منو المظلوم بهالسالفه ؟؟

[bloody a]

مرحبااااا الساع شلونكم بنات شخباركم

ابي اكتب عن شغله بتبط مرارتي من باب الفضفضه والتحلطم بعيدا عن الزوج وعن الاقارب

الله يسلمكم زوجي دوامه شفتات ومتعب حيييييييييييل مو شوي
اهوه اغلب الوقت نفسيته تعبانه ويرد مزاجه متعكر وانا متحمله هالوضع ومقدره مزاجه ونفسيته واحاول ارفه عنه يعني اتغشمر معاه والعب معاه وجذي بس كذا مره يدقرني او بالاصح يهب بويهي وانا اتحمل اقول مو منه من دوامه


الشي الثاني وماساتي الدائمه هالدوانيه الي تعل واهي بعيده فما بالج لو اهيه في بيتج وتحتج بالضبط وهالربع المنقعين 24 ساعه ولا تفتكين منهم
تخيلو ايي من الدوام يدخل الدوانيه ساعه ساعتين تالي يصعد ينام <<<<<<<<< اين انا ؟؟:eh_s(10):
اسكت مره مرتين ثلاث واربع واذا سالت والله انا من زمان مو قاعد وياهم ماشي ربعك ولك حق تستانس وياهم
بس مو على حسابي انا الي انطر واهمه الي يستانسون
الي مهون علي انه انا في بيت اهله ومتى ما حسيت صكت فيني الدنيا قعدت مع خالتي واسولف
وبصراحه اهوه مو مقصر وياي تارسلي البيت بكل وسائل الترفيه عندي بلاك بيري واي فون وعندي لابتوب وعندي كل الافلام الي بخاطري
بس انا محتاجه اقعد وياه بروحي
بقولكم بالضبط شنو وضعي بالبيت
ايام الشفتات الصبح
" اقعد من النوم اهوه بالدوام اتغدا واقعد العصر الهي روحي ايي من الدوام يلحس لقمته ويقعد بالدوانيه شوي بعدين يصعد الشقه يقول دايخ بنام اسكت واسهر بروحي وعلى هالحال لين يتغير الشفت "
شفت العصر اقعد من النوم اهوه عنده مشاوير الصبح يتغدا يروح الدوام واقعد طول اليوم لين ايي بين النادي والقعده مع خالتي واذا عندي مكان بروحله اروحله بروحي ارد انطره اهوه من السياره لي الدوانيه يصعد عقب ساعه اذا انا دقيت ينشطح وينام "
شفتات الليل الي اهيه اسوأ واسوأ
" الصبح نايم ومحد يقعده لانه يرد الفير يناااااااااااااااااام لين المغرب او قبل المغرب بشوي ياكل ويقعد متعكر مزاجه ماد البوز على ما يروء اللا حزة الدوام ويطلع وهكذا "

تعودت على ربعه الي ميت احساسهم
كل يوم وكل ساعه موجودين

الحين طالعتلي سالفه يديده

صارله شهر شفتاته عصر

اقعد الصبح اروح النادي اهوه بالبيت نايم
ارد من النادي اهوه بالدوام
انام اقعد اهوه بالدوام
يرد من الدوام يقعد بالدوانيه لين يشبع وعلى ما يصعد انا نايمه
وهالاسبوع يايين له ضيوف من السعوديه

ومجبور الحبيب يادي الواجب ويقعد وياهم

قسما بالله ماقعدت معاه يوم على بعضه هالشهر
يرد من دوامه ساعه 12 وانا انطره ارتب الشقه اتسبح واتعدل وانطر واهوه يدق والله بروح المكان الفلاني حق الشباب ومايرد اللا ساعه 5
قلت ماعليه ربعه ومو كل يوم اييون الكويت
ثاني يوم نفس السالفه
وثالث يوم همن نفس السالفه
قلتله انا ماني قايله شي هالاسبوع بس بالاوفات مالوتك ماتقولي بقعد مع الشباب بعد لادوام ولا شي لازم تقعد وياي
وصادف هالاسبوع عنده يومين اوف
دق علي قالي خنروح السينما باجر << اهوه الي اقترح مو انا
قلتله اوكي عقب اقتراح السينما قالي انا رايح حق الشباب المكان الفلاني قلت ماعليه بس ماترد ساعه 5 قال انزين
وبالضبط وصل البيت ساعه 5
ماتكلمت وخليت الوضع طبيعي
قالي باجر بيون الشباب الدوانيه
قلتله والسينما قال ايييييييي صحح
خلاص باجر نتفاهم بالموضوع
وعلى حظي الواو اليوم صار غبار
وماكو طلعه
قلتله خلاص عيل الشباب ماراح ايون الدوانيه عشان الغبار
قال منو قالج بيون
انا هنييييييي انصكت فيني الدنيا
:eh_s(2):
ويقعدلكم بالدوانيه من عقب الغدااااااا لين ساعه 7
عقب صياح ونياح مني طبعا
لو مو مسويه سالفه جان كمل سهرته وياهم:eh_s(16):
ورده على انه مايقعد وياي
: يعني شلون اخلي الريال بروحه
اقوله ماقلت خله بروحه بس مو معناته انسفني
مو معناته ربعك الاساسيين خامرين ببيوتهم وانا الي ماكله هوا
مو معناته انهم ضيوفك بس اهمه ضيوف كل شباب الدوانيه
ضيوف اخوك وربعك وعيال عمك وعيال عمي بعد

وبس هذا الي عندي اقوله الحين
شرايكم هل انا مظلومه بهالسالفه واللا ادعي الظلم ؟؟

ومنو احق الضيوف واللا انا ؟؟​

 

