منصددددددددددددمه

[ملامح جنونيه]

السلام عليكم

شلونكم بنات

طبعا تعرفوني من فتره بالمنتدى والكل يعرفني اني عايشه حياه زوجيه سعيده

و الحمدالله الله لايغير علينا انا مو مقصره على زوجي بشي ولاهو مقصر علي و ماخذين بعض بعد حب طويل الحمدالله

المهم السالفه ومافيها

والله يابنات

زوجي قبل امس

سافر عندهم دوره للجراحين

و هو راح وياهم

بمصر

المهم

امس ردلي وهو ماصارله الا السبت سافر

استغربت قتله فلان فيك شي

لقيت وجهه مبين عليه التعب والارهاق وشكله مانام ولا اكل شي

قالي تعبان قتله شفيك

بجى عندي وقالي وربي مالي دخل

قتله شفيك

يقولي امس اول ماوصلنا الظهر

ريحنا بالفندق

و بعد المغرب قررو الدكاتره يطلعون لان على اساس الاجتماع امس

طلعو ونزلو تحت بلوبي الفندق

المهم يقول وربي مادري شنو مسوينلي ربعي الي معاي

يقول والله مادريت عن نفسي الا وانا بالسرير مع وحده :eh_s(12): والله يقول عصبت وقلت انتي منو و شلون جيتي هني تقول انها كانت من طرف ربعه تقول حطولك شي يسكر بالعصير وخلوك ماتدري عن نفسك وجابوك عندي

يقولي وربي وقتها بغيت اذبحها طلعت على طول ورحت لربعي بالفندق وكفختهم و مابقى كلمه ماقلتها لهم و طلعت و حجزت اول طياره تردني الكويت ويقول والله يا حبيبتي لو انا بخونج ماكنتي شفتيني برد على طول الصبح ثاني يوم ولا شفتي وجهي شلون صاير انا مصدقته والله بنات بس مادري مو مرتاحه اول مره تمر علي هالحاله

وربي بنات انا وياه ماخذين بعض عن حب طويل

انا اول حب بحياته

و هو بعد

و كل شي بينا مع بعض وماقصرت عليه بشي وماقصرت علي بشي والله الشاهد

و يحبني واحبه لدرجه مو طبيعيه ومافي شي يخشه عني حتى هالشي على طول قاله لي

انا مصدقته بس بنات والله مو مرتاحه قولولي شسوي والله حدها نفسيتي تعبانه من هالشي

 

[دنياالوله]

لا اهدي واحمدي ربج حبيبتي انه اهو اللي قالج مااكتشفتي هالشي بروحج
جان متي من القهر
هدي ريلج ودايما ذكريه بالله وخليه يستغفر واذا قدرتوا تروحون للعمره مع بعض عشان تهدي نفسياتكم
الله يعينه ويعينج
ويصبر قلبج

 

[نغم الخلود]

يابنت الحلال لاصدقيه مبين انه ماجذب عليج وخليه بوخر عن ربعة الخمة واحمدي ربج انه علي طول حجز وردلج بس اهم شي يبتعد عن ربعه اللي ماوراهم الاخراب

 

[Tulips]

رد : منصددددددددددددمه

حبيبتي ليش تحاتين كاهو قالج الصج وماخش عنج شي .. وكان ممكن يزف ربعه و يكمل سفرته و اجتماعه

بس بالعكس حجز باول طيارة ورجعلج ..

لاتخلين الشيطان يوسوسلج

 

[blue diamond]

ما تقدرين إلا انج تدعين ربج انه يبعده عن ربع السوء
واستغفري وايد
ودام انه صارحج هذا اهم شي لانه اللي يبي يلعب راح يلعب من غير ما يصارح

بونفس الوقت حسسيه انج غرتي لانه في شباب يبون يحسسون المرا بالغيره فيخترعون اي سالفه جايده ويقولونها

 

[The Boutique]

رد : منصددددددددددددمه

مادري بس مبين يحبج وصريح دحري ابليس

 

[ليتني مـآ كبرت]

رد : منصددددددددددددمه



أخاف ربعه دازين له وحدة فيها مرض و يبون يعدونه؟؟

يمكن غيرانين من زوجج لانه متميز بوظيفته .. المهم الأكيد أنج مسامحته لانه قالج الصج و مالف ودار عليج

مو هذي مشكلتنا ألحين المهم تعرفين من زوجج لش دازينها لك؟؟ بينهم مشاكل ؟ عداوة؟؟

و الاهم خليه يسوي تحاليل .. الله يستر عليه و يحفظه لج ..

 

[عيوني خضرا]

استغفر الله ليش جذيه ربعه يسوون يا حسافة علي شبابنا للخراب شاطرين

يا ويلهم من الله حسبي الله ونعم الوكيل

 

[boliana_q8]

رد : منصددددددددددددمه

لاحول ولا قوة الا بالله
حسبي الله ونعم الوكيل عليهم عيال الحرام
حبيبتي الله يعينج بس شتسوين غصبن عليه الريال
والي فيه كافيه مسكين
واهو لو كان راضي ومتعود على الخرابيط جان مارجعلج
بس حبيبتي حطي بالج قوليله يسوي تحاليل وفحوصات قبل لا يقرب منج
الله يبعد الشر ماتدرين هذي من اي زباله يتايبينها واني بكرامة

 

[ملامح جنونيه]

رد : منصددددددددددددمه

الله يسلمكم و يعافيكم بنات

هو والله قالهم من يومها لا انا اعرفكم و لاتعرفوني والله بعد يدقون عليه مايرد وامس راح باليل غير رقمه عشان مايعرفونه

