منو الشاطرة إللي بتعلمني تعتيق الديكوباج ؟

[ريحانة_14]

السلام عليكم يابنات شلونكم حبايبي وشخباركم ؟؟

أنا الله يسلمكم مغرمة بالديكوباج وأسوي مزهريات وصواني وصحون وكراسي وطاولات وبراويز ومناظر

بس الصراحه إللي متعبني طريقة التعتيق ودمج الألوان فبعض ..

ماني عارفه شلون أدمج الخلفيات فبعض ورة الصور علشان يطلع العمل النهائي شكله ذرب .. أسويه لكن مو مثل إللي فبالي

بحطلكم جم صورة علشان إللي تعرف فيكم نفسها تعلمني ..

 

[فديتج ياكويت]

ممكن ارف شلون سويتي هذا لانه مو محتاج شي جذي حلو

 

[ektifeet]

ماشاء الله عليج

يااختى انتى علمينا ولج الاجر ان شاء الله

انا غرامى الديكوباج بس مااعرفله ممكن تعلمينى حبيبتى

ويسلمو الايادى خوووووووش شغل متعوب عليه بصراحه

 

[ريحانة_14]

لوووووووووووووووووووووووووووووووول

حبايبي والله إنتوا

أنا هذول مو عاجبيني وايد أحس بعد بطلع أحلى من جذي

جيبتك يا عبدالمعين تعيني لقيتك يا عبدالمعين تتعااااااااان

==================

صج نسيت أقولكم ... أنا أسوي دورات كل سنة بالصيف حق البنوتات الصغار

مرة سوينا أطقم صحون
ومرة طقم مكتب
والسنة إللي طافت مطارات وصواني
وإن شالله تعالى إذا الله سبحانه قدرني السنة اليايه راح أسوي طقم كرسيين وطاولة

بس أبي أتعلم التعتيق المضبووووووووووووووط .. في تعتيق تحطين ألوان فوق بعض تعطيج لون رهيب مافي منه

مثلا تصبغين القطعه بلون أبيض .. وفوقه لون أحمر دم الغزال .. وبس ينشف تلونين فوقه البني المحروق

يعطيج لون بنتي مهوجني عجيب

أبي أتعلم هالطريقه

 

[ريحانة_14]

إي صج بعد ماقلتلكم

صعب علي أسوي نفس القطعه بالضبط مرتين

كل قطعه أسويها مرة وحده وما أثنيها فبتعلم طريقه الدمج والخطوات المضبوطه علشان أتمكن من إني أكرر القطع

 

[al-zabarjad]

شوفوا هذي خوش طريقة للديكوباااج

منقوله من منتدى ثاني

تعتيق شكل آخر

إن شاء الله استفدتوا :sfg:

 

[الفضه]

خوش شغل ما شاء الله وسوري p: ما اقدر افيدج انا ابي اتعلم
ريحانه اذا سويتي دوره بالصيف بلغني

 

[ريحانة_14]

الزبرجد ... تصدقين خوووووووووووش فكرة .. بأسفجه وحده تحطين أكثر من لون على أكثر من جانب وتطقطقين فيه على القطعه إللي عندج

بإذن الله تعالى باجر ببلش أشتغل بورشتي الحبيبه

ومشكوووووووووووووووووووووووووووورة وايد حياتي نخدمج بالأفراح والليالي الملاح

========================

فضة ..

إن شالله تعالى أبلغج أول ما أبلش بالدورة .. السنة إللي طافت شاركت معانا حرمة أم 4 يهال ماشالله وسوتلها مطارات مع صوانيهم حدها حدها كيفت عليهم وذوقها كان راااااااقي ماشالله

 

[ليتني كويتية]