[قلبي عبدالله]

طبعا انتي المظلومه في السالفه والمهموله

بس ادعي ربك يهديه وانا مستغربه هالربع ماعندهم بيوت ماعندهم زوجات خامرين في بيوت اصحابهم الله يعينك على هالعلل

 

[بتبوتااا]

حسيت اني اقرا بطتنا بطت بطتكم وبطتكم بطت بتطناا :/

حياتي حاولي انج تخلينه على راحته لا تخلينه يحس انه مجبور يقعد معاج عشان لا يسمع له كلمتين منج وانت ليش وشحقه وانا وربعك الخ ,,

اذا بيقعد معاج خليه بأقتناعه ومزاجه يا قلبي ,,

بالنسبه للشفتات هذا دوامه وما كو مفر منه حاولي انتي الوقت الي يقعد فيه معاج تسوينه له جو ريلاكسي ومساج عقب الدوام ,,

حبه حبه ياقلبي بيتغير الوضع مارح يتم على ماهو عليه :> .

 

[رضاهم جنه]

لا تغصبينه على القعده معاج لان لو يبي يقعد بيقعد منفس انتي قوليله حددلي يوم بالاسبوع نطلع مع بعض انا محتاجه لك ومن هالكلام والله يعينج على الدوانيه عندنا وعندج خير

 

[bloody a]

قلبي عبدالله : الله يعين الجميع كافي اني القى ناس تفهمني شكرا 
عاد ريلي اسمه عبدالله

بتبوتا : والله العظيم ماتكلم ولا اقوله ليش وشحقه ولا اقوله اقعد معاي مو معاهم بس هالوضع مو مقبول توني ماصارلي 7 شهور من تزوجت وهذا حالي الله يعين بالمستقبل عيل وللعلم انا مو حنانه

 

[غـرامـي أنـت]

الله يعينك والله لو زوجي كذا اذبحه

 

[bloody a]

رضاهم جنه : لا يحددلهم اهمه اليوم
ومجبور وملزوم يقعد معاي وانا ماجبره غصب يقعد وبعدين قعدته معاي مو بهالسوء
ومثل ماقلت انا ماجبره ولا احن عليه

شكرا على مشاركتكم كلكم احس خففتو علي*

 

[Miss McDonald]

• كلآمج مو مرتب
• المهم انتي مظلومة
• واللي بيدج تسوينه انج تجذبينه لج وحآولي تشغلين نفسج لآنه وآضح عندج فرآآآغ !
• آلله يوفقج

 

[آنا من دونك أندمر]

حبيبتي الله يوفقج ويهديه لج

 

[سيده نفسي]

الله يعينج حبيبتي

والله يهدي يا رب

 

[فوفى]

صراحة الله يعينج بس انتى قوليلة يحددلج يوم او يومين بالاسبوع يكون خاص لج وبجذى يرضى الطرفين

انتى وربعة مالت عليهم صراحة هالربع نشبة اففففف.

 

[الأميرة الحزينة]

احنا الحريم دايما مظلومات :eh_s(11)::eh_s(11): ... ميخالف تحملي لين يروحون الضيوف شتسوين بعد لاتجبرينه يقعد معاج لأنه بيقعد ضاربلج البوز وماتستفيدين شي من قعدته ,, الله يعينج:eh_s(10):

 

[سكرتيرةالمستقبل]

:"( اخنقتني العبره والله عورتي قلبي بعد عمري انتي والله حاسه فيج لان بيوم من الايام كان ريلي دوامه شفتات ونفس الحاله حياته كانت نووووووووم يقعد قبل الدوام بساعه بجميع الشفتات صبح او عصر او ليل يعني كانت حياته نوووووم و دوام وبالاوف يطلع مع ربعه
مارتحت الا لما غير ادارته و صار دوامه صباحي مثل الناس
بس اخ من الربع و الدوانيه والسبه اهم ناسفين حريمهم و عيالهم
الله يرحم الايام الي كااااان فيها رجال
قلبي مترووووسه

 

[*ريما*]

صج قهر
احس حياتة كلها دوام وديوانية
وانتي وين موقعك من الاعراب
الله يهدية

 

[blondeya-pretty]

وااااااااي الله يعينج حبيبتي
اخوي جذي قالب البيت فندق
يشتغل فبنك ودوامه شفتات والله مرات اشوفه بالاسبوع مرتين بس !!

 

[زوجة عزيز]

الله يسخره لج ويهديه

 

[حشمه]

مشكله الدوانيه مرات الوحده ودها يقعد معاها يتعشا يسولف

ادعي ربج يهديه وحاولي فيه يوم بالاسبوع يكون لج

تغيرون جو بعرف كل يوم دوانيه مايمل

كل يوم ربعه مايمل ولا بس يمل من زوجته

 

[dectora 7elwa]

طبعا انتي المظلومه
لازم يحددلج يوم بالاسبوع
باجي الايام
طنشييييه
الصبح ناديج او سجلي بدوره
العصر عند امج
بالليل الاحيلج منهد بتنامين قبله
باختصار سكبيييييه

 

[noo7a]

عورتي قلبي
ذكرتيني بريل اختي
عفيه دوانيه ما تخلص و عفيه سوالف ما تخلص
يوميا ما يملون من ويوه بعض
حرام حتى عياله تعودو ان مايكون معاهم

 

[نفهمها صح]

الله يعينج
جربي لا تسالين عنه
ولا تقولين له وينك موو علشانه علشان يحس انه مهمل شووي