومثل ماقالوا البنات المستشفى نظيف وحلو والسسترات يهبلون
بس بصراحه من ناحية الغرف رايي يختلف عن البنات
صج الغرف حلوين حيييل والفيو اللي عالبحر موطبيعي بس موشرحين توقعتهم أوسع من جذي
عندج الغرف اللي يكونون فيو كامل عالبحر اهم أغلى شي الفيو موطبيعي بس يايين بالطول شوي ضيجين
واللي أرخص منهم كلاس بي عندي أحلى منهم لأنهم شوي أشرح الغرفه تيي مربعه تقريبا وفيها دواعيس

مادري هذا رايي يعني ان شاءالله بولد هناك بس توقعت الغرف أشرح من جذي
يمكن البنات اللي امدحوا الغرف وايد شافوهم بس بالنهار
ماشافوهم بليل لأن بليل البحر مايبين وتبين الغرفه ضيجه وموشرحه

 

[نور القمر 14]

اب
اب
اب

 

[Om MoD]

السلام..​

عزيزتي أنا توني والدة عندهم وبصراحة ما زال مستشفى يديد ويحتاج وقت..أنا ما احب اذم مكان بس تخيلي عيزت وانا أطلب دكتورتي واللي إهي روبينا ولا شفت ويهها ..
ولا دقوا على زوجي يقولون له ترى الدكتورة لما يت زوجتك كانت تعبانة واحتمال ما شافتها
بصراحة تضايقت وايد من الحركة المفروض تيي تكلمني وتطمني ...
والسستر وايد تتكلم وتسألني وأنا حدي تعبانة ولا تخيلي ينطروني لما أدوخ ويقولون لي تبين مسكن ..كل شوي ييعيدون علي نفس الكلام واقولهم ما أبي ما أبي ...
وحتى أول ما وصلنا باب الطواري مسكر ولا أكو أحد اييب الويل جير ( الكرسي المتحرك ) ..
وصج الغرف شرحه وحلوه وإذا تبين بالضبط رقم الغرف المرتبة ( 1501و1509 )هذول vip ..
أمبيه وما أبي اقولج انه اول غرفة قعدت فيها الباب الناس غذا بدشون يتهاوشون معاه ولا بالليل أنام وبالباب ما يتسكر ( خربان ) يوم ثاني حاولوا يصلحونه ما قدروا ..عاد زوجي قالهم يا تغيرون الغرفة أو تصلحونه ...غيروا لي الغرفة عاد الحمد الله ...وبالغرفة الثانية تخيلي وحده من اللي زايريني تكرمين دشت الحمام وانقفل عليها ( الصراحة لا تعليق ) ..​

والله يسهل عليج ..​

هذي تجربتي وإن شالله تجاربكم أفضل ..​

بالنسبة لي كتجارب سابقة ومقارنة بين المستشفيات أفضل ( السلام الدولي -دار الشفا )​

 

[فرح79]

اسعار الولاده الطبيعه ما احد يعرفها بمستشفى السيف

 

[HaYoOoMa]

انا ولدت فيه قبل سنه
ولدت عند روبينا المستشفى شرح ويهبببببل وماعليه كلام والغرف مريييييييحه حييل وهدووووووووء

وولدت عند روبينا تهبببببببببل دشت علي 3 مرات
وخياطها يهبببببببل

وخذيت غرفه ستاندر بي وكلفتني الولاده 1400


وانشاله ناويه اذا حملت والله كتب اولد عندهم بعد


وموفقين

 

[انجبر قلبي]

روبينا الكل يمدحها بس المشكله عليها زحمة مو طبيعيه فـ عادي تصير هالمواقف اللي ما اتيي والا مادري شنو عشان جذي رحت عند دكتورة نادين لان كنت خايفه من الازدحام اللي على روبينا والا اهي الكل يمدحها

المستشفى يديد انا دقيت سألت في شغلات ناقصـه بس ما ادري اذا شغلوها او لا مثل خدمة البيبي كام اللي تشوفين البيبي بالشاشه هذي كاتبينها مع الخدمات بس للحين ما وفروا الخدمه على اساس ان للحين يديد وما اكتمل

بس الغرف وايد شرحة مو شوي و بسيطة وهاديه و بنفس الوقت تحسينها راقيه و نظافه

والسسترات بالعكس نفستيهم حلوة اتهبل و رايحين رادين عليج انا انشاءالله ولادتي هذي عندهم الله ايسهل علينا

 

[انجبر قلبي]

انا ولدت فيه قبل سنه
ولدت عند روبينا المستشفى شرح ويهبببببل وماعليه كلام والغرف مريييييييحه حييل وهدووووووووء

وولدت عند روبينا تهبببببببببل دشت علي 3 مرات
وخياطها يهبببببببل

وخذيت غرفه ستاندر بي وكلفتني الولاده 1400


وانشاله ناويه اذا حملت والله كتب اولد عندهم بعد


وموفقين

1400 هذا سعر ولادة قيصرية صح؟

 

[عشق الامومه]

انا. ولدت عند دكتوره روبيناا اتينن عمليتي ماشالله والمستشفا هادي حيل والسسترات فوق راسج طول الوقت معاج واكلهم بعد رووعه علا فكره انا والده من شهرين عندهم

بس نصيحه عملي حسابج عالدبل ماتضمنين البيبي ينحط بالحضانه ولا فيه شي يحتاج علاج وتحاليلهم مالت البيبي بروحها فوق ال230 غير الاشعات بعد الولاده وفحص دكتور الاطفال يعني تقريبا حطي حسابج علا الفين علشان لا تتوهقين

ولا تنسين تصورين البيبي انا كنت ميته بصور بنوتي بس فديتها كانت بالشيشه و ويرات وحاله ماينفع تتصور
وتقريبا علا 25 الصور

وايد هادي و مريح انصحج تولدين فيه والله يقومج بالسلامه

بس علا ماتذكر حساب عمليتي 1300 و شوي قولي 1400 غير حساب البيبي

 

[ScarletteO'Hara]

بس حبوبة حبيت الفت نظرج الى ان الاسعار الي انتي حاطتها مو مضبوطة
انا انصدمت لما قريتها لانه من جم شهر جيكت معاهم ما كانت مثل ما انتي ذاكرة
عموما اليوم راجعتهم و يبت لج الاسعار الاكيدة بالنسبة للطبيعي و القيصري اذا كان دكتورج من المستشفى

الولادات الطبيعية
Standard
Class A: 715
Class B: 625

VIP
Class A:1025
Class B: 925

VVIP
Class A: 1425
Class B: 1325

Royal
Class A: 2825
Class B: 2225

بالنسبة للولادة القيصرية
Standard
Class A: 1220
Class B: 1040

VIP
Class A: 1840
Class B: 1640

VVIP
Class A: 2640
Class B: 2440

Royal
Class A: 5440
Class B: 4240

و هذي الاسعار طبعا ما تشمل الادوية و التحاليل