مناقشة ,, عن الاحساس بالموت ..

[حكاية شهرزاد]

يا مرحبا فيكم يا كويتيات ..

موضوعي ,, بنطرح فيه ,, مواقف حسوها اللي ماتوا الله يرحمهم ,, قبل لايموتون .. وقالوها لكم ..

طبعا , الموت محد يدري فيه الا الله سبحانه وتعالى ..

ولكن بتناقش في ذكريات مرت علينا , من قبل الاشخاص اللي توفاهم الله , وكانت قبل رحيلهم ..

:bbbiu:

راح اقولكم عن موقفي ,, ولو مهما كانت الاسباب فالموت لا يعلمه الا الله ..

جدتي قبل ماتموت ,, بفترة ,, كلنا نشوفها تلقط اغراضها ,, من جلابياتها , نعلها ,, كلما وتخفف من اغراضها ,, نسئلها ليش ماترد ,, مع انه هي من النوع القديم اللي ماتفرط في شي عندها ..

مسكينة كنها تجهز روحها للموت وكلها ايام الا ماتت بسكته .. الله يرحمها ..



وعندكم صديقتي لما توفقت واحنا بايام المدرسة ,, هي طول عمرها هادئه ,, بس قبل ما تتوفى بأيام كانت ساااكته ماتتكلم كلش ,, وتطالعنا كنها بتودعنا بصمت على نظام هدوئها ولكن بطريقة الصمت ..
وكلها ايام وتوفت بحادث ..


وعندكم ابن عمي ,, كان مريض بالخبيث ,, وقبل ما يمرض نقوله ادرس وانجح علشان تدش تخصص قوي ,, وكان كله يقول انا ما احس اني بكمل شي ,, نقوله ليش يقول مادري ..



هذي بعض المواقف ,, اللي قاعده اذكرها بالوقت الحالي ..

وبعد اقول الله اعظم من انه كلنا نحس بالشي واحنا ماندري عنه وعلمه فقط عند الله ..

ولكن نبي نشوف مواقفكم واحلامكم قبل حدوث الموت لاقربائكم وصديقاتكم ..


حياكم ..

 

[Miss.Nony]

بصرآحه آنا يدتي الله يرحمها كانت تتحلم وايد إن امها تقول لها آنا أبيج أبي آخذج معاي .,
وجنه يدتي تقول لها وعيالي يمه منو عندهم ؟ , تقول لها الله يحفظهم

بعد فتره يدتي راحت لندن تعالج جان تتوفى هناك =(

,..

الله يرحم موتى المسلمين أجمعين ..

 

[فلنتينو]

سبحان يقولون ان الانسان يحس قبل موته

 

[kl al5jal]

الله يرحم اموات المسلمين ..
انا عندي رفيجتي من المتوسط بس قطعتها من زماان وتقريبا شهر 7 دقت علي وسلمت قالت لي بتروح العمره وجذي ..
واهم رايحين بالسيارة ..
يوم رجعوا سووا حادث وماتت .. الله يرحمها
وقالت لي انها سلمت على البنات كلهم جنها حااسه ..
الله يرحمها ويغفر لها ..
يعطيج العافيه ع الموضوع بس طاري الموت ما يفررح بالمره ..

 

[آتعــبني غـلآآك]

ياشين الموت وياشين طاريه
الله برحم موتانا وموتى المسلمين

 

[عيون السعودية]

أنا أعرف وحده عجوز قريبه لنا قبل لاتموت حلمت إن زوجها وولدها يقولوا لها انت ليش تأخرت علينا وهم في الواقع متوفين وعلمت العجوز بحلمها وراحت زارت أقاربها كلهم وتصدقت بفلوسها الموجوده عندها على الفقراء ووصت على الأشخاص اللي تحبهم ( سبحان الله حلمت بهذا الحلم في رمضان وتوفت في نفس الشهر )​

 

[shams2008]

الله يرحمهم
وحده من اهلنا عمرها 23 ماصار سنه علي وفاتها
قبل لاتطلع من البيت تروح الكليه باست راس خالتها الصبح ودقت سلمت علي
امها
سكرت التلفون سوت حادث وتوفت

 

[هاديهـ&مطيعهـ]

مو شرط يكون الاحساس بالموت دليل قرب الموت جايز يكون وسواس من الشيطان آنا بعيد الفطر السنة اللي طافت بأول أيام العيد لما صار الليل وحطيت راسي عالمخده بنام غفيت وحلمت ان زوجي قاعد مع وحده ماسكة بناتي وتلعبهم وحنونة عليهم وأسمع أحد يقول بإذني انتي راح تروحين وهذي بتاخذ مكانج الله لايوريج فزيت من النوم وقعدت أبجي وخفت حيل وقلت يا ترى راح أعيش لعيد الفطر السنة الجاية والا لا والحمدلله هذا آنا قدامكم بس عشت سنة غلقه وكآبه ووسواس قااااااتل كل يوم بليل أودع بناتي وأوصي زوجي عليهم صرت أفز من نومي بكل لحظة وأتخيل ملك الموت جدامي والحمدلله مع الدعاء والاستغفار راح وأختفى ألف حمد وشكر لك يارب

 

[مـعـجـبـة]

كان ويانا واحد بالجامعة .. دفعته قبل دفعتي
ما شالله شنو طيب شنو مؤدب ومحترم .. هادئ كلش
كافي خيره وشره... درس وتخرج واشتغل...

