منتجات اختربوا بفتره قصيره شنو السبب؟ مع الصور

[سمسميه]

بنات صارت معاي هالشغله مؤخرا بمنتجين
مع العلم اني احتفظ بمكياجي بالبيت وبدرجة حرارة السنترال يعني براد مو حر وباجي اغراضي زينين الحمدلله
شريت الكريم المرطب الي فيه لون وغلو من بوبي براون يمكن ما طاف عليه شهرين وحسيته قام يتكتل وتطلع طبقة الدهن من فوق!!!
ليش جذي كاهو طايح ما استعمله لان شكله اخترب:eh_s(10):

نفس الشي فاونديشن فور ايفر ما صار له شهرين صار سائل حييييييل جن مكوناته تفككت حتى ريحته قلبت وصار فيه فقاقيع من داخل ما اشتهي استعمله

منو صار معاها جذي وشالسبب؟
تهقون معطيني شي خربان ولت شننو؟

 

[قاهره عذالي]

يمكن حبيبتي من الضوء
يعني يمكن لو حفظتيهم بالظلمه ما اختربوا

غريبه صراحه

ع الاقل المكياج يقعد 6 شهور سنه عادي

 

[سمسميه]

صج شي غريب انبطت جبدي!

 

[زوجة عزيز]

يمكن حاطتهم في مكان حااار

 

[MiSS B.K]

شي غريب

 

[HmS al JaLiD]

مآدري والله بس اتمنى البنات يساعدوونج

 

[الأميرة جوري]

انا عندي كريمفور ايفر نفس مالج له اكثر من سنه شحلاته ماصار نفسج بس انا احطها بجنطه مكياج داخل الكبت..يعني ظلمه وبرااد..شوفي شنو السبب...

 

[ام الدرر]

يمكن صوبهم اضاءه عاليه
يعني حاطة ابجورة على تسريحتج
او ليتات الغرفة نيون حار
او يمكن اللي شاريته مو اصلي
بس الاهم لاتستعملينهم كلش ولا الويه
ومعوضه خير ​

 

[دريم]

اذا متاكده ان السبب مو منج ولا عرضتيهم لضوء وحرارة
روحي للمحل اللي شريتي منه ووريهم

 

[روبي قطر]

حسافه عالمكياج ماداني جي تصير لي انقهر

 

[BaiTotia]

والله مادري غريبة

بس شكلهم صج مخترب

 

[يآملحيّ]

عوووووار قلب والله
زين انتي لاحظتي عليهم هالشي من شريتيهم ؟

 

[عزتي في عفتي]

اوكيه يمكن من الحر والرطوبه والمفروض تاخذي الي توه واصل مو يعطونك الي عندهم من شهور حسبي الله عليهم حرام والله غير الفلوس الي دفعت عليه يخرب البشره عليك بعد حسبي الله عليهم بس غريبه انتي قلت فقاقيع من ايش ليه ماتساليهم اذا رحتي وقولي اذا فيه فقاقيع وش يصير للميك اب وهو يعلمونك خاصه الفلبينات والله امينات علي طول يقولن

 

[al-musk]

اكيد فيهم شي
روحي يبدلونه لج حتى لو من زمان شاريته مفروض مايتغير

 

[بحر الرمال]

ترا عادي مرات حتى التستر المعروض يصير طبقات و في كريمات مكتوب عليها ان لازم ترجينها قبل الاستخدام shake well before use لان المواد تنفصل عن بعض
رجي العلبه و استخدميه عادي

 

[nono93]

غريبههههههههههههههههههههههههههههههههههههههههههههههههههههههه

 

[سمسميه]

والله يا بنات محتاره
لما شريتهم كانو زينين ما طولو واختربوا
الاضاءه زينه مو قويه والبروده زينه قلت لكم درجة حراره الغرفه بالسنترال يعني براد
واشمعنى باجي الاغراض ما اختربو
كل شي او كي الا هاالاثنين؟
قوامهم تغير يعني خلاص اختربوا
وفي شي مشترك بينهم ما ادري اذا لبه علاقه بالموضوع او لا
اثنينهم اذا ماخاب ضني من دبنهام شرق!!

 

[_zahra]

انا عندي بوبي براون من سنتين ماخذته من لندن بس ما تبطل الا من سنة فصلاحيته من فتح العلبة سنة بس يعني صالح للاستعمال وماصار جذي بالعكس قوامه ممتاز ومحطوط بغرفتي عالتسريحه

 

[سمسميه]

زهرا اي والله انا محتاره!

 

[كيم كارداشيان]

شوفي أنا أحفظ معظم الاشياء اللي موب يومية في الثلاجة أو درج التسريحة داخل .. اليوميات اللي بخلصهم في شهرين أو ثلاثة أحطهم على التسريحة ..


والحين دايما أسكر الستارة بالبلاك أوت علشان تمنع الاضاءة القوية عنهم والحرارة القوية ..