- إنضم
- 9 فبراير 2011
- المشاركات
- 636
- مستوى التفاعل
- 1
- النقاط
- 0
صباح الورد
شلونكم بنات بالاخص العرايس الحلوين اللي قرب عرسهم :eh_s(7):
انا استفدت صراحه من المنتدى ولازم اختشي على دمي شوي وارد الجميل :$
لان ادري مرات الوحده تحتار وماكو احد حولها يبرد الجبد يعطي نصيحه او معلومه من القلب
والعروس حساسه بالتجهيز ودها بآحسن شي ويجابلونها ناس يخررعونها ( ديربالج لا تسوين لاااا لا تروحين ولازم تغيرين هالشغله الفلانيه فيج وهذي وهذي وهاااات يا تخرع بهالمسكينه )
التجهيز مرحله حلوه وبسيطه مع ترتيب الوقت والتخطيط
اما تاكلين روحج بالمحاتاه وشنو فيني العيب الفلاني والعلاني والناس شبيقولون
وتفكير بآدق التفاصيل اذا بالشقه قمت شسوي اذا بغسل قبله شسوي هههههه < اسآلتي قبل
كل هذا يتعب نفسيتج ويخرب بشرتج ويطيح شعرج
اللي صارلي من هالتفكير السلبي ( نفر وجهي حبوب - طاح شعري - ضعفت - خوف وتردد من الزواج كل لحظه اقول بكنسل خلاص ) يا ساااتر لو بيعدموني ما صار فيني جذي :krkrkr:
لازم تعرفين ان المرحله اللي تمرين فيها شكثر يتمنونها وودهم لو يرجع فيهم الزمن ويعيشونها صح وما يكررون غلطاتهم
عن نفسي واجهتني مشاكل بس ماعليه كل شي يهون على قولتهم صغريها تصغر
الاولئ صدموني ان غيروا توقيت العرس وخلوه متجدم ٨ شهور عشان زوجي طلعت له سفره عمل بالوقت اللي كنا متفقين عليه وبيطول فيها !
وانا متعشمه ان عندي سنه كامله وماخذه راحتي ما سويت شي :eh_s(2):
يعني بس عندي ٤ شهور
بجيت شوي واكنسل اقول خلاص مابي :eh_s(1):
حاله ضياع مادري شنو ابدي شنو اخلص ليزر مايمدي مادري شنو تفكير كله تشاؤم
الثانيه : انا طالبه تخصصي صعب وجدولي بالدوام طويل من الصبح للعصر ووقت عرسي قبل اسبوع من امتحانات الفاينل
الثالثه : المهر ما يكفي !
الرابعه :البنت الوحيده بالعايله وعلاقتنا مع الآهل البعيد في العايله مو ميانه مع ان عندهم بنات اكبر مني ومشالله يعرفون كل شي واستحيت ابادر واسآلهم
بس قررت اكون اقوى من جذي واثق في قدراتي
الحمدلله عندي ذوق والنت ما يقصر كل شي موجود والله وياي وسهالات < اقولكم داشه حرب
حطيت قاعدتين ( اخلص الاهم ) + ( ما اكثر تجهيز )
اول شهر شريت النفنوف الابيض وعقد الماس ودبله وذهب مع احجار وعقد لولو وساعتين ماركه
وخلص المهر :bbbiu:
بعدها ابوي ما قصر ساعدني حجزت الصالون والمصور والمسكه
ومن اعانتي كل شهر اخلص شي مره مكياج ولوشنات وقمصان نوم ونظارات
واخوي يزيدني اول ما سافر وصيته على جم جنطه ماركه وخسسسرته
واخوي الثاني شرالي ايفون 5 وخط ذهبي على قولته عشان ما تفشلينا باجر انتي وكروتج اللي كل يوم ما عندج رصيد
ورفيجتي تؤام روحي تعبتها وياي الاشياء الغريبه والفناتق كانت عليها
وامي حبيبتي البخور والعطور العربيه والمسك والعبي والدراريع والبدل عليها
بلشت اهتمام بنفسي من اول اسبوع تحدد فيه العرس
( الاهتمام بشخصيتي واسلوبي) اهم شي كان عندي
عيوب شخصيتي العناد التوتر الفوضى بحياتي بمواعيدي بكل شي تآجيل وكسل
التوتر علاجه الرياضه وتغير الفكره بسرعه بشي مختلف
الحركه هذي تخففه وتغير المزاج للآحسن
