منظار المعدة أرجوكم الي مجربة تكلمني عنه

[حنان 84]

سلام بنات
صارلي سنه ونص وانا اجل بموعد المنظار للمعدة
وتعبانه بس ميته من الخوف
ياريت الي محربته تكلمني عنه
والي تتكلم عنه تقولي وين سوته حكومه ولا خاص
واذا خاص اي دكتور وبجم

 

[the white heart]

حبيبيت واااايد سهالات لا تخافين ولا شي .. انا سويته قبل سنة برويال حياة سوولي تخدير كامل ... أول شي دشيت غرفة جهزوني وركبولي المغذي وبعد شوي جا الطبيب وعطوني إبرة نمت على طوووول وبعد 20 دقيقة بالظبط قعدوني وحطوني بالإفاقة ساعة وبعدين ودوني غرفة قعدت فيها مع أختي وجاني الدكتور وعطاني النتيجة وعطاني موعد بعد أسبوع علشان نتيجة العينة الي خذوها .. والله يسهل أمورك

 

[$نرجس$]

رررفع

 

[حنان 84]

حبيبيت واااايد سهالات لا تخافين ولا شي .. انا سويته قبل سنة برويال حياة سوولي تخدير كامل ... أول شي دشيت غرفة جهزوني وركبولي المغذي وبعد شوي جا الطبيب وعطوني إبرة نمت على طوووول وبعد 20 دقيقة بالظبط قعدوني وحطوني بالإفاقة ساعة وبعدين ودوني غرفة قعدت فيها مع أختي وجاني الدكتور وعطاني النتيجة وعطاني موعد بعد أسبوع علشان نتيجة العينة الي خذوها .. والله يسهل أمورك

تسلمين حبيبتي على الرد
والله اهنيج على شجاعتج انا جبانه وخوافه
رغم اني اعاني حييل من المعده
بس قوليلي تحسنتي بعد المنظار ؟
ولا بعدج تعانين

 

[حنان 84]

في احد مجرب الدكتور مساعد العصفور ؟
وكم تكلفته ؟

 

[mr00m]

انا سويته بالحكومه وكنت مخدره م حسيت بـ اي شي
حتى بعد المنظاار

 

[the white heart]

حبيبتي المنظار للتشخيص فقط .. مو علاج

 

[ii DareeN ii]

سويته بالاميري مرتين وماحسيت بشي بس لازم تروحين صايمة وبتخدير ماتحسين بشي واهو يشخص لج سبب الالم او التعب الي تعانين منه بالمعدة مو علاجي واحيانا ياخذون عينه ومراح تحسين فيها

 

[noor salam]

بسم الله ما عليج الا العافية انا سويته في مستشفى الاميري يعطونج بنج موضعي و ان شاءالله ما كو الا العافية
وما تشوفين شر

 

[am faisal]

حبيبتى سهالات وما تحسين بشى وهم بالمنظار يعرفون شنو المرض ويطونج مضاد لة وسويتة عند عماد الحمر دار الشفاء

 

[أم حووور81]

انا سويته بالحكومه بمبارك مع انهم خدروني موضعي بس حسبي الله عليهم والله حسيت بكل شي
وحسيت جنهم مدخلين هوز ابلعومي بغيت اموت كنت مو قادره اتنفس ومن كثر ما هالشي أثر فيني ثاني يوم طلع بعيوني نقطة دم متجلطه والله خفت بس الحمدلله بدى يخف بعد يومين
مابي اخوفج بس هذي تجربتي بكل اماانه وكل وحده على حسب استجابتها للبنج يمكن انا ماضبطت معاي

 

[ريسان]

انا سويته 3 مرات و محد عرف مشكلتي الا دكتورة وفاء الحشاش و الله انها اتينن و انصحج اتروحينلها و اهو بنج عام و ما تحسين بولا شي سويتها بالمواساة

 

[معشوقتي امي]

حبيبتي اللي تسال عن الدكتور العصفور
اقولج روحي وانتي مغمضه انا جربته في مرضي الله لايبلاكم
والمنظار مايخوف توكلي علي ربج وسويه
والله يشافي كل مريض يارب

 

[PrettyPretty]

لاتخافين عادي انا زوجي سواه عنده ممتاز الدكتور وان شاءالله ماكو الا العافيه وماتشوفين شر

 

[اميره1980]

انا سويت منظار المعدة لاني قبل عملية التكميم دكتوري طلب مني اسوي منظار المعدة و سويته بعيادة الدكتور فهد النجار
و الله سهالات عطاني بنج خفيف و نمت ربع ساعة بس و قعدت و ما حسيت بولا شي و النتيجه عطاني اياها فورية و على سيدي بعد
لا تخافين و الله سهالة تحسين جنج ماخذه غفوة بسيطة و بس

 

[شندوخه]

حبيبتي الف سلامه عليج
ولاتخافين ماراح تحسين باي شي لانج تتخدرين .. والمنظار مو علاج المنظار يستخدم للتشخيص واخذ العينات من المعده
وانا سويته بالاميري والسلام والصباح وعيادات خاصه
بس اذا تبين شوري ونصيحتي سويه بمستشفى مو عياده خاصه احسن واظمن
وكيفج تبين خاص ولا حكومه لان ماتفرق

 

[غـلآوي ّ ~]

في احد مجرب الدكتور مساعد العصفور ؟
وكم تكلفته ؟

أنـآآآآآآآآآآآآآآآآآآآآآآ

سويته بـ 140 مـع العيـّـنه و سهالات ماحسيتّ بشئ كلش ملش
بس تكونين دآيخه شوي لازم احد معـآج

 

[ام نايف::]

الله يشفيج يارب اهم شي ونصيحه مني لوجه الله سويه وتوكلي على الله بس اهم شي وانتي مخدره .. يعني تخدير كامل

 

[بنت السلطان]

انا مسويته خمس مرات عادي مااحس باي شي بس خاص مو حكومي

 

[بنك بااستا]

والله يخوف