منهج العلوم - أولى إبتدائي

[omajiad]

إبصراحة إشرايكم بمنهج العلوم للصف الأول الإبتدائي أنا بصراحة مو عارفة أحل أي شي :0bee2e8d89:

وكله رسم يعني طفل بأولى شنو يعرف يرسم :eh_s(1):

بصراحة أنا أم وكرهته إشلون اليهال؟؟؟؟؟؟؟

 

[شووكولاته]

نفس حالتي لا ورسمي مراحل نمو النبات والله انا ماعرف أوف

 

[**سما**]

ليش انتو ترسمونه
المفروض المدرسة ترسمه مع البنات بالصف انا بنتي جذيه مسويه
شنسوي مع التربية كل شوي مغيرين المنهج واحنا اللي ناكلها
الله يعين

 

[الاخلاص]

حسبي الله عليها من وزيرة دهورتنا

 

[أم حمـــــودي]

اي والله يبتي موضوعج وحطيتيه عالجرح عاد انا اليوم طاقه بنوتي والسبه ابلة العربي وبعدها هديت وفكرت ان للاسف ابلتها اللي تعبانه والعيب مو ابنتي ،، كل يوم تشتكي وتقول البنت ضعيفه وديروا بالكم عليها ولما ترجع البنت البيت اكتبها واجبها واعطيها واجب اضافي من عندي ولله الحمد صج انها بطيئة بس زين منها توها يا ناااااااس اولى ابتدائي اشلون تبون خطهم وسرعتهم تكون ؟ عاد قلت لختي تروح باجر وتشوف اشسالفتهم ؟ انا ماقدر اروح ريولي منكسرة بعيد الشر عنكم وكلفت اختي تروح تشوف شالسالفه ؟ وعاد صج المنهج حده هالسنه خربوطي والله صج اعفستنا عفييييييييييسه هالوزيرة

 

[Om_RayooMa]

انا مادري عن العلوم بالمره كتاب العملي عند الابله اللهم جلدته وبس
ماشفته وماعرف ادرسها شي من العلوم
ولا ادري لي وين وصلت

 

[ام الفهد712]

واااي اي والله انعفسنا مع المنهج اليديد ولا بعد ثالثه ابتدائي تعالي شوفي الرياضيات والعلووم الله يعينااا ويعين عيالناااا

اي اي ام حموود ان شاءالله باجر بسألج عن بنووتج لا تحاتين افا عليج بس

 

[akadenia]

انا بعد دايخة مع هالمدرسة التعبانة

يعني رياييل اللي يدرسون ولدي

وكل ما اسأله شنو اخذت يقول ولا شي
شنو درست ولا شي

شنو قال المدرس ولا شي

مدرسة ولا شي

ماكو غير سالم وعبير
سالم وعبير
سالمن وعبيرو

وبعدين

الرياضيات

لون النمط

بس صفحة وحدة ماكو غيرها لا واللي يحركم ان امس فتحت الكتاب وانا كل يوم والله افحص الكتب كلها كتاب كتاب امس لقيت علامة استفهام

يا الله
من وين يت ومتى كتب انها واجب وانا اشدراني انها واجب

شلون يعني

الدين او اسلامية ماكو غير الفاتحة وكلمة الله ( جل جلاله ) بس بس


الانجليزي بس لون الاراجوز بس بس بس

 

[rzaan77]

واى صج المناهج هالسنه وايد صعبه شنو اولى ابتدائى شنو اسامي اعيال الحيوانات لا غيره وغيره لا والكتاب الي باسود وبيض والله اذا انا مو عافه احل لانها تجارب والمفروض بالصف مو بالبيت واي صج متخصبكه والكل متخصب على هالمنج
لا انا ولدى كتابه العربي غير مو عبير وسالم لا منهج جديد معطينهم مختارين جم مدرسه امل فراشة بيضاء واسراء فراشة ملونه اشايكم بالمنهج الديد على حضى احس الكلمات صعبه على اولى ابتدائي

 

[omajiad]

