منهج رياض الاطفال الجديد

[مُن مُن]

اكيد الكل سمع انه في مواد ستضاف الى رياض الاطفال .... الي اهيا العربي و الرياضيات
خلونا نتشارك الاراء هل انتم مؤيدين او معارضين ؟ و ليش؟


و اول شي راح ابدى بنفسي
معارضة و بشده ............. و اذا بطبقونا يوفرون لنا معلمات متخصصات ... مو كل شي على ابلة الروضة

 

[النبيطة]

في جميع روضات الرياض (السعوديه )الخاصة سواء بالف ريال او بعشرين الف يوجد منهج موجه يعني تعليمي (رياضيات+ قراءة )
اما الحكوميه فبدوا من فترة تطبيقها ولكن مو مثل الاهليه او الخاصه
يعني ضروري بطاقات الحضور فيها الاسم والحرف+عرض لحرف وتخطيط لكتابته
تدرين ان بعض الروضات في حفل التخرج الاطفال يقرون اوراق الحفل
يكتبون املاء+ قراءة الارقاممن 3 خانات
وهذي طبعا يحطون معلمات خاصين لهالتعليم طبعا خريجات رياض اطفال بس مايجلسون مطور (حلقه + اركان )
يعني بس لهالاشيا

 

[الشهدوالدموع]

حبيبتي انا مؤيدة وبشدة لاضافة المواد ...بس على شرط يعطونا دورات حق كل منهج يبون يضيفونه ..وايضا يوفرون مختصين بعدين حبيبتي احنا تخصصنا مواد عاامه يعني بتاع كلو....احسن من مااادندرس خبرات ماااالها معنى وشكرا على طرح الموضوع

 

[عالي مستواها]

الله يعين

كل سنة منهج جديد .. واحد أفشل من الثاني

الحين المنهج المطور مال الخبرات شنو يستفيد بالله الطفل منه ؟ النفط ثلاث أسابيع نعلمهم موانيء وحقول معلومات ماااااااالها معنى

انا ما أؤيد يدخلون مواد قراءة وكتابة لانه صعبة وعبء كافي اللي علينا بعد يزيدون هم ثاااني .. يبون يدخلون قراءة وكتابة خل يجيبون مدرسات عربي أو رياضيات ..
بعدين بعض الأطفال قدراتهم العقلية والجسمية ما تسمح يكتبون بهالعمر .. المدارس الخاصة مدخله القراءة والكتابة بسن الروضة عشان تجذب أولياء الأمور يعني انجاز لو ما سووا جذي منو بيجيهم ؟

الرياض المفروض تهيئة لاااحق على القراءة والدراسة

 

[رفرف]

انا أأيد وبشددددددددددة ..


لي متى يدرسون عيالنا اشياء مالها معنى ؟؟
يعني انا مادري انا مدرسة ابتدائي بس انتو مدرسات الروضة مقتنعين بالمناهج ؟؟
احس ماكو استفادة كلللللللللللللللللللللش الياهل يصك ال6 سنين مو عارف شي الا يغني ويرقص بحفلات التخرج ..
لي متى واحنا عيالنا كلهم بمدارس خاصة وخير ديرتنا مو لنا ..


خل ايحطون مناهج مثل الناس ما تشوفون مخرجات التعليم خرطي ..
وخل يوفرون مدرسات متخصصين زيادة مو غلط ..
هم ما يصير العبء كل عليكم .. الله يعينكم الصراحة ..

 

[الرزينه]

:0bee2e8d89:انا مع اضافة امواد بس خل اييبون مدرسات كافي علينا الحركيه البايخه حتى المرسم المفروض في مدرسه مو كل شي على راسنا صايرين بتاع كله اندرس كل شي لاومن غير منهج كل وحده اهيه وقدراتها

 

[مُن مُن]

خليهم يوفرون معلمات ... و راح يشوفونا اشلون بنبدع

 

[ضحـاوي]

انا بعد أأيد

وياااااااااااليت يحطون مواد في رياض الاطفال

عيالنا يطلعون من الروضه ما يعرفون شي

نضطر ندخلهم حضانات او مراكز تاسيس قبل المدرسه

 

[al7reyaa]

السلام عليكم


اشوه اني دخلت هالموضوع كنت بستخير ادخل اعيالي حكومه علبوا عندنا التزامات لالا خلهم على الخاص

 

[al7reyaa]

كنت بدخل اعيالي روضة الاطياب

http://www.q8yat.net/showthread.php?t=150939

 

[د.شريفة]

انا الصراحه اؤيد انهم يدخلون المناهج بالروضه
كاهم اليهال في الروضات الخاصه ماصار فيهم شي
بالعكس احسن لهم خل يتعلمون
بس طايحله لعب لعب لعب ورقص وماما انيسه
وبعدين شنو يستفيد حتى مايعرف يمسك القلم ولا تسمعينهم يقوووولوون شي كلش مثل مايروح يرد

بس الحين بما انهم حطوا المناهج اليديده انا ولدي ان شاءالله شهر 9 يدخل الروضه وناويه ادخله حكومه

 

[miamy]

احنا وايد مضغوطين بالروضه

اذا بضيفون مواد عيل خل يشلون عنا الحفلات والتدريب اللي ماله معنى

ذبحونا، سووا مجله حق الروضه، نشاط نموذجي، حفلة موسيقى، مهرجان كتابه....و....و.....الخ

احنا ماكلينها واليهال زهقوا من التدريب

لأ لأ الصراحه طفشوني

(حددي مشحونه ها.....هههههههههه)

