> مميزات وعيوب < التوظيف بالقطاع الخاص والحكومة 2013 ؟

[Pearl_q8]

السلام عليكم

قاعده افكر اتوظف بالخاص سنه او سنتين وبعدين أحول للحكومه

وأبي اعرف كل شي عن الخاص والحكومه

شنو اللي يحق لي بالخاص ومايحق لي بالحكومه والعكس

ومن ناحيه المعاش الخ

​

 

[* Snow White *]

انا موظفة قطاع خاص،
بالبنوك سابقاً وحالياً بشركة اتصالات


انحشششش من الخاص ،، وهم انا نفسج بكمل سنه وبحول حكومه مو مال واحد يعمر فيه
مزايا الخاص معاااش اكثرررر ومزايا مثل تآمين صحي
بس راااحه ماااااكووووو خصوصا انا متزوجه كللش كلللششش مو مال وحده متزوجه وعندها عايله
ابداً ماراح اتشوفين اهلج ولا عيالج ولا ريلج وتردين البيت تعبانه وساعات عمل طوييييله
شي فووق الخيال والمهزله اي اقولج اياها اشكره بتكرهين حياتج وبتحسين روحج منفصله
بس الميزه الراتب وايد والمزايا حلوه، هم ماراح تحسين بلذتهم! حياتج بتصير كله دوام دوام دوام وكله حاطه ايدج على قلبج يمكن يوصل لج ايميل تفنيش، والتفنيش ابيزه


الحكومي معاش مقدور عليه بس مو حلو حق الي بتاخذ قرض او قسط سياره ومع ذلك انا محوله حكومه وعازمه ومخلصه بشتري راحتي وحياتي واعيش مثل الناس والكويتيين اشوف الدنيا
والحكومه وظيفتج ظامنتها واظظظظممممن رااحه عندج وقت تداومين وتعطلين مع الناس
تقدرين تسوين مشاريع شغل حلو ومريح ومافي غلطات .. وانصحج اذا بتروحين حكومه روحي هيئات او مؤسسات حكوميه مستقله مو وزارات .. معاش حلوو واحلى ومكان يفتح النفس وراقي وشغل محترم


والله يوفقج يا رب وادعيلي الله يرزقني الوظيفه الزينه وافتك من الخاص اللي يابلي الهم وكله محاتاه ومااحس بالدنيا​

 

[M!SS.LOBY]

الله يوفقج

بس أعتقد القطاع الحكومي افضل و أضمن حييييل

اما القطاع الخاص ما وراه الا المشاكل وشئ غير مضمون .

وجهة نظري لا تزعلون

 

[Mrs.H]

القطاع الخاص انتي وجهدج.. اذا شغولة وتحبين تجتهدين روحي قطاع خاص

اما القطاع الحكومي انتي وظروفج.. اذا متزوجة وحامل وعندج عيال روحي حكومة

الفرق ان الخاص يعطيج حقج اكثر.. اما الحكومة ماتفرق تعبتي او لا معاشج اهوا اهوا

 

[Pearl_q8]

انا موظفة قطاع خاص،
بالبنوك سابقاً وحالياً بشركة اتصالات


انحشششش من الخاص ،، وهم انا نفسج بكمل سنه وبحول حكومه مو مال واحد يعمر فيه
مزايا الخاص معاااش اكثرررر ومزايا مثل تآمين صحي
بس راااحه ماااااكووووو خصوصا انا متزوجه كللش كلللششش مو مال وحده متزوجه وعندها عايله
ابداً ماراح اتشوفين اهلج ولا عيالج ولا ريلج وتردين البيت تعبانه وساعات عمل طوييييله
شي فووق الخيال والمهزله اي اقولج اياها اشكره بتكرهين حياتج وبتحسين روحج منفصله
بس الميزه الراتب وايد والمزايا حلوه، هم ماراح تحسين بلذتهم! حياتج بتصير كله دوام دوام دوام وكله حاطه ايدج على قلبج يمكن يوصل لج ايميل تفنيش، والتفنيش ابيزه


الحكومي معاش مقدور عليه بس مو حلو حق الي بتاخذ قرض او قسط سياره ومع ذلك انا محوله حكومه وعازمه ومخلصه بشتري راحتي وحياتي واعيش مثل الناس والكويتيين اشوف الدنيا
والحكومه وظيفتج ظامنتها واظظظظممممن رااحه عندج وقت تداومين وتعطلين مع الناس
تقدرين تسوين مشاريع شغل حلو ومريح ومافي غلطات .. وانصحج اذا بتروحين حكومه روحي هيئات او مؤسسات حكوميه مستقله مو وزارات .. معاش حلوو واحلى ومكان يفتح النفس وراقي وشغل محترم

والله يوفقج يا رب وادعيلي الله يرزقني الوظيفه الزينه وافتك من الخاص اللي يابلي الهم وكله محاتاه ومااحس بالدنيا​

حبيبتي الله يعوضج بوظيفه مريحة وتستانسين فيها

بس انا مفكره من اول اذا بتوظف بالخاص البنوك وشركات الاتصالات مابيهم لانه ضغط وايد
اكثر من الباجي

اي انا احاتي قسط السياره خاصه معاش الحكومه حده 600 ومايسوي شي بهالزمن

بس بعرف منج بالحكومه والقطاع الخاص ال
هيئات او مؤسسات حكوميه مستقله
او شركات او جامعات خاصه
مثل شنوو ؟
وشلون طريقه التقديم ؟

تسلمين ولج بالمثل
​

 

[noran89]

اذا بالحكومة معاشج 600 بتحسين فيهم اكثر من ال1000 اللي من الخاص لأن الحكومة على راحتج و ضامنة نفسج و لج كامل حقوقك و الشغل خفيف الحمد لله و الدوام صباحي
و مو لازم تاخذين ليكسس و لا مرسيدس . اخذيلج سيارة كشخة قسطها من 150 ل200 و ان شاء الله يباركلج في باقي المعاش
اما تاخذين سيارة غالية ترزحين فيها شغل خاص تلوع جبدج فيه ما استفدتي شي

 

[Pearl_q8]

اذا بالحكومة معاشج 600 بتحسين فيهم اكثر من ال1000 اللي من الخاص لأن الحكومة على راحتج و ضامنة نفسج و لج كامل حقوقك و الشغل خفيف الحمد لله و الدوام صباحي
و مو لازم تاخذين ليكسس و لا مرسيدس . اخذيلج سيارة كشخة قسطها من 150 ل200 و ان شاء الله يباركلج في باقي المعاش
اما تاخذين سيارة غالية ترزحين فيها شغل خاص تلوع جبدج فيه ما استفدتي شي

مشكوره حبيبتي