لا وكلش ولا درس الريشه رسميها اشلون اطيح على خمس مراحل

وبصراحه حرام إندخل عيالنا دروس تقوية وهم صغار راح يتعقدون ويحسون إنهم الضعاف مو المنهج أو المدرسات

 

[noooor]

آنا متوهقة بالريشة على خمس مراحل . منو تعرف تفيدني الله يعافيكم؟

 

[المهـــــــــــا]

عز الله صاااجين تكفون قولولى شنو موضوع ها الريشه اللى مدوخينا عليه وكل ما تروح بنتى تحطلها على الصفحه علامه استفهام تبيها تحله اذا انا مو فاهمه شسالفه شلون بنتى حسبى الله عليهم المدرسه المفروض تسوى التجربه وتحلها مع البنات مو تخليه واجب داام انا اللى بسوى تجارب وبحل عيل ليش موديتها للمدرسه بس حق ها العباله كل صبح اقعد والبس واودى من الساعه.30 7 لى الساعه 1,20 بذمتهم شيسوووووون

وارد واقول اللى عنده حل لريشه ينقذناااااااااااا

 

[ام ناييف]

شوفي المنهج حلو وترى عيالنا راح يستفيدون بس شنو المشكله

المدرسات مو واضحه عندهم الصورة ومو عارفين يدرسون الماده صح
انا الريشه قعد ساعه ابي افهم شنو سالفتها ما عرفت

وبعدين المفروض يعطونا اوراق توضح لنا طريقة التدريس
الرياضيات كل يوم رقم جديد ولا المدرسه تقول ليش بنتك ما تكتب الرقم عدل
بسم الله ما امداها تكتبه امس الا رحتي رقم جديد بعدها ما تمكنت من الاول علشان تعرف الثاني

والانجليزي ما كو شي كله بالشريط والقهر بالاجتماع التنويري تقول المدرسه الاولى كتبوا بناتكم الاحرف والارقام بالانجليزي
وخلوهم يعرفون يقرون الكلمات
طيب اي احرف تكتب وشنو الكلمات الي تقراها الغاز

معتمدين علينا احنا ندرس ونعلم وانتم شنو مهمتكم

 

[بنت الكويت1]

الله يعين والله صج تعبنا هي اول السنة

 

[ام لآلئ]

[b ]بسم الله ابتدي
مشكلة العلوم ؟؟؟ آآآآآآآآآآآآآآآآآآآآآآآآآآآآآآآآآآآآآآآآآآآآه يا العلوم
شلون ياهل توها تمسك القلم وتدرس وتكتب وتتعلم وتقرا بتعرف ترسم (النبات ينمو/أجلكم الله "الحيوان" كامل ولا بعده/..زواحف ولا تمشي) ولا ولا ولا انا عصبت على بنتي ومي وخواتي والسبه المنهج التعبان ،، الوزيره لمن سوت المناهج اكيد عبالها قاعده اتسوي مناهج حق عباقره مو طفل ما كمل عمره 7 سنوات ،، انا بموت من الحره والقهر والمصيبه ان ابلة العلوم مخليه الكتاب عندها وتحط درجات على الكتاب اذا كامل ولا لأ (تبي ياهل تعتمد على روحها المنهج اللبناني الخايس"آسفه") تحط حق بنتي 2,5 واااااااااااااي ضغطي صار حده عالي[/b]

 

[omajiad]

صج قهر

وعلى فكرة درس الريشة كان على بالي رسم طلع مو رسم أرقام وأنا مو فاهمه منها شي وأسأل بنتي تقول اشدراني الأبله إكتبتهم بشوف الحل اليوم إن شاء الله وبنقله لكم.

 

[أمواج البحر]

اممممم ما حسيت المنهج صعب بس يبيله فهم اكثر

ومدرسات عيالي الحمدلله زينين و ايوني البيت فاهمين و حالين بالصف

 

[omajiad]

أمواج البحر

عيالج مدرستهم بأي منطقة؟

 

[أمواج البحر]

بيان

 

[maryam_q8]

منهج العلوم جدا صعب وليلجبن ماني عارفه ادرس بنتي