اول اذا توترت اكل ككاو وانام ويقب وجهي حبوب بكل صوب :eh_s(2): كان اكبر غللللط
العناد تعلمت شوي اتنازل - اسمع حق محاضرات الزواج لطارق الحبيب وفهم شخصيتك قبل شخصيه الزوج واطووول بااااالي بالاول خذيتها تدريب والحين صارت عاده
اعود نفسي اسمع مع ان الاستماع عندي صفر بس مع الايام تزيد مهاره الاستماع وتوصلين للانصات واللي جدامج يرتاح لما يكلمج حتى الحين زوجي مرات يدق علي وانا بالكليه يبي يكلمني وهو يتكلم يسترسل بالكلام انا ١٠ دقايق ساكته بس اقول حلو زين حلو
البنات اللي يمي يستغربون هههههههه < ما ينلامون متعودين ع القرقه
افكر قبل لا اقول راي او حكم
وما اسمع كلام الناس بزياده
هالحكمه تعلمتها من المرشد صلاح الراشد وابراهيم الخليفي
واشتركت في نادي كايزون للاستاذه ليلى العنزي متخصصه بعلم الطاقه
شلون تدربين نفسج تكونين ايجابيه بحياتح بتفكيرج حتى نتايج واثار التدريب بينت علي سبحان الله بوجهي في ابتسامتي الدايمه ولو انا قاعده بروحي واتخيل حتى الحمدلله الوجه مرتاح ومشرق ونظره العين تلمع
ممتعه جدا ومفيده تغير روتينج ١٨٠ درجه
ونظمت لي جدول جديد
مع ان ما عندي وقت واغلب يومي يروح بالجامعه
بس بالعزيمه والتديب كل شي يصير
اداوم من الصبح وارجع العصر اروح الصالون اسوي جلسه شعري واخلص جم مشوار سريع وارد البيت اغسل واحط ماسك وكريم ليل وانام
واليوم الثاني نفس الشي ارد بس بدال صالون اروح سوق
لو ميته تعب ، عودت نفسي ما استغنى عن هالخطوات البسيطه بالعنايه
بالنسبه لصحتي وجسمي
اول شي قطعت مطاعم فاست فود + مشروبات غازيه بكل انواعها
استبدلتهم بعصاير طبيعيه وفواكه وخضره واكل بيت او اكل مطاعم عاديه واحرص ما يكون دهن
شي صعب بالبدايه بس والله فرق علي حيييييييل
خاصه اول بطني كله اصوات الحين اختفى الحمدلله
شريت فيتامينات لبشرتي وشعري
وقبل لا انام اشرب حليب وكولاجين او عصير وعشبه اساي وبوباب
والصبح على الريج اكل عسل واتريق ريوق كل الاصناف فيه
عدلت نومي غصب مع اني احب السهر
امشي واسوي رياضه خفيف اعود جسمي على بذل المجهود
لشعري
اشتركت جلسات ثوم وجرجير عشان التساقط والفراغات
وشامبو كريستن اللي تسويه من صابون الغار والسدر آو استخدم شامبو جونسون
و زيوت طبيعيه وصيت ولد خالتي يشتريهم من امريكا ( جوجوبا - افكادو - زيت لوز )
حمام زيت بالشعير يرطب + حمام زيت بالثوم من فاشكول
ما حطيت حنه لاني صبغته بني مع ان الكل كانوا يقولون عروس حلاتها اسود بس الوحده تختار الشي الحلو عليها ويطلعها ما تتقيد بكلام الناس
وبليل قبل لا انام اسوي مساج لراسي خاصه مقدمه الراس
واذا حسيته ناشف حيل احط مرطب فاتيكا اطرافه
او سيروم خفيف
تعدل شعري ٦٠٪ وكثثثثر مشالله
جسمي
شعري ما قدرت اسوي ليزر بالعياده
شريت جهاز ليزر منزلي عجيييب بمعنى الكلمه :rerrerek:
ماعليه بنات حبيباتي انا اضطر اروح الدوام الحين
بكمل بموضوع ثاني مستقل عن تجربتي بعرسي مع الاء دشتي لانه موضوع طووووووويل
واشتراك الصالون للجسم وعياده الاسنان
وشقتي الجديده والروتين اللي تغير علي
اشوفكم باقرب وقت :eh_s(7):
التعديل الأخير بواسطة المشرف:
