7noOna
New member
- إنضم
- 5 أغسطس 2009
- المشاركات
- 4,412
- مستوى التفاعل
- 24
- النقاط
- 0
- العمر
- 35
هاااااي بنات شلونكم حبايبي عيدكم مبارك عندي لكم منتجات انا جربتها و رخيصه وودي انشرها للفايده
و وايد استفدت منها بحط لكم صورهم و من وين تحصلونهم
*******************
أول منتج اهوا خاص بالبلاوي اللي يسويها الكعب.
.كلنا نحب نلبس الكعب بس تعالو شوفو ريولنا لما نقطه خصوصا اذا كان ضيج او يسوي فقاقيع بكل اصبع بالريل
المنتج عباره عن جل يقاوم كل هالمشاكل و الالام عشان لو كان عندنا مناسبه مهمه مانحاتي الفقاقيع والعوار اللي كلنا جربناه
تلقون هالجل موجود بالجمعيات عند البلاسترات وبعد موجود بالصيدليات لأنه طبي
أنا شريته من جمعيه سلوى سعره بدينار وشي
***********************
ثاني منتج اهوا لخاطر ابتسامتكم...أحسن معجون اسنان و أسرع طريقه لتبييض الاسنان من أول استعمال "معجون ايميل الاصفر"
هالمعجون قديم بس وايد ناس مايعرفونه..تبون احسن نصيحه جربوه وتأكدو بنفسكم
واللي مفكره تسوي تبييض أسنان ترا ماله داعي "اشتري معجون ايميل و ووفري الفلوس"
موجود بأغلب الجمعيات وفيه منه كذا لون بس الاصفر اهوا اللي اقصده سعره أقل من دينار
************************
الولاعه..إي الولاعه ماغيرها
تساعدكم عشان تذوبون الكحل اذا ماكان يرسم عدل خصوصا بالجو البارد لأن الكحل يتجمد ,بس حركه بسيطه على الولاعه ويسيح شوي
عاد رسمي عينج
ماتوقع تحتاجون أقولكم من وين!!!
لأن كل بيت فيه مليون ولاعه لمختلف الاستخدامات
**************************
اذا كنتي من البنات اللي يتضايقون اذا تلفونهم طاح و انجرح او انكسر طرف منه
او كل مانزلتي من السياره طاح التلفون على القار من حضنج وانكسر قلبج معاه
...مالج إلا تعلقينه على رقبتج او تحطينله علاقه الكرنيه وهاذي اسهل طريقه تحافظين عليه من الطيحات و عشان يطول معاج التلفون
موجود بوايد أماكن..مثلا اذا تبينه شوارفسكي بمعرض مشرف مايتعدى دينارين وألوان حلوه
بعد بكليرز فيه ألوان حلوه و فسفوري
***********************
للمخيمات والبر...اذا كانت براطمج تتشقق من الجو البارد بالمخيمات لاتتضايقين الحل موجود بنص دينار
زبده كاكاو لابيللو تحل المشكله خصوصا لما يزيد البرد بالليل
اللي بتروح لمخيم لاتنسى ضروري تاخذ وحده واكيد بتحتاجها
بالجمعيات و الصيدليات معروفه وايد حوالي نص دينار او600
متوفر بنكهات وايد
***************************
منتج لمنع ظهور تشققات الحمل "الخطوط البيضاء على البطن"
أغلب البنات اللي شايفين بطون امهاتهم مار عليهم هالشي من تكرار الحمل والولاده وتوسع البطن اكثر من حجمه الطبيعي
عاد زمننا غير....انشالله مستقبلا اي وحده تحمل- بس قبل لايكبر البطن تحط هالكريم على بطنها اهوا بزبده الكاكاو
صدقوني بتحتاجونه ووايد بتستفيدون منه لأن لو طلعت الشققات مستحيل تروح إلا بتدخل جراحي و بيكلفكم وايد
..اسمه بالمرز..موجود بالصيدليات اللي بالسالميه و حولي اللي عليهم زحمه بالشوارع..
سعره رخيص اقل من خمس دنانير..اذا ماخاب ظني دينارين ونص
*****************************
تبون أحسن زيوت للشعر..مالكم غير "زيت الجرجير و زيت الخروع"
احسن زيتين لتطويل الشعر..معروف الخروع ينبت الشعر و يطوله للي شعره مايطول بسرعه مثلي
بي دهني شعرج ليله وحده ومن الصبح غسليه وراح تدعين لي
أتمنى الفايده للجميع
7noOna Miss Orange
