منو اعياله بروضة الضياء مشرف

[ام فويزان]

بنات بسأل عن الروضه اشلونها يليت اتفيدوني انه كنت ناويه اسجل ولدي خاص بس قالو الحكومه تعدلو و قامو اعلمون الياهل مو بس خرابيط صج و لا خليني على الخاص؟

 

[ناني سيكرتس]

شوفي انا كنت بسجل ولدي بالضياء بس لما رحت لهم وسالت ما عجبني ردهم لي , فسجلت عيالي بروضه الياقوت, ممتازه الروضه حيل والله جنها مدرسه خاصه, النظام والرعايه والرحلات ماشاء الله كل شغلهم عجيب..
بس اختي اذا انت ناويه تدخلين عيالج الخاص دخليهم من الروضه عشان ما تصير حالتج مثلي, الحين المدارس الخاصه محد يبي ياخده لان دارس بالحكومه وقاعده اعابل بالولد عشان يدخل المدرسه الخاصه..

اذا انت بتكملين بالحكومه سجلي ولدج بالروضه الياقوت لانها مدرسه نموذجيه وما تتطوف..

 

[ام فويزان]

عمري الياقوت اي قطعه عادي ياخذون اعيال قطعه 3

 

[*أم*خالد*]

اكلمج كوني معلمة روضة

الناظرة ماتهتم بدراسة الأطفال او شنو تعلموا ولا حتى الوزارة

تهتم بالكماليات والحفلات والفعاليات وهالأمور

عندهم عـــادي اليهال يداومون اسبوع ومايدرسون الفترتين الدراسيتين بس المهم حفلتهم تطلع ناجحه

قطي فلوسج بالشمس وقعدي بالظل .. وودي الياهل خاصة يستفيد

 

[ام فويزان]

مشكوره ام مناف ما قصرتي

 

[داريني]

عاد انا ناويه اسجل ولدي بالضياء

 

[ناني سيكرتس]

عمري الياقوت اي قطعه عادي ياخذون اعيال قطعه 3

الروضه بمشرف قطعه 6..

 

[ناني سيكرتس]

اكلمج كوني معلمة روضة

الناظرة ماتهتم بدراسة الأطفال او شنو تعلموا ولا حتى الوزارة

تهتم بالكماليات والحفلات والفعاليات وهالأمور

عندهم عـــادي اليهال يداومون اسبوع ومايدرسون الفترتين الدراسيتين بس المهم حفلتهم تطلع ناجحه

قطي فلوسج بالشمس وقعدي بالظل .. وودي الياهل خاصة يستفيد

حبيبتي كلامج على عيني وراسي بس ناظره هالروضه مهتمه باليهال بدرجه فظيعه, المدرسه ما خذه جوائز وايد في مجالات متعدده, شوف عيني كنت بالمدرسه مرافق حق ولدي شفت الناظره اشلون تكلم الابلات وشفتها اشلون توجههم وكله في سبيل اليهال , حتى اليهال ماشاء الله تشوفينهم اول السنه عاديين وبعد فتره تشوفينهم ماشاء الله النظام والادب واشلون يدرسونهم هالخبرات والله شي حلو..

 

[_MoMo_]

الياقوت وايد يذمووونها .. وبعدين كل الرياض يهتمون بالحفلات على حساب التدريس.. والضيااء وايد مدحوووها لي بالنسبة لغيرها ؟