رد : مناقشه عن الماضي الجميل ...!!!
الحمد لله إني اول وحده ان شاء الله ترد عليج :ggdw:
العيوووووف يا ريحة الماضي الجميل والله انك صاجه بكل كلمة قلتيها
كنت اسمع امي وأنا صغيرة تحن للماضي وسوالف قبل ، وما كنت احس
بالهكلام ،،، بس اليوم فهمت شقصدها ،،، كل جيل يحس بغربة الجيل اللي بعده
لما تحنين للماضي اعرفي انج كبرتي ،، ودخلتي عصر جديد مو عصرج ولا زمانج
سبحان الله هذي سنة الله في خلقة ،،، سبحان الله حتى في الاحداث اللي قاعده تصير
في مصر تشوفينا تسممعين شيقولون الكبار ،،، دايم يتكلمون عن جيل الشباب وإن هالجيل
أهوا اللي سوا هالثورة الحرة في مصر ،،،، ويمتدحونهم ،، صار في جيلين جيل قديم وجيل جديد
أنا اقول حق أخوي الصغير وأنا اعتبر نفسي مثل أمه لأن القعده صحيح هو رجال ومتزوج لكن ما شاف
اللي احنا شفناه ،،،لكن اقوله عن سوالف انا شفتها يستغرب ويقول ماشاء الله يا ليتني شايفها وعايشها،، عيال اختي يجون يسألوني خالتي شنو شفتو شنو اللي كان يصير منو هالعوايل القديمه كل سوالف قبل
،، احنا عشنا جيل أمهاتنا مع جيلنا وجيل عيالنا ،، يعني مخضرمين ،،، جيل في
شي من ريحه الماض ،،،، أنا افتخر إني شفت حياة البدو اللي قبل ،، بكل معناها من بدايات السبعينات
والناس اللي كانوا عايشين عيشة البدو الأرض الخضرا والبل والحلال وبيت الشعر ،،، شفت كل هذا أيام
ما كنا نطلع مع الأهل البر ،،، عشنا الحياة مثل البداوه بكل معناها ،،،
والله يكسررون خاطري شباب هاليوم تحسينه معلق ما له ماضي يلمسه بذمتج شنو اللي رح يتذكرونه حتى أيام الغزو ما يذكرونها بنتي اسالها تذكرين الغزو تقول لا ،، كان عمرها اربع سنين ،،، اظن ما يذكرون الا الحدايق والمدينة الترفيهية ،، وهنجري باني ،،، وهارديز ،،،، لكن كماضي جميل ما أدري شنو اللي رح يذكرونه
ما أدري طولت عليج بس عندي حنين كبير لزمان أول ،،، حياة الكويت القديمة ومبانيها القديمة كل العادت والتقاليد القديمة من رمضان وعيد وحياة سياسية واجتماعية ،، تصدقين أنا مع بنات جيرانها لعبنا كل الألعاب
القديمة اللي قبل ،،، طاق طاق طاقيه ،،، واليوم هده ليش ان كوس هدونا ،،،، وكل الألعاب القديمة اللي تخطر على بالك واللي تعتبر الحين من التراث
الله يا زين ذيج الأيام ،،، والله شوقتيني جني أشم ريحتها الحين
اسفة طولت عليج بالرد وأخذ وقت طويل بس الحديث ذااااااااااااااا شجوووووووووووووووون
