منو إنفصلت من جامعة الكويت و عادلت موادها و كملت؟

[سرقت النوم]

قوه بنات ...

إشلونكم و شخباركم ...

اليوم رحت الصالون ...

و آنا قاعده إهناك ... طبعا أسوي بدكير و مانيكير ولا وحده قاعده عندي .. قمنا نسولف و نسولف ..

المهم..

جبنا طاري الدراسه و السوالف..
جان تقولي آنا إنفصلت من الجامعه على المعدل ... و كانت بكلية العلوم تخصص علم حيوان ...
و تقول إنها يالله يالله تعدي المواد .. يعني أغلب مواد التخصص تاخذ فيهم شي و دي و أعلى درجه بي..

بس المساند كانت درجاتها زينه ...

و المسكينه إنفصلت عشانها عدت المده الإعتياديه ... و مارفعت المعدل....


المهم ...

:0bee2e8d89:

إهي تقولي .. تكفيييين سئلي البنات اللي بالمنتدى .... تبي جامعه تعادل لها المواد ..أي جامعه بره الكويت تعادل المواد و تكمل اللي باجي لها بس تقول ما أقدر اقعد إهناك على حسابي أبي نظام اللي أروح أمتحن و أرجع الكويت .. ولو بالدول الخليج أحسن ....
لأنها أم عيال ماشالله ... ما ادري .. فهمتو شنو تبي ولا مثلي .. ما فهمتو شي ..

لأن آنا ما أعرف بهالسوالف نهائيا...
:eh_s(1):
و تهقون في جامعات بالكويت فيها تخصصات علميه ...

شرايكم ؟؟؟؟

عطتني رقم تلفونها .. و قالتلي أدق عليها إذا حصلت حل ...

 

[سرقت النوم]

على فكره ترا حيل على قد حالهم ....

ودي اساعدها بس أخ ما اعرف بهالسوالف نهائيا...

 

[vevo]

سرقت النوم حظي حلو معاج اليوم هذا ثالث رد مني لج بيوم واحد ليش تبي بره الكويت تروح التربيه الاساسيه اذا نسبتها بالثانويه فوق ال80% حتى لو شهاده قديمه ويعادلون موادها لها نفس رفيجتي او اذا اقل من 80% التطبيقي يقبلها بالدبلوم وما يضيع عليها شي الله يسهل عليها

 

[-Bello-]

حبيبتي .. جامعة الخليج والامريكيه يعادلوون مواد .. وعندج اذا بره الكويت ترووح مصر مليون جامعه هناك طريقتهم تمتحن باخر الكورس بس وهم بالبحرين ..

واذا شافت الامريكيه ولا الخليجيه سعرهم غالي عليها .. في نظام التقصيد .. يقصدون المبلغ عليها خل تروح وتستفسر ..والله يوفجها انشاء الله

 

[كتـ زوجي ـكوته]

تدخل كليه الصيدله احسن لها

 

[سرقت النوم]

أم عمر أي صيدله بالضبط قصدج بره الكويت و لا شنو ؟

 

[Q8!a__]

وي مسكينة الله يعينها
ويوفقها ويوفقناا

بالبحريييين اعتقد إذا حكومية لازم تتم هناك وتداوم المحاضرات

أما إذا خاصة يكون عادي تقدم امتحانات وترد

وبالنسبة لمعادلة المواد
الللله أعلم


وإذا كلش كلش وشهادتها الثانوية قديمة يعني طاف عليها 4 سنين وأكثر <<<أتوقع إيييي

خليها تقدم دورات خاصة
اللي منها اتصالات وملاحة
يكون عندها دبلوم أحسن من ولا شي عرفتي

رفيجتي انفصلت مسكينة عقب ما كملت 4 سنين ضبط!
بس قعدت سنة من غير شي

وتوها هالكورس بتداوم اتصالات وملاحة

عااااد صج فرق من هني لي هناك
حتى المباني والكلاسات فرق

الله يعينهم

 

[برونزيه نعومه كتكوته]

وي مسكينة الله يعينها
ويوفقها ويوفقناا

بالبحريييين اعتقد إذا حكومية لازم تتم هناك وتداوم المحاضرات

أما إذا خاصة يكون عادي تقدم امتحانات وترد

وبالنسبة لمعادلة المواد
الللله أعلم


وإذا كلش كلش وشهادتها الثانوية قديمة يعني طاف عليها 4 سنين وأكثر <<<أتوقع إيييي

خليها تقدم دورات خاصة
اللي منها اتصالات وملاحة
يكون عندها دبلوم أحسن من ولا شي عرفتي

رفيجتي انفصلت مسكينة عقب ما كملت 4 سنين ضبط!
بس قعدت سنة من غير شي

وتوها هالكورس بتداوم اتصالات وملاحة

عااااد صج فرق من هني لي هناك
حتى المباني والكلاسات فرق

الله يعينهم

ليش انفصلت عقب 4 سنين ؟؟

 

[كويتيه حلووووه]

المشكله انه تخصصها علمي والكليات العلميه فيها لابات (مختبر) ماتوقع تقدر تمتحن وترد الكويت لازم دوام كامل هذا اذا ناويه تعادل موادها وتكمل في مجال تخصصها (علم الحيوان)

بس اذا بتكمل محاسبه ولا ادارة اعمال عادي في بالبحرين وبالهند وبمصر شكثر نظام بس تروح جم يوم تمتحت وترد تقدر تروح مع زوجها ولا اخوها اقل من اسبوع تمتحن وترد

بعدين دام انها انفصت من الجامعه ماتقدر تكمل بالجامعه

يعني كلية الصيدله اللي بالجامعه ماتقدر تكمل فيها وحتى لو كانت مو منفصلة من الجامعه التحويل حق كلية العلوم الطبيه صعععععععععب

والله يوفقها انشالله

 

[برونزيه نعومه كتكوته]

في جامعه بالهند اسمها انديرا غاندي
و لها فرع اعتقد بالكويت انتساب
خل تسأل اكثر بالسنه اعتقد 200 دينار !!!

 

[Q8!a__]

برونزية..

انفصلت رفيجتي من انذارات المعدّل :-/

نزل لها 4 انذارات

وعطوها فرصـة كورس،، عشان ترفع المعدل وتوصلـه 2
بس مارفعـت

وفصلووووها :-/

 

[زلابيا]

اذا مفصوله من الجامعه راح ينكتب بالشهاده انها مفصوله وماراح يعادلون لها المواد للأسف ..

انا انفصلت من الجامعه وكانوا خاتمين ختم شكبرررررره اني مفصوله خخخخخ ورحت قدمت عالتطبيقي الحمدالله انقبلت...

ويوم وديت لهم شهادتي عشان يعادلون المواد جان اتقولي مايصير نعادل لأنج مفصوله ...

خل اتقدم عالتطبيقي بدال لا اتسافر وتتبهذل

 

[برونزيه نعومه كتكوته]

برونزية..

انفصلت رفيجتي من انذارات المعدّل :-/

نزل لها 4 انذارات

وعطوها فرصـة كورس،، عشان ترفع المعدل وتوصلـه 2
بس مارفعـت

وفصلووووها :-/

و اااي الله يعينها !!!

 

[سرقت النوم]

الاإلاه إلا الله محمد رسول الله ...

الله يجزاكم كل خير ويوفقكم و ينور لكم حياتكم و يهديلكم أحبابكم ....

الله يفرج همكم و لا يحطكم بنفس الموقف ....

ما قصرتو يا بنات الحلال...