منهاره نفسيا بسبب بنتي ..

[كجمايا]

السلام عليكم ورحمة الله وبركاته ..

شلونكم امهات ..

انا ببدي بدون مقدمات ، انا نفاس والده لي 11 يوم ، ونفاس عند اهلي وصار بالبيت عدوى لعيال خواني نزله معويه عزكم الله ترجيع واسهال ، وحيل اكتئبت خايفه ع بنتي المولوده لا تنعدي ، بليز ريحوني شنو اسوي ، طول يومي ابجي متضايقه خايفه عليها ، شالحل ، هلفعلا تعدى النزله المعويه عن طريق النفس ، شسوي حزتها اذا اعدتها . تكفون ريحوني والله تعبانه من الخوف عليها ..

 

[لمسات فتاة]

ان شاء الله ماكو الا العافيه

استودعيها الله وحصنيها بالاذكاار وتوكلي على الله حق التوكل ..
والطفل لابد يمرض ..

الله يحفظها

 

[ناتشوو]

تعوذي من ابليس
وروحي الطبيب
لو حسيتي باي شي
الله يحفظها

 

[دلع الشمال]

حبيبتي الحمد الله على سلامتج
انا دايمااا ابخر البيت بعلك مر هو يعقم البيت وهالشي بتوصيه من الرسول الكريم عندما جاأهم مرض معدي للقريه

وقال عليكم بعلك المر انه يعقم عن الامراض

 

[ي حليليِ]

سمالله عليها الله يحفظها لج ان شالله

 

[PuPa^^SWeeT]

لاتعرضين بنتج لاحد ولا نتي



وخليج بدارج




واذا صار فيها اسهال ولا ترجيع


وديها الطبيب يعطيها دواا

 

[كجمايا]

ان شاء الله ماكو الا العافيه

استودعيها الله وحصنيها بالاذكاار وتوكلي على الله حق التوكل ..
والطفل لابد يمرض ..

الله يحفظها

الله يسلمج لمسات الحمدالله انا احصنها بالاذكار والادعيه ، بس كنت ابي احد يطمني ومروركم طمني الله يجزاكم خير وعساه في ميزان حسناتكم ..

 

[كجمايا]

تسلمون ناتشوو ، دلع الشمال ، ي حليلي ، PuPa .. لما قريت ردودكم ارتحت نفسيا الله يجزاكم خير ولا يحرمكم الاجر ..

 

[بـ سـ كـ وتـ ة]

ما عليها شر ان شالله وما أعتقد إن ينتقل بالنفس بس مو متأكدة

أهم شي اهتمي بالرضاعة الطبيعية اهي اللي تعطي الطفل مناعة سبحان الله

والحمدلله على سلامتكم ومبروك ما ياج حبيبتي

 

[حروف من ذهب*]

الحمد الله ع لإسلامه
كلنا صارت بعيالنا هلعدوه ويقولون فايرس بالجو وكانت أمي ترش ديتول بكل مكان وان شالله مأكو إلا كل خير

 

[attoosh]

رجاءا لا اتضخمين السالفه شدعوه توها صغيره وهذي اللعبة عادي كل الكويت يلعبونها مع ناس غريبين شنو المشكله

 

[attoosh]

وييه ما عليه اختي انا كنت برد على موضوع ثاني وصار بموضوعج بالغلط
اسفه حبيبتي

 

[كويتيه شماليه]

بخري المكان بمُره

وانتي بعد ديري بالج على نفسج لا تصيبج حمى النفاس مو زينه

وحصني نفسج وحطي ايدج على راس بنتج وحصنيها بدعاء الرسول عليه السلام للحسن والحسين موجود بحصن المسلم