طريقة مندي الفرن
١/نغسل الرز وننقعه نص ساعه بماء حار
٢/ننظف الدجاجه ونتبلها ب ملعقتين وارشيستر صوص
وملعقه صلصه وخل وملح وصفا زعفران وليمون
وبهار دجاج وفلفل اسود ونص فنجال ماء ورد
وبهار مشكل وكزبره بودر واربع ملاعق زيت وصويا صوص
و ثوم وزنجبيل مفرومين ننقعها اقل شيء ساعه
٣/نضع الرز باالصينيه ونضع فوقه غطاء ماء كادي وخل
٤/نشوح ع النار بصلشرائح مع زيت وفلفل حار واعواد قرفه
وحب هيل وقرنفل وملح ونتركها ع النار لما تذبل
٥/نضع البصل والفلفل ع الرز باالصينيه ونصب فوقه
ماء حار بس حد مايغطي الرز لان الرز بيستوي باالبخار
مايحتاج ماء كثير
٦/نغطي الصينيه بقصدير ونخرم فتحات باالسكين في
القصدير عشان تنزل نكهه الدجاج ع الرز ونضع فوق
القصدير الدجاج مع التتبيله
٧/نغطي الدجاج بقصدير ويدخل الفرن من تحت درجه
حراره متوسطه باالشبك الاوسط مده ساعه ثم نفتح
القصدير ونحمر الدجاجه نطلع الصينيه من الفرن ونضع
فنجال فيه زيت ونضع فيه جمره ونسكر القصدير ثانيه
ونتركه يتبخر عشر دقايق قبل التقديم
٨/في قدر ع النار نضع بصل شرائح وملح وزيت ونقلب
حتى يذبل البصل ثم نضع عليه رشة قرفه ورشه ليمون اسود
ورشه فلفل اسود ونقلب لما يذبل ويتكرمل شوي
٩/اسلق مكرونه سباقتي في ماء فقط ثم تصفي
بنفس قدر الكشنه نضع نتفت صلصه ورشة ملح وزيت
ونقلبها لما تطلع ريحة الصلصه ونضع عليها المكرونه و
نقلبها ثم نتركها على جنب
١٠/سلقت بيضه وقشرتها قم قليتها باالزيت
١١/نقلب الرز وننكبه في طبق التقديم ونضع فوقه الكشنه
ونضع المكرونه وممكن نضع معها صنوبر او كاجو محمر
ونضع الدجاج باالنص ونزين بالبيض والليمون والفلفل
وشرائح الطماطم