يمكن عقب سنة من تخرجه يى يزورنا بالجامعة
كان عندنا جمعية بكليتنا .. وكان اهو ياي يزور الأعضاء

ما شالله ما شالله كل من جافه لمه وحضنه وباسه
حتى الدكاترة !! جافه دكتور ويى لي عنده داخل الجمعية
وسلم عليه باليد وباسه .. وآنا أطالع واقول شدعوة عاد
كل هالتحضن والتبوّس ، كنت مستغربة والله

وتم يسلّم على الكل .. الكل الكل ما خلى أحد

وبالليل ... وصلني مسج إن فلان الفلاني توفى بسكتة قلبية!
مــووو معقووول ؟ هذا اللي كان ياينا الجامعة الصبح يسلم علينا؟
تــــــــوفـــــــــــى !!!!!!!!!!

الحزن كان عميق ، الموقف مؤثر لما نتذكره
عرفت الحين ليش كان ياي.. كان ياي يودعنا
الله خلاه يودع أهله وأصدقاءه واللي يحبهم
عرفت ليش كان اللي يجوفه يحضنه بقوة ويبوسه

الله رايد له إن يودعنا الوداع الأخير
بعدها الله سبحانه أخذ أمانته.. الله يرحمه

وحدة من ذكرياته.. كان كاتب بخط يده على طوفة الجمعية
كاتب كلام وتحته اسمه وتوقيعه، كل الأعضاء كانوا مشخبطين اصلا
بعد ما توفى غيروا صبغ الجمعية إلا المكان اللي كاتب عليه خلوه
اهو راح وظلت الذكرى مالته ،،،

 

[ايسكريم بالتونه]

ذكرتيني بسالفه صارت قبل 3 شهوور

واحد من الجماعه كاان اخر يوم له من الامتحانات وخرييج وكان فرحان انه بيتخرج

وكاتب بالبلاك بيري انه فرحاان وكذا ولحد الان موجوده المهم وهو طالع من الاختبار اتصل علي

امه وقاله رتبي الغرفه وبخروها وشغلوا المكيف عشان تبرد المهم وهو رااجع للبيت صارله حاذث

وتوفي

 

[عادت ذكرياتي]

الله يرحم موتانا وموتى المسلمين ...

 

[mf6nt el3lat]

سبحان الله .. الله يرحمهم كلهم ويغمد أرواااااااحهم الجنه يارب ..

 

[UNICORNA]

لا حول ولا قوه الا بالله

 

[مجنون زعلآتك]

سبحان الله .. الله يرحمهم كلهم ويغمد أرواااااااحهم الجنه يارب ..

 

[pinkoosha]

ابوي الله يرحمه قبل لا يتوفى, كان مريض بسرطان الحجنره ومسوين له فتحه فالبلعوم ومايقدر يتكلم كان كله يأشر لنا و كله يكتب لنا بالورقه (انشاءالله اذا طبت راح اوديكم العمره وراح نغير بيتنه وراح نكون عايله مترابطه",, وكان كله يسألنا ويقول متى ارد البيت؟ شسوي قاعد بالمستشفى مافيني شي... بعدها تعب وماقام يكتب لنه ولا شي و اي شي نقوله ماكان يرد علينه ولا قام يهمه شي بس منسدح ويطالعنه ويخزنه, وكتب بالورقه حق امي انه راضي علينه,, بعدها بجم يوم صحى واكل وشرب وضحك معانه حتى كان يحط اغاني بالتلفزيون ويهز راسه ويرقص ويصفق,, وبعدها بثلاث ايام انتكس, ضاق النفس عليه وشلل كامل وتم سوبعين تحت المخدر الى ان وافته المنيه,, الله يرحمك

 

[حبي بيرين]

اولا الله يرزقنا التوبه قبل الممات قولوا امين يارب لاتحرمنا من الخاتمة الحسنه ياكريم فعلا اللي بيموت يحس اخت زميلتي راحت تالي الليالي واستحمت واطيبت وقرأت قران وخواتها يقولون ليش تستحمين بالوقت وراحت نامت ولا صحت ماتت بالسكته الله يرحمها ويرحمنا

 

[! هُوْ وِينِه !]

الله يرحم موتآنآ وموتآ آلمسلمين
أنآ سمعت إن آلميت يحس إنه بيموت قبل وفآت بأربعين يوم

 

[حكاية شهرزاد]

الله يرحم موتى المسلمين والمسلمات ..

بنات مشاركاتكم ,, نبي نقرى سوالف عن هالموضوع ..

 

[coralia]

الله يرحم جميع موتى المسلمين

 

[FeShinGoOo]

ابوي الله يرحمه قبل لا يتوفى, كان مريض بسرطان الحجنره ومسوين له فتحه فالبلعوم ومايقدر يتكلم كان كله يأشر لنا و كله يكتب لنا بالورقه (انشاءالله اذا طبت راح اوديكم العمره وراح نغير بيتنه وراح نكون عايله مترابطه",, وكان كله يسألنا ويقول متى ارد البيت؟ شسوي قاعد بالمستشفى مافيني شي... بعدها تعب وماقام يكتب لنه ولا شي و اي شي نقوله ماكان يرد علينه ولا قام يهمه شي بس منسدح ويطالعنه ويخزنه, وكتب بالورقه حق امي انه راضي علينه,, بعدها بجم يوم صحى واكل وشرب وضحك معانه حتى كان يحط اغاني بالتلفزيون ويهز راسه ويرقص ويصفق,, وبعدها بثلاث ايام انتكس, ضاق النفس عليه وشلل كامل وتم سوبعين تحت المخدر الى ان وافته المنيه,, الله يرحمك

اخييييييييييييييييييه الله يرحم برحمته الواسعه وينور قبره ويرفع مكانه اهناك ياااااااااااارب
والله مشاركتج عورت قلبي حيل ..
اصعب احساس لما اهلج يموتون جدام عينج وانتي مابيدج ولااااااااااااشي عشان تساعدينهم
الله يرحمه ويدخل عليه النور والسرور بقبره يااااااارب