منو أحسن أجيال والا الرؤيه ؟

[over love]

مرحبا حبيباتى شلونكم ياوليات الأمور

خواتى أنا عندى بنتين وحده بتروح أولى وحده رابعه وأنا وريلى اتفقنا نحطهم بخاصه

فى امهات يمدحون أجيال وفى يمدحون الرؤيه ؟

وأنا محتاره بصراحه حيل

شرايكم شورو على

مع العلم أنه أبونا رافض المدارس الحكوميه ورافض أى خيار غير هالمدرستين !!!!

 

[سيدة الكويت]

احسن تروحين المدرستين تشوفين المناهج والى ترتاحين فيه سجلى فى عيالج

بس سمعت انا كلهم زينين

 

[حلم الطفولة]

اختي لازم تروحين تشوفين بنفسج لأن الناس مهما قالو أكيد بيكون لهم معيار مختلف عن معياركم,
بس حبوبه over love انتي بناتج في حكومه وبتنقلينهم ؟؟ أو راجعين من برّه مثلا ؟؟
لأن المدارس الخاصه ومثلا الرؤيه ماتقبل من الحكومه إذا رابع ابتدائي ,, لازم يكون الطفل متأسس بالروضه من مدرسه خاصه عشان الانجليزي. وبالنسبه للصف الأول ابتدائي مادري شلون نظام القبول ,,
اخذي أرقام تلفوناتهم واتصلي وطلبي منهم زياره للمدرسه , وسئلي عن المناهج ,, وخير من تسألين الناس اللي مجربه ,,
عندنا تجمع أمهات بالقسم هنيه لمدرسة الرؤيه ومدرسة أجيال. دخلي للأمهات وسئليهم.
حياج الله وبالتوفيق يا رب ,,

 

[frfr197]

والله يا اختى انتى تقولين بناتج وحده باولى والثانيه برابعه اهم وين كانو يدرسون قبل ؟؟؟؟؟؟؟لانهم ما يقبلون قبل لا يسون امتحان يشوفون مستوى اللغه عندهم وبعدين يحددون ......وانتى لازم تروحين تشوفين مستوى المدرستين

 

[over love]

بناتى كانو بخاصه وبطلعهم منها

وبنغير مدارسهم عن نفسى موعاجبتنى أجيال لأنى رحت للمدرسه كإداره عجبتنى بس رفيجتى ماتمدح نوعيه بعض الطلبه على كلامها مشكلجيه وميننين ولدها وكنا بزياره للأداره لتقديم شكوى وبصراحه كش قلبى منها بسبب هالسالفه !

أما الرؤيه ماعرف عنها شي بس ريلى يمدحها وبشوف شكلى بروح لهم باجر وأشوف شنو يصير

 

[حلم الطفولة]

الله يوفقج أوفر لف

 

[over love]

الله يسلمج ياحلم الطفوله

وأن شاءالله تتسهل الأمور

 

[زيزو]

انصحج بالرؤيا وايد زينه وعيالي فيها وعمري ماشتكيت منها

 

[شانيل نمبر 5]

المدرستين مو قويه بالانخلييزي لانهم ثنائيه اللغه

 

[over love]

شانيل نمر 5
هلا حبيبتى موبكيفى أنا مخيره بينهم الثنتين ولو تبين رايى أنا أبيها ثنائيه اللغه مومعقوله أركز عاللأنجليزى ونهمل أهم لغه لغه القرأن ولغتنا اللغه العربيه !

_______________

حبيباتى أبشركم

رسينا هالرؤيا أحس هم وأنزاح عن قلبى