منهي مثلي ؟تعالن نتناقش

[ام الطناقر]

من شوي دقت عليا حماتي تقول عسى ماشار وش هالقطاعه عاد انا اطلع واختلق مليون وزوجي يزعل اذا ماقعدت معهم بالجمعه_سوعالي هل تتأثر علاقتس مع رجلس والسبب هالموضوع؟ انا لاحظت اذا مارحت لمهم زوجي مايجيني'..

 

[شيهانة الكويت]

رد : منهي مثلي ؟تعالن نتناقش

بالعكس ليش ماتروحين صلة الرحم واجبة باجر بصير لج عيال ان شاء الله لاتعودينهم ترى مهما يكون اهل ريلج
اذا راضيتيهم كأنج راضيتيه
صدقيني هذا من منطلق خبرتي >>>>>>>حلوة منطلق

 

[Wi-Mi]

اي صلة الرحم واجب ... بس الصراحه انا ريلي ما يتضايق الا لما يكلمونه .. لانه انا معاهم بنفس البيت و ما اطل عليهم p; <<<قوات عين

انا الصراحه عندي اعذاري لانه مالي خلقهم لانهم ما يقصرون فيني .. و انا اصلا حامل و مابي اضيق خلقي بسبتهم .. و ما ابي اشتكي حق ريلي منهم لانه اكيد 100% ما راح يرضى على اهله .. يعني مثلا لو قتله اهلك و لا امك و لا ابوك و لا اخوك ... لانه مره كلمته عن اخوه ما رضى عليه فأنا شايلة نفسي من نفسي و المشكله يتشرهون .. شوفوا اول انتو شقاعد تسوون

بس عشان ريلج ... و انا مع اختي شيهانة الكويت بكل كلمه

تحياتي شيهانة الكويت

 

[رق رق]

روحي بالاسبوع مرة على الاقل عشان ريلج مو حلوة اهوة يروح ابروحه بدونج شكله غلط ....

 

[*ماي الورد*]

رد : منهي مثلي ؟تعالن نتناقش

طبعا ياثر على علاقتج

كلما عزيتي اهله يحبج حتى لو يغثونج تحملي

 

[الشهد كله]

والله إذا يحبونج ويسألون عنج ويبونج روحي ليش لأ ؟؟؟​

 

[منيرة خالد]

حلو توصلين اهل زوجج ، ترا اهم ما يعتبرون من صلة الرحم لكم - لكن صلة رحم عيالكم والاحسن انكم تربون عيالكم على صلة رحمهم خوالهم واعمامهم

 

[شنكولة]

صلة الرحم واجبه

 

[انا مو هني]

رد : منهي مثلي ؟تعالن نتناقش

زوريهم وقدريهم بالمناسبات واليمعات
عشان يقدرونج بعدين سوائن بولاده عرس او شي ثاني

 

[أنفاسي دخون]

اشدعوا رجلش هذا يموت بسوالف الحريم اجل !!!! اسمحيلي بس دبل كبدي

والله انا وحده ازور حمولتي اسبوعيا وبننا مسايير انا وحمواتي ومرات نطب على حمولتي نص الاسبوع نسلم ونتقوى ونمشي ابو ساعه تقريبا فما فيه مجال انهم يدقون ويتشرهون بالمره

وانتي نصيحه لش زوريهم واوصلي رحمش عشان الله مو عشان احد ثاني

الدنيا دواره وانا اختش ولا كبرتي تبين اللي يوجبش ويقوم فيش بس ما تلاقينه لانش ما بديتيه

 

[ام الدرر]

حديث الرسول صلى الله عليه وسلم ((ان تخالط الناس وتصبر على أذاهم خير من ان لا تخالطهم))
مافيها شي لو مريتي يوم زوارتهم وقعدتي لج ساعة ولا ساعتين
حبيبتي لاجل عين تكرم الف عين
عشان زوجج اشتري رضاه وراحتج ​

 

[الأميرة جوري]

رد : منهي مثلي ؟تعالن نتناقش

مايخالف علشانه شسوين بعد

 

[فوفو22]

رد : منهي مثلي ؟تعالن نتناقش

ما يصير تبون الزوج وما تبون اهله!!!

تقدير اهله

هو جزء من تقديره واحترامه

هذولا طال الزمن او قصر اهله واعمام وعمات عيالج

فالتواصل معهم هو نوع من البر وصلة الرحم

وتقدير للزوج ...

فوفو