شوفي حبيبتي انا تخصصي فنون جميلة
واشتغل ديكوباج كثير
اولا ماينفع تحطين كم لون في السفنجة مع بعض
كل لون بروحة وسفنجة بروحة وافضل تستخدمين الاسفنج الطبيعي لانة يعطي تاثير احلى
استخدمي الرسوم التي على المناديل الورقية افضل لانها رقيقة
استخدمي الغراء الخاص للديكوباج افضل من الغراء الابيض من تجربة
بنسبة لدمج الخلفية مع الديكوباج بعد ماينشف ردي دخلي علية شوي تعتيق من نفس التعتيق الاول وبعدين آخر طبقة من نفس الغراءءءءءءءءءءءءءءءءءءءءءءءء
وبس وسلامتك...:ggdw:

 

[al-zabarjad]

مشكوووورة

شوقتوني على الديكوبااج شكلي ببلش معاااكم

 

[قطرية قمر]

ماشاء الله عليج ..

خلاص انتي علمينا الحين وعطينا دورة بالمنتدى ...

وليش ماتسوين سيرج في المواقع الاجنبية اكيد بتحصلين ..

 

[قطوه اجناعيه]

ممم رووعه والله بس الالوان من وين انييبهم ويصير على الخشب والنايلون ولا لا

 

[ريحانة_14]

شوفي حبيبتي انا تخصصي فنون جميلة
واشتغل ديكوباج كثير
اولا ماينفع تحطين كم لون في السفنجة مع بعض
كل لون بروحة وسفنجة بروحة وافضل تستخدمين الاسفنج الطبيعي لانة يعطي تاثير احلى
استخدمي الرسوم التي على المناديل الورقية افضل لانها رقيقة
استخدمي الغراء الخاص للديكوباج افضل من الغراء الابيض من تجربة
بنسبة لدمج الخلفية مع الديكوباج بعد ماينشف ردي دخلي علية شوي تعتيق من نفس التعتيق الاول وبعدين آخر طبقة من نفس الغراءءءءءءءءءءءءءءءءءءءءءءءء
وبس وسلامتك...:ggdw:

مشكووووووووورة غلاتي ليتني كويتيه ( فعلا هذي غلطتي إني ما أنتظر لما ينشف اللون وبعدين أدخل معاه ألوان ثانيه كنت أدخل اللون عليه وأهو مبلل فيسيح على بعضه

مشكورة مرة ثانيه ياحياتي

 

[ريحانة_14]

مشكوووورة

شوقتوني على الديكوبااج شكلي ببلش معاااكم

أنا راح أبلش بإذن الله في مطارتين ( قهوة وشاي ) مع صينيتين

وبوريكم إنتاجي بأقرب وقت وباجر بروح أشتري المطارات

 

[ريحانة_14]

ممم رووعه والله بس الالوان من وين انييبهم ويصير على الخشب والنايلون ولا لا

هلا فيج قطوة جناعيه

من خلال تجاربي الطويله العريضه مع الديكوباج طبعا النتايج المبهره تصير على ( الفخار ) وبالدرجه الثانيه ( الخشب ) وبالدرجه الثالثه ( المطارات )

والسيراميك بالدرجه الرابعه

والألوان استخدمي ألوان ( آكريليك ) تحصلينهم في جرير والأرخص منه دسمان .. وتحصلين تشكيله ألوان كبيرة في ( آرت آند كرافتس ) إللي في شويخ بمجمع واره

وطبعا الفرش ألواااااااااان وأشكال

تستخدمين 3 أنواع فرش .. الفرش العاديه بأحجامها
وفرشة المدق .. فيها شعيرات لكنها تصير اسطوانيه
والفرش الأسفنجيه

وأيضا تحتاجين ورنيش بعد


لألأ يبيلكم موضوع متكامل أحطه هني

أخلص مطاراتي وأنزل الموضوع وربنا يسهل

 

[sun_kisses]

وااااااااااااااااي

خوش موضوع

والي يعافيج ابي اعرف انتي تسوين ديكوباج بكلبنكس والا اوراق عاديه

لانه ودي اسوي صور شخصية على صحون تتوقعين يصير

وبعدين شسم الغرا الي يستخدمونه حق الديكوباج

ودي اسوييييييييي