بس بنات والله متعذبه من التفكير بس انه وحده غيري لمست زوج حتى لو مايدري هاذي بروحها تذبحني

 

[نوره في وسط صوره]

قولي الحمدلله على كل حال صجنعور حتى لو اهو الي اعترفلج
بس دايما ذكريه ان يارب الله يغفرلك هذي كبيره انت زنيت وشلون يطيحونك بهالاثم
يارب لاتحاسبنا على مافعل السفهاء منا
وقوليله ان من يزني يزنى بعقر داره يارب استر علينا وعلى المسلمين ووووو
علشان لايستهين بالامر
والله يبعد عنكم عيل الحرام
حسبي الله ونعم الوكيل فيهم

 

[ملامح جنونيه]

رد : منصددددددددددددمه

عالفحوصات راح اليووم واشوه سوه و واحد من الي يعرفهم بالمستشفى طلع النتيجه و الحمدالله مافيه شي

بس الي قاهرني الي قتلكم عنه التفكير وليش ربعه سوو فيه هالشي

و هو بعد فديته وربي انه من رد لما راح للمستشفى يفحص اخذ اجازه مفتوحه

يقولي مابي اداوم ولا اشوف احد

وربي حده مكتئب

 

[نـور الكويت]

عسى الله يجمع ما بينكم

اي والله يكفى انه فتح قلبه لج وتعوذي من الشيطااااااااااااااان

والله يتمم عليكم

 

[boliana_q8]

رد : منصددددددددددددمه

لاحول ولا قوة الا بالله
حسبي الله ونعم الوكيل عليهم عيال الحرام
حبيبتي الله يعينج بس شتسوين غصبن عليه الريال
والي فيه كافيه مسكين
واهو لو كان راضي ومتعود على الخرابيط جان مارجعلج
بس حبيبتي حطي بالج قوليله يسوي تحاليل وفحوصات قبل لا يقرب منج
الله يبعد الشر ماتدرين هذي من اي زباله يتايبينها واني بكرامة

 

[Deeda]

إنتي أدرى

إذا تبين نقولج لا ما خانج .. ترى ما خانج
و إذا تبين نقولج خانج.. ترى خانج




إنتي أدرى فيه .. و بربعه
توصل بربعه إن يسوون هالحركة؟


ممكن نوعه يسكر ؟ و السكر وداه لهالمواصيل؟
فسواها و تندم و ألف له سالفة

ترى أسهل شي يحطها بربعه و حاطيله شي بالعصير و هو ماله ذنب
يطلع منها ولا هم يحزنون


ما نقدر نقولج شي
إنتي أدرى فيه .. و تدرين إذا تصدقينه ولا لأ

و إذا صدقتيه
طلبي منه يسوي فحص
ما تدرين هالمقرودة مريضة ولا شي

 

[ياعزوتي]

يآ حرآم مخترع ومنصدم آكثر منج هو

حسبي آلله على ربعه جعلهم آلمآحي آيه وآلله : @


ولآ تحآتين رجلج ولآ تخآفين عليه دآمه كآن صريح معآج ، بس هذولآ مو ربع هذولآ عيآل آبليس شنو رآح يسوي معآهم ؟!


ومآشآلله وآضح يحبج جعل ربي يخليج له ويخله لج يآرب وآلله يبعد عنكم عيآل آلحرآم


رددي على طول ( حسبي آلله ونعم آلوكيل ) وربي رآح يآخذ بحقج يآقلبي


××

 

[سموة الزين]

رد : منصددددددددددددمه

لاحول ولاقوة الا بالله حبيبتي الريال ماله ذنب حسبي الله عليهم والحمدلله انه يحبج وكا معترفلج والله يسخره لج ان شاء الله

 

[ملامح جنونيه]

رد : منصددددددددددددمه

زوجي اعرف انه ماخاني وانا واثقه فيه حمدالله

و على سفرات وربي اكثر سفراته انا وياه حتى بالشغل بس هالمره كانت دوره اسبوع و كانو ربعه معاه و قلت مابي افشله دام حريم ربعه مو معاه وهو والله كان يقولي تعالي معاي بس قتله لا حبيبي فشله حريمهم مو معاهم مع منو اقعد وانت بتكون مشغول

و لو هو خاني صج صح كان ماردلي ثاني يوم ولا شفته بهالحال

و ربي زوجي اعرفه يخاف الله و عمره ماخاني ولا يشرب الحمدالله

و لايخلي فرضه

وسمعته بالمستشفى وبرا المستشفى الكل يذكرها بالخير وربي الشاهد من كلام الناس

بس شقول حسبي الله عالي كان السبب لا و القهر كانو دافعين لها فلوس هالجلبه عزكم الله

 

[*Crafty-girl*]

حبيبتي نصيييييحه لاتكبرين الموضوع معاه وتزعلين لانه ماراح يصارحج بعدين

ريلج الحمدالله واااااضح يحبج ويموت فيج وعسى الله يهنيكم قولي الحمدالله لو صج يبي يخونج جان مارد لكويت جان قعد بمصر واستانس لأنه انتي مستحيل راح تعرفين خيانته جان سوا بلاوي من وراج بس اهو يالج وصارحج معناته مايبي يخش عنج شي

مالومج شوي تتضايقين هذا شعور الغيره مو اكثر ,, بس صدقيني لاتكبرين الموضوع وقومي دلعيه لانه حرام امبين متضايق حيل

 

[ملامح جنونيه]

رد : منصددددددددددددمه

الحمدالله يا بنات وربي ادعي عليهم بكل ساعه و اتحسب عليهم و بحزة الاذان هاذي الله ينتقم منهم

بس وربي الي ذابحني فكرة انه وحده تلمس زوجي غيري وربي هاذي الي قاهرتني بس