منو اللي ولدها او بنتها مثل بنتي ؟؟

[يحبني و معذبني]

قووه امهاااات شخباركم

اممم انا عندي بنتي عمرها شهرين ونص ومتعبتني حيييل كله ترجع ومادري من شنو

كنت ارضعها طبيعي وجربت لها 3 انواع حليب كله نفس الحاله معاها

تجي لها ايام احسها تعبانه مادري احس لايعه جبدها لانها تصيح كانها تتألم وترجع يعني تظل ساعات على هالحاله بس تصيح وترجع وماتعرف تنام :eh_s(2):

هل هذا الشي طبيعي ؟

شي ثاني انها ماتوسخ الحفاض الا كل يومين او 3 ويكون لون برازها تكرمون اخضـــــر وله ريحه نفاذه مو طبيعيه بس مايكون صلب عشان اقول انه امساك

ياليت اللي عندها فكره ترد علي هذي بجري وانا مغتربه محد عندي ومو عارفه شسوي لها

ورحم الله والديكم​

 

[Q8_QT]

حبيبتي اللي أعرفه ان الياهل لازم يوميا وانتي بكرامة يخرج موزين تتم يومين بدون خروج وبالنسبة للترجيع مادري شقولج يمكن ماوالمها الحليب آنا أذكر بولدي وايد غيرت الحليب ليمه حسيته ارتاح على ابتاميل استمريت عليه ليما كمل سنة حبوبة آنا من رايي تودينها طبيب يطمنج عليها أكثر وعسى الله يخليها لج يارب

 

[يحبني و معذبني]

مشكوره حبيبتي والله يخلي لج ولدج

 

[{بسكوتهــ~}]

والله مادري

 

[TeKaNa_Girl]

بنتج ممغوصه نفس بنتي
وبطنها مليان غازات
شوفي عطيها حليب نوفالاك تركيبة امساك عشان يمشي بطنها
وعطيها ماي غريب ثلاث مرات باليوم ودايم طقي ظهرها وخليها ربع ساعه على بطنها
ولذا مافاد عطيها ادول اطفال يهدي الالم ببطنها

 

[TeKaNa_Girl]

اي نسيت عطيها دوا للترجيع اسمه مولتين اعتقد لونه زيتي باخضر كل ٨ساعات قبل الرضعه بنص ساعه
صج يهبل ووقف الترجيع لانه مو زين يصير جفاف للياهل
لان نفس اعراض بنتي بالضبط ولاتحاتين فتره وتعدي*

 

[_ظل الياسمين _]

فى حليب ضد الترجيع اللى ينكتب عليه ar
وانا سالت امى فى بنتى انها ماتسوى الا كل يومين قالت عادى.

 

[هيبة الطاووس]

عادي اذا ما خرجت يومين عيل شلون تكبر وزنها يزيد
وعلى الترجيع شربيها تركيبة الترجيع وايد زين ترا

واذا ما في التركيبه شربيها الحليب وطلعي لها هوا ونوميها على الجنب اليمين ماراح ترجع ان شاء الله
وسندي ظهرها بمخده

 

[q8 knosha]

على الترجيع اعتقد الحليب مو ماشي معاها لان ولدي كان واايد يرجع بالاربعين وغيرت الحليب انصحوني ب اس 26 والحمدلله مونفس اول يعني وين و وين يرجع وهذا عادي

بس على الخروج اعتقد لازم كل يوم لان انا مره تم يوم ماخرج قعد يبجي بجي وخالتي اقعدت ادلك بطنه وتسويله سوالف وبعدها بجم ساعه الحمدلله خلص بس مادري اذا عادي يومين وثلاث ماتخرج
واذا على لونه وريحته عادي

 

[المطيريه 1982]

والله ترجيع ماتخافين منه لان ولدي جذي وويصيح من الغازات يبيله وقت بس نصيحه روحي الطبيب تاكيدي وكل حاله عن حاله غير في نباتين محتاج يغير الحليب وفي عادي من الغازات

 

[ANGEL CAT]

