منوم أطفال للطيارة ابي واحد زين ومافيه أضرار جانبية!!

[Laymo0ona]

قوة بنات
هالصيف بسافر والسفره راح تكووووون طويله وولدي عسر ودلوووع ومابيه يبهذلني بالطيارة ويبجي ويصارخ
اهوا عمره سنتين و 9 شهوور ابي دوا يدوخه ويطخخه عشان ما يتعيبني
ومابي يكون فيه آثار جانبيه بليييييز بنات اللي تعرف دوا زين تقولي​

 

[عيش و مرق]

ماكو منوم حق الاطفال بس جربى زيرتك او فلودركس زين حق اذونه وحق ضغط الطياره ويدوخ

 

[Laymo0ona]

زيرتك ماينومه صار عنده مناعه منه ياحياتي من كثر ماياخذه

 

[أم حمادين]

انا بعد ابي حق ولدي ماينفع وياه زيرتك ماينومه

 

[shadaw girl]

السلام عليكم , اشدعوة ماكو أحد ماخذ اعياله معاه بالسفر؟! بنات الله يخليكم اللي يعرف شي مضمون و مجربه يفيدنا بلييز, ما تدرون يمكن انتو معانا بنفس الطيارة اذا ما قلتوا ترى بتحملون صراخ ولدي !اهو عمره ثلاث سنين و أول مره يسافر معاي لندن سبع ساعات!

 

[MyLittleBerry]

مانصحكم تعطونهم ادويه

سهروهم علشان ينامون بالطياره

 

[Cute Kitty]

انا عندي دوا ينوم بس اييبه من سوريا اسمه ميدرالين كنت يايبته لبنتي العوده واهي صغيره ماكانت تنام كلش لا ليل ولا نهار
والكل وقتها قالي ماله اضرار جانبيه

 

[أم لطووف]

شوفي حبوبه إلي أعرفه دوا إسمه (فنستل) كانوا يعطونه حق أخوي عشان ينومه بالمستشفى وهو بو أشهر فما أعتقد له مضار على الياهل..
والاحسن روحي الصيدليه وسأليهم عن منوم زين..والله يحفظكم وتوصلون بالسلامه إن شاء الله

 

[ام اغلى الناس]

يا قلبي لا تعطين ولدج اي ادويه من غير استشارة دكتور
اسم الله عليه مو صغير .... اخذي له العاب و يو اس بي و تلوينه و الوان و هالسوالف و اي شي يعجبه و يشد انتباهه
و قولي له لو اذيتهم بالطياره ما عاد يخلونا نركبها مره ثانيه و من هالكلام

 

[سفيره الهم]

ما ادري بس اكيد دامه دوا يضر

 

[marooo08]

هلا اختى
انا استعمل لابنى دوا اسمه اكوا فيرا هو عباره عن اعشاب بس فى زجاجه دوا انا بجيبه من مصر مش عارفه موجود منه فى الكويت ولا لا
بس هو امان جدا لانه اعشاب ومهدئ للاطفال

 

[Coffee-Girl]

ومنكم نستفيد

 

[lolo77]

هلا والله
اننا في دوا ما استغنى عنه

اسمه اكتفيد

وفي منه بالصيدليات شراب وحبوب للكبار


عن تجربه مافيه شي

ان مجربته مرتين على اعيالي

وانشالله ماتشوفون شر

 

[قدساويه!!]

الله يعنيج ما ينفع ماي غريب!!

 

[Laymo0ona]

انا ولدي حيل عسر ومايسمع الكلام راح اتفشل بالطيارة !! اكتفيد نفس الزيرتك كنت اشربه اذا استمرض وهم ماينام!!
في وحده قالتلي عن دوا اسمه داميتاب احد سمع فيه؟؟

 

[فجرالاحساس]

انا بعد ولدي ما قام الاكتيفيد ينفع معاه..بس الفلدركس لا نومه على طول..بس اهوا اساسا كان منشول
يعني مو عشان انومه
بس مره قالي الصيدلي انه فيه شراب اعشاب من ماركة بامبي يساعد على النوم الهادي (جذي مكتوب عليه) بس ماجربته

 

[-مذهلهـ-]

نفس الحاله
الله يعينا ان شالله

 

[meen_ana]

خليه يسهر ويلعب ويتانس عشان قبل لا يركب الطياره يكون خلاص مهدوود حيله وفيه نوم

 

[Laymo0ona]

المشكلة انه بنطب فرانكفوت و نقعد 5 ساعات هناك والطيارة الساعة وحده بالليل تطير من الكويت يعني لو بينام بالطيارة تقريبا 5 ساعات من الكويت لي فراكفورت راح يقوم بالمطار ويشتر وعقبها ورانا طريج 9 ساعات!!! هذا اللي خايفة منه انا

 

[kaboOOOOOOOOsa]

عادي يوم السفره عفسي نومته عشان ينسطل بس يبي انام واخذي معاج مخده وكفر عشان اكمل نومته بالمطار لاتقعدينه واخذي اللوان اذا قعد عطيه خليه الون