 

[* @ * كرستال * @ *]

اللي يدري يدري واللي ما يدري يقول لعب ورقص

طريقتنا باعداد الدروس متعبة ومكلفة وفوق هذا يدشون ينقدون

والنقد يكسر المجاديف

والمدارس الخاصة وسيلتهم السبورة الذكية

برنامج تربوي جاهز والمدرسة تطلب من الطفل حل الرموز واهى واقفة مكانها

برنامج يقدر الطفل يكتشفه بروحة ـ والمدرسة دورها ارشادي لا تعب ولا تكاليف

وواجب يحله بالدفتر واهو قاعد على طاولته وكرسيه الخاص

حتى المدرسة لها مكتب داخل الصف

رياضنا ما علمت الأطفال الا الفوضى ويسمونها زرع الثقة والاعتماد على النفس

​

 

[رفرف]

كرستال ..


انتو يعطيكم العافية ..
بس للأسف طريقة المناهج ووزارة التربية كلها عموما .. تعب وكرف بدون مردود على مستوى الطلبة ..
يكرفونكم بتدريب الاطفال حق حفلة التخرج .. جنه حفلة التخرج اهيه الهدف اللي الياهل يقعد سنتين بالروضة علشانه ..
ونماذج دروس وورش عمل وصرف عالفاضي وفوق هذا اليهال مو مستفيدين شي لأن خبرات الروضة اصلا مالها معنى ولا تنمي عقل اليهال ..
اصلا معروف اليهال بالعمر بأعلى مستوى ذكاء لهم كثر ما تعطينهم يستقبلون ليش اعطيهم رقص واغاني وخبرات تافهة بس ؟؟

تخبط في تخبط الصراحة ..

 

[أوركيد]

أنا ابلة روضة ...وعيالي بالخاص ...لأن الصراحة ابيهم يتعلمون شي يستفيدون منه ..شي ملموس ويساعده لي دش المدرسة ..ويكون بيسك حقه ...

اي نعم المدرسات تعب وكراف ومجهود ...لكن الملموس شنو!!!!!

ليش نخلي مستوى الطفل يختلف من صف لي الثاني (حسب الأبله)..فيه مدرسة تعطي من قلب ...وفيه مدرسات....بدون تعليق..

المفروض يكون منهج واحد وتمشي عله كل المدرسات ..ويرجع للطفل بالفايدة ..

وبلاها الحفلات والتجمعات اللي مامنها فايدة ..

ان شالله يتطبق وبأسرع وقت

 

[اخت الغالي الغائب]

المفروض يعطونهم قراءه ورياضيات على الخفيف ويكون فيه منهج يمشون المعلمات عليه وليش يوفرون معلمات متخصصات؟اجل هذول شنو مو خريجات جامعه اذا خريجة الجامعه مو قادره تدرس طلاب الروضه رياضيات وقراه وبعض المهارات والصف مكون من 20طالب بالكثير شتستحل معاشها فيه تقعدبيت اهلها احسن شفنا مدرسة روضه موقفه فراشه على الصف وهي تشرب قهوه وجاي وتسولف مع زميلاتهاوفيه رياض حكوميه احسن من الخاصه بكثير وابلاتهامجتهدات بس ينقصهم المنهج الناجح ياليت الوزاره تطور مناجها لجميع المراحل وشكرا لصاحبة الموضوع

 

[الحياة]

اوكي انا ابلة روضة


بس اذا بيحطون هذا المنهج اليديد لازم يحطون ابلات متخصصات بهالطريقة
لانه احنا المعلمات حق الرياض مو شرط عندنا خبرة باللغه العربية او بالرياضيات كبيرة تساعدنا للإبداع..او انهم يعطونا دورات مكثفة ومايتطبق الا اذا الكل اخذ دورات

 

[al7reyaa]

جزاكم الله خير
الله يوفقكم
والله يعطيكم العافيه
والله ماتقصرون بنات الديره

انا ولدي بالخاص عنده مدرسة العربي بروح
مدرسة الانجليزي بروح
ومدرسه تساعد المدرسات الرئيسيات بروح غير الرياضه والمسجد


ليش ننحاش ياعالم من الحكومه


بنت اختي بروضة حكومه
روضتهم نشيطه يدخلون الاطفال علوم مرحه و تاهيل حق الابتدائي واسمع اختي تسولف عنها


مشكلتهم العصر ؟؟ اي ليش مو الاطفال عندكم من 8لي12 اشدعوه علموهم الصبح ابرك من مشتركه بالموسيقى الصبح


عموما عساكم على القوه

 

[& شهد &]

انا سجلت عيالي بخاصه عشان ارتاح بالابتدائيه

كاهم اليهال ما صار فيهم الا الخير يعرفون يقرون ويكتبون ويروح الابتدائيه عندهم خلفيه زينه عن القراءة والكتابه

المدرسات برياض الاطفال والله ما يقصرون واشوفهم شوف العين تعب ومراكض ورى اليهال بس ما في باليد حيله المناهج فاشله حدها والاهتمام الاول والاخير على الحفلات والتجمعات

 

[mooomooo]

يا ناس انا ابلى روضه وعيالي خاص

واذا بطبقون القرار لازم يدروسنه عدل

مو خذوه فغلوه

يعني بنتي قاعد تاخذ خبرات وهم مع الخبرات يتسلسلون بالاحرف والاعداد

هم بنتي نفس الحرية ابله عربي وابلة انقليزي وبينهم ابله مساعده


والله كابلات نعطي من قلب بس هذا المنهج