ابشرج حبيبتي راح يتم المنهج الجديد ومكملين عليه للصف الرابع
على فكرة العلوم لابأس فيه بس المشكلة في عدم تدريب المعلمات الجدد والقديمات أيضا على كيفية عرض المنهج والاستفادة الفعلية من كم المعلومات والافكار الموجودة للأسف
أما عاد منهج الرياضيات هو اللي فعلا يعتبر كارثة كبيرة جدا جدا الطالب في الصف الثالث يئن تحت وطئة هالمنهج الدسم وطالع منه ما عنده الوقت يحفظ حقائق الضرب إلا جايه ضرب في عدد من 3 أرقام طيب خل يحفظ الجدول أول و وراه جايته القسمة بأنوعها ويختمونها بالكسور الاعتيادية والعشرية يعني نقزوا من منهج ثالثة إلا هم في خامس وإن كانت المهارات أولية بس هم كثيرة
لا والأدهى والأمر لما تجي المعلمة وتجمع كل هالمهارات في ورقة عمل وحدة وتقيسها في حصة وحدة وبعدين توزع درجتها اللي يفترض إنها مقسمة على 3 أو 4 أوراق متفرقة خلال الفترة الرابعة
أمانة مو ظلم هذا تروح درجات الطلبة أدراج الريح يعني وين يركز
آسفة على الإطالة بس والله من الظيم اللي شفته اليوم وأنا أدرس بنتي من ص 54 إلى ص 91 تقول في المتوسطة مو 3 ابتدائي
لا ويقولون ملف انجازي عشان نلغي رهبة الامتحانات عن طالب الابتدائي
يااااااااااااااااااخرطي