بعطيكي الخلاصه حبيبتي اول شي يختلف كل طفل عن الثاني في طفل يسوي كل يوم وفي طفل كل يومين لحد ثلاث ايام عادي ووالله جزاه الله خير دكتور مصري جال ان في وصفه طبيعيه تجيبين الاراصيه 4 حبات وتغلينها في ماي 10 دقايق وبعدين ضربيها في الخلاط وصفيها وعطي لبنتك 20 ملي بس في اليوم لمده ثلاث ايام وانشاء الله بتشوفين كل خير وما انصحك تعطي تحاميل اوي اي شي لان راح يصير عندها ارتباط ما تسوي غير مع الدوا وثاني شي ما تعطيها ماء غريب لانه ما يصير مع الترجيع ابني كل يوم كان يرجع مره من اول ماتم شهر لحد اخر الثالث والطبيب جال عادي بيكون المريئ شويه فتحته واسعه وضعيف عند اغلب الاطفال حديثي الولاده وبالنسبه للون الاخضر هادا حبيبتي بيكون صايبها برد في معدتها لازم تدفين هاي المنطقه وتدهنيه بشوي زيت زيتون دافي مو سخن بس دافي وللغازات دوا من الصيدليه اسمه جاز ب 4 دنانير ونص تحطين 10 نقاط منه في الرضعه الاخيره قبل النوم بتنام انشاء الله نوم هادي
ونصيحه حاولي بس ترضعين طبيعي وما تدخلين اي حليب خارجي لان في اطفال تتحسس من لاكتوز الحليب الخارجي ويسبب مشاكل زيدي حليبك بالعصاير والماي والحلاوه الطحينيه وفتره بس شهر انشاء الله وبتنسي الترجيع حوسه والله كنت كل شوي اتحمم واغير الله يكون بعونك ابني ما كان يحب يرجع غير في صدري ههههههههههه والله سعات كنت ابجي هم يضحك وهم يبجي

 

[فله]

حبيبتي عطيها حليب الارتجاع نفس ماركة حليبج بس er يكتبون عليه
وقبل لاتنام عطيها كمون ويانسون
والله يعين اكره فترة هذي

 

[روان_الكويت]

لما كنتي ترضعينها طبيعي كانت ترجع؟
عطيها صدرج حليبه اخف من هالتركيبات احسن حليب للياهل حليب امه
في حبوب بالصيدليه اسمها فوتليت او شي شذي هي حبوب الحلبه علبتها ورديه عليها مره شايله ياهل تكثر الحليب
وقبل النوم اكلي ملعقه شومر الي هي الحبه الحلوه وبيزيد حليبج مع المص من الياهل طبعا هههه
لانج توج والده ماظن نشف حليبج بعد

ولدي الصغير رضعته طبيعي الحمد الله ما يرحع الا نادرا واذا رضاعه طبيعيه عادي الخروج كل خمس ايام
اما بجري الكبير عطيته صناعي علا طول ترجيع
وبنتج الظاهر تبي طبيعي عطيها وايد افيد لها ولج وتقربج لها واذا كبرت تصير حنونه عليج اكثر
وكل ما مصت صدرج اكثر زاد حليبج وشربي ماي وايد مو بارد

 

[كويتيه مذهله 87]

مثل مشكلتي بالضبط سبحان الله
رحت كذا دكتور كلهم قالوا طبيعي انا ولدي يخرج كل يومين وترجيعه بالثاااااااااااااانيه

قالي الدكتور عادي فتره وتعدي لا تحاتين لا تغيرين لا حليب ولا شي
تحملي هالجم شهر باجر تكبر يخف الترجيع وتخرج حبيتي لا تحاتين

 

[مرايــــــــم]

حبيبتي انا بنتي من جبتها وهي ترجع
ووديتها الطبيب وقالوا عادي
اذ كبرت بيخف وفعلا الحين عمرها 7 شهور
والحمد لله ماترجع

 

[أسيـ(^_^)ـل]

اغلي لها يانسون وكمون

وحليه بسكر نبات

اعراض غازات