منو الشاطرة اللي تحط لي برنامج حق دبي؟ (خبيرات دبي تعالوا)

[مملكة الكاكاو]

سلام عليكم .. شلوكم بنات؟ من زمان مو كاتبة موضوع..

اليوم موضوعي مو بس راح يفيدني.. بيفيد كل المقبلين على السفر الى دبي انشاء الله :yaaaaaarb:

آنا رايحة دبي من أول.. بس الصراحة قاعدة أروح على الله أسوي البرنامج هناك بالسفرة.. ودي تسعدوني ان أرتب حق الرحلة (اسبوع واحد) بحيث ان آنا أستفيد وأتسوق.. واليهال بعد نسوي لهم برنامج عشان يستانسون..

الله يسلمكم في البداية نبي نوديهم انشاء لله يومين الأتلانتش..
بعدين نقعد في شقة..

ودي ودي ودي في برنامج غير غييييييييير عن اللي متعودين عليه بس سوق وأكل.. شنو أكو فناتق أقدر أسويها؟؟ أبي فناتقكم..

حتى لو بروح السوق.. ترا مجمع دراقون ما أدري شسمه هذا مثلا مو رايحتله.. فودي ذيه أجرب شي غير..

اليوم الأول: يوم الوصول + أتلانتس
اليوم الثاني: أتلانتس
اليوم الثالث: ؟؟؟؟؟؟
اليوم الرابع: ؟؟؟؟؟؟
اليوم الخامس: ؟؟؟؟؟
اليوم السادس: ؟؟؟؟؟
اليوم السابع: يوم الرجوع بالسلامة

يلا حبيباتي بلييييييييييييييييييييييز ساعدوني

 

[مملكة الكاكاو]

مشاركاتكم ينات

 

[رزينه بكلمتي]

اليوم الثاني ممكن اتودينهم كيدزينيا مدينه صنعة خصيصا للاطفال عسبت يعيشون حياة الكبار فيها 80وضيفه وقريبه جدا من الواقع
مثل الطيران التمريض العمل في فنادق اشياء واااااااااااااايد صج صج بيستانسون عيالج فيها مكانها في دبي مول
هالتجربه مابينسونها عيالج
ثالث يوم ممكن اتروحون لدراقون مول والاوت ليت
رابع يوم ممكن تطلعون في رحله بحريه مع بوفيه عالعشاء الكبار 160درهم والصغار اقل من سنوات مجانا والاكبر اب 80درهم الرحله مدتها ساعتين ولها وقت محدد ممكن تتصلين على قرية البوم وتتخبرين عن كل شي من توصلون بس لازم حجز قبله بيوم
خامس يوم روحي لسوق الكرامه بتحصلين فيه كل الي تبينه وتقليد درجه اولى
وسوق نايف
سادس يوم روحو لمردف سيتي سنتر والامارات مول او ممكن تروحون لحديقة الخور
سابع يوم ممكن تروحون للجي بي ار الي هو الممشى وااااايد حلو كافيهات ومحلات راقيه او عاد براحتج شوفي شومن مولات ماسرتيلها مري شوفيها وزهبو عماركم لسفر واوقات سعيده في دبي
اي شي تبينه امريني تحت امرج يالغاليه

 

[رزينه بكلمتي]

ان شاء الله اكون افدتج لو بالقليل

 

[نحوله عسوله]

روحي دراغوون مووول اللي اهو سووق التنين الصيني انصحج فيه بشدددددده يهبل

اليووم الرابع روحي دبي مووول ودي اليهال كيدز دنيا حلووو حيل ليهال وانتي تمشي بالموول عجيب
وتالي روحي عند النافوره الموسقيه تجننن وتعشووا ع انغامهااا
والخاامس
روحي سوووق نايف لخاام عجيب وروحي سووق مرشد اخذي ملافع وبخووور وهداياا حلووو وارخيص

واليووم السادس
روحي امارات موول لثلج ودي اليهال وانتي ادخلي معاهم ترا يونس العبي واركبي التلفريك


واليووم السابع تردين لنا بسلامه



 

[نحوله عسوله]

انا كنت ساكنه بفندق ستي سنتر يهبل وارخيص حجزت من موقع بوكينج الليله ع ٢٩ دينار

وكان عند المكاتب والله الليله ب ٦٠ دينااار

احجزي من النت احسنلج وارخص المكاتب حراميه